初見

营业中

休息中

想食荃灣呢間好耐每次openrice search荃灣區呢間都係頭幾間推薦今次咁岩經過見到唔洗點排隊就二話不說入去食😍我地叫左香草吉列牛牛肉質地高質 放上石板燒好快熟有得食🤩好脆口 燒起上黎仲好香牛味🤤店員好細心見到石板鹽燒盡左會幫我地換返舊新既 可以繼續燒🤍店舖環境整齊坐得都算舒服～會介紹朋友去食🥰

每次在荃灣經過都見大排長龍最近難得無需要排隊有空位當然要入去試試！餐廳日式裝潢舒適乾淨即使每台都叫了燒肉/火鍋為主也不會太多油煙~🌟香草吉列牛 (配白飯、溏心蛋) 零售價：$138 賣相吸引 份量充足把吉列牛大概燒成3成熟入口有融化的感覺點上少少鹽或燒汁味道亦會更濃郁店員亦會很貼心加燃料令鐵板保持熱度👌🏼🌟季節海鮮鍋(配龍蝦湯、烏冬)零售價：$88海鮮鍋備有帆立貝、三文魚、青口、蝦、蟹柳等配料十分豐富而家湯底為龍蝦湯滿滿濃厚海鮮味價錢合理 整體味道也不錯性價比高！如不想食飯餐廳亦會貼心幫你轉為烏冬～_________________🔍餐廳：初見🏠地區：荃灣📍地址：荃灣海壩街22號華達樓地下F號舖

之前經過 #荃灣 #海霸街 見到呢間 #日式餐廳 成日都好多人等位今日平日 終於見唔駛等位 一於要試吓Menu 好多選擇 😋不論刺身 壽司 火鍋 甚至 石板燒牛 同 fusion pasta burger 都有最後都係被石板燒牛 最吸引到🤤🤤有4️⃣款 #初見香草吉列牛 #美國安格斯雪花牛 #極上澳洲和牛西冷 #日本A四和牛西冷揀咗特別啲嘅 #香草吉列牛 $138有白飯同流心蛋仲可以以 $38 升級 有 #刺身 #湯品 同 #熱茶 亦可 +$8 白飯🍚 轉 #拉麵 #讚岐烏冬 #日式味素飯 亦可 +$5 熱茶轉汽車 +$12 轉特飲 +$20 轉日本果味梳打當然有升級啦😋😋刺身一客有3款 夠哂厚砌 新鮮記得一定要 #升級 👍🏻👍🏻👍🏻湯品有3️⃣款揀 #龍蝦湯 要額外+$10🦞好有龍蝦味 加咗少少忌廉滑身咗 #必試推介小碟配有牛脂肪 鹽 醬汁一上枱店員好細心remind要先用牛脂肪均勻係石板上塗一層以免吉列牛痴板同易燶👩🏼‍🍳牛件都新鮮 而且吉列邊簿得嚟 燒完好脆 唔會散哂加少少鹽牛味更出 份量一人前剛剛好同朋友食 仲可 +$108 追加多份👩🏻‍🤝‍👩🏽#抵食之選 #必食推介飲品 +$12

佢寫住9:00關門，但我9:00 先去到，原來佢9:00 係last order, 可以坐到10:00.我都係見到個個都話這度好食，所以來試下。環境方面我係覺得幾靚，可以打卡，如果再多D佈置會再靚D。食左兩個set 安格斯牛肉鍋同香草吉列牛，先講D牛，都真係幾新鮮，同埋有牛味，只是有D唔夠脆，同埋個鍋其他食材淋左D，佢可加$35升級做套餐，佢有個南瓜湯好好味，會飲清曬的，有魚生4塊都OK，仲有杯野飲。價錢合理。

