西貢街頭越南牛肉粉

营业中

休息中

除咗日本菜同韓國菜，越南菜都係一個我哋好鍾意嘅外國菜系，食到一碗熱辣辣又好香濃嘅牛肉pho真係好幸福架！不過，想喺香港食到地道嘅越南菜都唔容易，而呢間位於灣仔嘅西貢街頭越南牛肉粉，夠地道而味道都唔錯喎！香脆炸蝦餅同平時食開嘅蝦餅唔同，呢個香脆炸蝦餅嘅表皮好有層次，炸到脆卜卜，外脆內有好香嘅蝦味，彈牙香口！生牛肉湯河粉食越南嘢，當然唔少得越南粉啦，熱辣辣嘅越南粉，湯底清香，生牛肉嘅份量好多，用滾湯焯熟，生熟度啱啱好，肉味香濃，又夠軟腍。而河粉幼滑，好好味。香茅豬扒撈檬A姐話今日無咩胃口，所以就叫咗個撈檬！檬粉配上自家製酸辣醬汁，又惹味又開胃，而A姐話要加埋是拉差香甜辣椒醬，就更加滋味。配菜有蘿蔔絲、青瓜絲、花生碎等等，食落好有口感。而香茅豬扒大大塊，加上蔥油就更好味喇！（記住Like同Share畀朋友）By A姐M佬 玩樂日記

放工肚餓想醫肚去食下午茶，之前經過這間越南餐廳好多客人，所以一直想來試試。今日終於有機會！先到取票機取票等位環境以越式的燈飾及牆畫作裝飾，好有特色；播放越南風味的音樂，好輕鬆。座位舒適，明亮的環境、以藍白色作主色。剛好有下午茶餐，好抵食又多款選擇，有湯粉、撈檬、飯，包了一杯飲品，天可加錢轉特飲，又可加錢增點小食，如：春卷、蝦餅。見客人食飯及湯粉都好吸引！香茅豬扒撈檬好大碗好足料！檬粉質感彈牙孜香軟，配上自家製酸辣的醬汁（包了蒜、紅辣椒、白醋等），好開胃又惹味又美味；配有健康紅蘿蔔絲、爽脆青瓜絲、醃製白蘿蔔絲、香口花生碎，拌勻一同食好好配搭好有口感；香茅豬扒即叫即製，好大塊、厚身又熱辣辣，好入味好香又軟腍易咬！跟餐包了飲品，點了咸柑桔：好滋潤好順喉，熱熱暖胃，好適合冬天飲。