玉葉越式料理

营业中

休息中

食物質素OK，正正常常唔覺得有咩特色，幫襯左兩次但係兩次的衛生情況令我感到十分惡劣，梳化凳有頭髮，都唔知點解D侍應都可以叫人請坐，地下又有牙籤紙巾，好似無人做過清潔咁樣，枱面嗰三支汁醬痴痴立立咁有時就有紙巾提供有時又無紙巾提供，個天花板仲得人驚，發晒霉都無人打理燈又燒左幾盞無人換，夥計個個企晒都唔知做乜，茶記就係茶記都唔期望佢哋有咩招呼俾個客但係基本清潔都做唔好，好似入左去幾十年前地踎茶餐廳咁不會再幫襯堂食。

最近黎點餐都比服務員罵「得啦黎緊啦！」，叫點餐又唔係即刻落單，係要提佢，咁又浪費左5分鐘。比錢賣單仲要多謝都冇聲，好似奉旨要食你依間。好心你地改善下服務員態度，短期內唔會幫襯

見較少人，試早餐。選炒蛋。。。原來係凍及乾憎憎。相信喺厨房炒定一大盤，有人叫炒蛋就嗶兩羹落碟。之後同收銀（年纪較長似話得吓事果因）講“啲炒蛋凍冰冰”。回覆如下：好呀！遲啲同店長講！ 如大家欲试這店，入座前記得要問：你們店長返嚟未？呢間店舖 真係影衰個商場！

食物差, curry chicken too salty, spring roll burnt,  the waiters were quarreling and it was so noisy! 服務差, 叫了5次才有杯水飲,之前吾踩我, 走時門口向阿嬸主管反吷, 佢竟然話忙係咁啦, 七成滿, 如果出面排隊咪要打D客!!

今日入康城睇戲睇完戲肚仔餓搵嘢食，見到依間餐廳冇人排隊，心諗都應該有啲伏，但係冇計肚餓入去啦，入到去侍應服務態度已經唔好，快啲食完就走啦，叫咗個火車頭劏河，點知食到尾依隻嘢先浮上面，即時同侍應反應，結果侍應同廚房都話依一粒係黑椒，我話唔係嘛有頭有手有腳都係黑椒，你哋又覺得係唔係呢？🤬

呢間最近開埋早餐抱住試下嘅心態之前食過午餐普普通通咁啦喜歡佢杯越式咖啡湯河都做得唔錯今朝落去叫左雞扒撈檬加咖啡點知叫雞扒黎左豬扒食食下先覺得唔對路同侍應講番佢地千句萬句唔好意思新人手廚房越南人溝通問題多謝我提醒攪到我都唔好意思其實對我黎講都係小事大家都感覺受尊重同體諒錯有錯着讚佢地豬扒其實好好味下次再試過雞扒好了呢間早餐價錢屬於中價$40幾至50左右平時食開麥記大家樂嘅對呢間一定多啲啲期望不過一定有下次希望keep住呢個服務態度食物方面中規中矩

星期日同屋企人食個飯 聽到廚房阿姐係廚房大聲地批評食客事緣 落單時叫左個咖喱牛腩飯 但樓面應該打錯單送到上枱黎左個咖喱雞飯即刻同返個樓面講錯單 樓面都好好態度同我地講聲唔好意思對唔住仲幫即刻幫我搞返咁岩岩我坐果張枱就係廚房出餐隔離聽到個廚房阿姐好大聲講 「錯單就落返隻雞入黎啦」樓面同事答返佢 「個雞俾個客了過黎，所以消滅咗」跟住落黎廚房阿姐仲要補一句「明知唔岩仲要了，個客係唔係傻嫁」我地全屋企人聽到都眼火爆 講野又大大聲完全阻住同屋企人傾計把口又唔收好似自己屋企咁 成晚又講中文又越南文 成個大排檔同街市咁樣下次唔會再同屋企人幫襯

一向只會睇食評唔會打食評今次真係忍唔住之前中午都有幫襯過，正正常常今次係夜晚。。。。套餐包野飲，叫左蜜桃柑桔小冰野飲完全只係得梳打水味完全無其他味，但冰就真係小既老公果杯無小冰，就2/3杯都係冰野食：火車頭：對唔住個價錢牛仔粒飯：勁柴，同埋勁多蒜頭粒（大粒）嘢食難食都算啦，收銀仲要極度冇禮貌樓面員工態度幾好唔會再有下一次