最近黎左呢頭返工，見呢間 初見 好多好評。放工一於黎試試佢先❗️去果日好焗，6:15度到等左大概一個鐘。同男朋友差d中暑😂一入店座低立即要叫杯汽水解一解暑🥤🥤-✨小食拼盤甘栗紫薯呢2樣都係我最愛😂好好味！好脆，紫薯唔會太甜，中間仲有栗子粒♥️明太子雞翼有驚喜，好Juicy🤤一口芝士都好唔錯，餃子就比較普通。-✨初見香草吉列牛呢個真係有做列外脆肉唔韌！食落係有回鄉既感覺🤩而且份量都唔少🤤-等左1個鐘都覺得值得既！直頭想食多次😝😝

我們第一次dinner date他不知有心或無意選了這間浪漫店名的餐廳❣️我們選了一個龍蝦湯海鮮鍋配烏冬($88)，加$35轉套餐。我一向討厭南瓜那種有菜腥味的甜膩，但套餐的南瓜湯意外地creamy，又滑又香甜，兩人都讚不絕口。海鮮鍋有蝦、魚、蜆、青口，鍋內還有各種素菜包括我最愛的娃娃菜和金菇。海鮮爽甜又份量十足，加上一大碗烏冬，兩個人食都有六七成飽。他說香草吉列牛($128)是這裡的皇牌。綠色的香草包裹著嫩紅的牛肉令人食慾大增。上菜時覺得份量有點少，但吃過一口就覺得不愧是皇牌：牛肉又嫩又沒有筋，香草味帶淡淡的清香。燒熱的油脂肉香配飯剛好，兩個人吃又滿足又不會膩。他又燒肉又顧著海鮮鍋。這頓飯只是看著他認真燒肉投餵我，聽著他叫我別幫忙小心燙到手，就值回票價了吧？這是完美的第一次。願我們餘下的路上，宛如初見❣️

係ig成日都見到唔同嘅石燒吉列牛餐但如果另一半唔鍾意熱氣嘢但自己又有心癮想食就可以黎呢度啦佢對比同區另一間吉列牛 晚餐定價相對低小小 同時又有提供多款日式同西式餐任君選擇 所以如果唔想食熱氣野都仲有意粉漢堡包同丼飯選擇🤩（1）香草吉列牛套餐包糖心蛋同飯一碗 吉列牛外層香草鬆脆亦好香不過份量略嫌細小牛肉切到一口size方便食用另外要小心唔好哄咁埋個石板度 如果唔係會比啲油彈親 呢方面男仔如果約女朋友食飯可以留意 一定加分🤣🧐（2） 叉燒拉麵 都係包糖心蛋半隻 裏面有海帶粟米甘筍紫菜 同平時係普通food court 質素差唔多 想清清地都可以叫 拉麵亦可以加錢邊轉烏冬 烏冬都彈牙 唔會係好粉同酸嘅隻cheap嘢餐廳食物不過不失 勝在環境唔錯服務態度好 餐廳名亦有心思 食完都開心🥳

咁啱咪有朋友推介就嚟咗荃灣呢間初見到試吓啦！大概七點幾到嘅時候已經有好多人等緊位，入到位終於明白點解會咁多人排隊！睇一睇菜單其實以日本菜黎講，價錢真係非常之公道，仲要一入到舖頭就聞到好香嘅龍蝦湯味！🥘季節海鮮鍋（龍蝦湯配白飯）（$88）🦞龍蝦湯非常之香，而且有好多海鮮，以$88來講真係好抵食。海鮮好新鮮，款式都多有蟶子、蝦、三文魚塊 ，但唯一比較美中不足係個湯比較淡但都清甜既，要點啲日本豉油先夠味啲！初見香草吉列牛（$128）🐄吉列牛就食得多但係綠色嘅吉列牛就第一次見，佢個樣超有趣，帶襯綠色嘅邊，但其實唔係好食得出香草味！牛肉非常嫩口，切得好薄所以燒起身好快熟！一啲都唔覺得韌！雖然都係睇細細碗，但係食落火鍋同吉列牛都非常之飽肚！餐廳菜單都有好多唔同嘅選擇，如果大家係住近荃灣嘅話都不妨你試啦！

荃灣呢間初見成日都有好多朋友推薦，今日終於有時間黎試下！門口都真係有唔少人排隊～我地叫左兩個主食加個小食拼盤😋香草吉列牛係呢個最多人食既餐，所以都係必試之選，份量唔算大份，即叫即整，外面炸到好脆😋再放落爐上燒一燒就更正😍配料中有舊牛脂肪俾你用黎做牛油用，先將牛油燒溶，再放吉列牛～ 鐘意食幾成熟都可以自己話事～ 牛肉入口酥脆軟腍😋🥰好幸福之後仲叫左個安格斯牛肉鍋，份量望落幾大，用左個好大既盤裝肥牛，外觀方面已經贏晒！肥牛大大件鍋入面都有好多蔬菜食到最後個湯底先係精粹，我試左一啖，之後就繼續飲左一碗🥰😂幾好飲加左35$轉左個套餐，有埋4件刺身，同+12$轉咸檸7😋😋仲有個小食拼盤，食到好飽🥰🥰

睇食評圖片好多人推，叫咗香草吉列牛+刺身，結果只有4個字，圖片只供參考，食評係打手。一上枱同FF完全唔同，唔係諗住大大塊牛肉，但迷你到唔似係肉，細過糖心蛋。燒果陣啲肉仲要唔好食，鞋嘅！啲香草呢就完全冇味，食完正常人都唔會覺得飽。刺身三文魚正常，油甘魚唔明點解要切一刀，食落淋pat pat 😒食完要再食老麥先飽...咁就$128+$35，唯一好在冇加一，但冇下次。

荃灣一諗起燒吉列牛好多人都會諗起「秘」一到食飯時間就大排長龍但原來有間小店都可以燒吉列牛仲未有太多人發現所以唔洗排好耐就可以食🤤一場黎到梗係食燒吉列牛番完一日工獎勵下自己仲升級左做set +$35 可以有刺身 湯同飲品估唔到刺身都幾厚幾大塊係兩大塊三文魚同兩大塊油甘魚湯我就揀左南瓜湯 🤤🤤味道都幾濃郁 質地都夠稠賣相亦唔錯 所以我覺得加錢都幾值得🤓🤓我再+$8 轉左做波子汽水好耐冇飲過 重溫下舊時回憶🤗主角到喇 燒香草吉列牛😮份量都幾多 有十幾塊而且仲配左一隻溏心蛋 牛嘅質素都唔錯 🤣當然亦冇石燒和牛個啲牛味咁濃但呢個價錢 唔洗大排長龍可以食到石燒吉列牛都好滿足了朋友唔食牛就叫左個龍蝦湯海鮮鍋就咁睇落都幾正有幾隻有大有細嘅蝦 一啲蜆 墨魚 同塊三文魚偷飲左一啖龍蝦湯都唔錯 幾濃朋友話大大隻嘅蝦都幾彈牙佢最滿意係塊三文魚因為魚肉嫩滑💁🏻‍♀️餐廳環境都幾靚睇餐牌菜式係走西日fusion所以都幾多選擇西式意粉同日式丼飯都有😆下次午市encore就更抵喇😍

今日Home office，所以lunch可以食耐少少😝見到屋企附近有間日本料理食吉列牛極具人氣，所以帶埋老公去試吓😎座位夠闊落，望住d綠油油植物好舒服😙我哋叫左一份石燒香草吉列牛同鐵板牛肉炒雜菜，配花茶同柚子蜜。🐂牛肉冇牛味😢香草吉列部分完全唔脆，有少少怪，食落好似好多粉，如果唔點醬，一d味都冇😔好一般，失望☹️🐃味道一般，值得一讚雜菜份量多，可中和番牛肉d油膩感。麵鼓湯勁咸😤🫖飲品正常😜總括：味道好一般，因附近太多同類食日式料理的餐廳選擇，所以下次未必會再幫襯，初見等於再見👋