同家人黎食午餐，個河粉好好食，比之前食更好味。同埋服務好細心，同事聽到我家人咳，佢立刻倒左杯暖水比我家人，我同家人一定會再黎食。而且環境好乾淨舒服，枱面好乾淨。

康城可以選擇的餐廳不多，同屋企人想食湯河類，所有決定去玉葉。香茅豬扒湯河粉 $78食到一半先記得影相，厚切香茅豬扒大大塊，加上濃郁的湯頭，味道不錯。可惜豬扒中間有點乾身，如果再肥少少，會更好。順化湯河 $83湯河有三種材料: 札肉、和牛丸及牛𦟌。札肉同牛𦟌都正正常常，反而和牛丸有驚喜，咬落去會肉汁，牛味濃，口感彈牙爽口，加上不錯的湯頭同份量多的河粉同大量芫荽，可以滿足到想食越式湯河的口癮。晚市套餐可以選擇一杯飲品，飲品不算少，青檸茶同鹹檸特飲不用加錢，前者有青檸的獨特香氣，後者清新解渴。玉葉小食拼盤 $118可以一次試到不同的小食，有牛油雞翼、墨魚餅、魚餅同春卷。牛油雞翼同春卷偏油，墨魚餅同魚餅不錯，味道同口感都不錯。食物味道中規中矩，裝潢同服務比較出色。

🙋🏻‍♀️我之前黎食呢間越南餐廳，都係食招牌河粉/順化湯檬🍜，或者食撈檬多~~~~~~🙅🏻‍♀️就從未試過order飯餐食🍚今日忽然好肚餓😆😆就試吓叫呢個越式香茅豬扒飯🐖，點知就出事😖💢塊豬扒勁乾勁硬‼️一啲都唔Juicy….👎🏼塊扎肉又勁鹹😣究竟發生咩事？😅另外我仲加左👇🏻香茅串燒雞肉（2串）好彩呢個都好食，同埋越式凍咖啡☕️依然好飲嘅。經過今次，下次唔會叫豬扒飯了😅

喺日出康城想食越南料理，諗都唔使諗食邊間😆，因為Lp 商場得一間越南餐廳🇻🇳就係Jade leaf 🍃 玉葉我哋入座時間大概12:30pm，有lunch set ，都幾抵食。老公叫咗碗順化湯檬，當中有牛腱、和牛丸、扎肉。“和牛丸”係精華所在😍咬落去會爆汁😆食落有啲似周星馳講嘅瀨尿牛丸一樣，彈牙爽口爆汁牛味濃，我同老公都超鍾意！可惜，得1粒半😅如果可以有多幾粒就好。跟餐叫咗杯越式凍咖啡☕️越南咖啡係配煉奶的，會偏甜。另外我叫咗碗河內墨魚餅撈檬，墨魚餅🍥好足料，好厚身，咬落去啖啖墨魚肉，好鮮甜好味🤤！跟餐追加咗兩件牛油雞翼(好重牛油味)Lunch set 有成10款唔同嘅小食可以追加，選擇都算幾多元化，同埋份量都算多！

食物凍，用料差，叫左個粉湯底唔夠味，麵口感太淋。不過好在同事服務好，有禮，同佢反映意見佢都耐心聆聽。所以衷心希望下次再去時，佢地有聽我意見，食物質素會有所改善。

今日夜晚去康城交收，咁啱到食飯時間。行過見到一間裝修都幾別緻嘅餐廳。咁啱門口有個工作人員，問我哋幾多位。抱住試一試嘅心態入去食返個晚飯。坐低後，我哋睇咗菜單，點咗一個豬扒湯河同埋牛肉撈檬。上菜後，買相都唔錯，再食，啲味道真係強差人意，啲豬扒同牛肉又乾又柴，咬都咬唔開。味道都真係同好多越南餐廳冇得比，用餐途中聽見隔離台嘅顧客都話啲嘢食好一般，下次真係唔會再嚟。雖然環境同服務都可以。但係佢啲出品，真係有待改善。

明明我撳飛係二人抬A008 , 點知佢係冇理由下俾咗張枱A009。我已經即時同佢講。但係佢完全態度勁差，話嗰張係搭枱。大前提係佢從來冇問過我搭唔搭枱，就比俾咗張枱人地。跟住叫我繼續等。咁既然係隨心派發枱比客，咁點解要人哋㩒飛？