今晚放工去荃灣買野，經過見到有間餐廳，俾佢個名吸引左，於是入去食晚餐。果然真係有驚喜😱，入到去環境好舒服，仲有幅綠色牆，裝修唔錯。見到佢個招牌香草吉列牛，真係好吸引，價錢合理，仲要係石燒。吉列真心做得唔錯，外脆內裏係紅色，上碗時又唔會有血水出，火喉控制得好好。出面既石燒牛肉多數都係用蒜，燒汁，檸檬汁，但呢度既汁係用味增汁，入面仲有薑嘅味道，真係好特別👍🏻👍🏻石燒香草吉列牛而我朋友就食左個海鮮龍蝦湯火鍋，聽個名都覺得好吸引，於是叫左黎食。果然無令到佢失望，好香既龍蝦湯味，仲要係有個火煲住出黎，夠哂新鮮同熱辣辣，個火鍋料都唔少，海鮮新鮮，真係唔錯，而且都係$88，真心抵食，我下次再去食時都會叫個火鍋😂😂海鮮龍蝦湯火鍋

初見係OPENRICE荃灣區嘅第一位，因為咁，我都特登去試下。晚餐，七點已經有人龍，大熱天要喺室外排隊都幾辛苦，同埋樓上冷氣機係咁滴水。因為我早喺六點半已經排隊，友人七點到，我哋等咗一陣就有位。我哋叫咗香草吉列牛、仙氣特選寿司盛、韓式泡菜三文魚太卷、章魚丸同嘢飲。首先，佢哋個staff 係冇覆單，仲有啲黑面。仙氣特選寿司盛，佢落錯咗做刺身盛，我哋都食，就冇叫佢換。香草吉列牛，最好食係佢個皮，脆嘅。刺身盛，中規中矩。韓式泡菜三文魚太卷，都係一般。章魚丸，呢個好食，上碟係熱辣辣，就算我哋食得慢，放耐咗都唔會好油好漿。嘢飲，佢有日本版汽水同啤酒，出面少見。綜合嚟講其實OK嘅，裝修唔錯，食物中上， staff相信都係個人問題，除咗嗰個staff其他都係正常嘅。但至於係唔係真係荃灣Number One 呢，我覺得好過佢嘅餐廳都有好多。

放工今天和舊同事敍舊，和她去了荃灣一間想試好耐既日式餐廳食下好西，果然無令我失望，約了七點，鋪頭都坐得鬆動。鋪頭陳設幾靚，以木系裝飾為主，天花版有啲樹枝，照射出黎個樹影幾靚，可見餐廳的心思。另外，佢電視都播下日本節目，幾好笑幾好睇！再先睇下餐牌，個餐牌幾decent，野食種類都好多，應有盡有，總有一款岩你。例如有佢出名既吉列牛餐、火煱、拉麵、沙律、大阪燒burger、飯、意粉。我同朋友叫左個香草吉列牛套餐配白飯糖心蛋（$128）、季節海鮮鍋配龍蝦湯和白飯（$88）。總共$216。全日免加一，晚餐黎講幾抵食。等左一陣就上左野食。香草吉列牛套餐配白飯糖心（$128）：依個set幾好味，好食過出面好貴果啲吉列牛。燒既方法首先係用雞肉係爐上面燒一層油，再將香草吉列牛係上面煎至變色。肉質不錯。唔會好韌，變埋香草味再將牛味昇華。配埋佢提供既調味如燒汁、淮鹽，幾好食。季節海鮮鍋配龍蝦湯和白飯（$88）依個邊爐真心抵食，抵過吉X家，至少佢海鮮真材實料，有蝦、魷魚、三文魚等等，也不會有雪味，煲入面有不同的野菜，配上龍蝦湯真係正。係個唔錯既日式邊爐。總結：餐廳陳設不錯，坐得舒服。食物總類多而且質素好，價錢