樂園 (已搬遷) 新店位置

好耐冇同呢個朋友食飯，終於約到佢。因為朋友好中意貓，又系附近返工，就黎呢間貓貓cafe食野。我地太餓了，黎到即刻揀野食啦！揀左個份量十足嘅廚師發板，同埋三款嘅小食拼盤。仲有兩杯野飲。兩款飲品嘅味道都唔會太甜。亦非常清新。菠蘿金柑特調裡面有士多啤梨、藍莓、檸檬、菠蘿、薄荷葉...嘅材料，水果好多，好新鮮。而金柑應該就係試管黎嘅糖漿，倒落去杯內撈勻就係一杯特調啦！飲落菠蘿味比較突出，但聞落就金柑味突出啲。成杯都好新鮮嘅感覺。青蘋果荔枝乳酸特調嘅材料有士多啤梨、藍莓、桃肉、檸檬、荔枝粒、薄荷葉....試管內應該就係青蘋果同乳酸。溝落去杯內令整杯飲品嘅酸度提升了！同樣地，水果好多好新鮮，呢杯嘅青蘋果同荔枝味都好突出，但乳酸味還差一點點，整體都很不錯！！小食拼盤第一種就係醬爆雞翼！雞翼真係我最愛嘅食物之一！我去到邊都搵雞翼食！對於食雞翼，我都好高要求。呢碟雞翼，我比100分！皮脆，肉嫩！香噴噴的！唔點醬已經好香，好入味，點埋酸辣醬，真係冇得彈！炸魚手指就如其名，一條條好似手指咁！炸得好脆，粉漿唔會好多，裡面嘅魚非常滑！炸物點沙律醬是必須的啦！而且，炸完後亦唔會油膩膩咁！食落都唔覺得好濟！香草牛油

見到Openrice咁多好評，放學近近地過黎試一試！巧遇有兩台人生日，店主突然熄燈送上巨無霸雪糕，然後大家一齊講生日快樂！感覺好warm~下次一定要試下呢個望落好邪惡好吸引嘅雪糕😂兩個人叫左個自選三款小食拼盤，小食選擇多不勝數到揀唔落手，而且每款都有好多件，份量足好抵食！順帶一提野菜配芝麻醬真係好夾。作為一個末期選擇困難症嘅患者，好艱難終於揀好左三樣小食：炸魚手指、醬爆雞翼同香草牛油焗特大帆立貝。推薦小食第一位！炸魚手指！推薦小食第二位！醬爆雞翼！推薦小食第三位！香草牛油焗特大帆立貝！價錢同一般樓上cafe相若，有好多boardgame可以借玩，有台唔識玩嘅店主仲會教添。有機會會試吓其他小食同甜品！！

6月8日約了一個兒時玩伴, ( 以現今社會人際關係來說, 她一定要好好珍惜啊!)在尖沙咀行街街, 黃昏時份開始肚餓, 我們打開電話查查openrice 原來附近有一間貓貓在店內的樓上餐廳 -- 樂園.一入到樂園, 很有家的感覺, 而且..............一隻叫BOBO, 另一隻叫DODO,我朋友是貓虜, 愛貓如命, 一見到他們不停逗牠們玩!本來我自己很怕動物, 但被牠們的貪食行為,都令我好注意牠們 及在店的食客.樂園的食譜選擇有很多, 而且寫得清楚明哲.原來都有介紹過佢地.紫色特飲跟餐叫--$35好特別! TEST TUBE入面裝有黑加倫子汁而杯內有藍梅, 菠蘿, 草莓, 薄荷葉, 芒果, 荔枝味蒟蒻,和七喜.第一啖入口, 口感複雜, 好味, 有汽, 有想一次過飲晒去的衝動!我們本來想叫雞翼, 但這裡有大帆立貝,就即管試下.3隻帆立貝, 上面有用蒜泥,香草和牛油炒香上面焗好.切開食, 原來是半熟, 入口新鮮, 香濃牛油蒜泥味道.連伴碟的雜菜沙律都好好味!好耐沒有食過豬仔骨了, 我同朋友都好想懷勉過去的味道,叫了一客,但到來時, 原來SIZE大得如此誇張,整整一個飯盒那麼大, 一

出街食飯最怕急住食急住走，限時食完還檯，一食完侍應很快將檯面清理乾淨，好似要趕你走咁...撞岩坐近門口/窗邊，出面等緊位就望到實+無限怨念，坐多陣個心都好似唔安樂咁...唯有揀間樓上cafe就可以慢慢食、傾到夠。Happyland就係iSquare對面，非常就腳~ 座位都夠闊，唔使迫。仲有可愛貓咪做親善大使呢~~ 另有提供多款card game/遊戲比客人玩。先點了杯「我係曲奇大王」 ，即是oreo朱古力沙冰，唔太甜，朱古力味幾濃，飲完透心涼呢~戀之花煙三文魚沙律我好鐘意食煙三文魚，配上新鮮沙律菜加醋汁，good!香草牛油焗特大帆立貝未食已經聞到牛油香，帆立貝又夠大隻，食落啖啖肉，而且焗的時間控制得剛剛好，不太老太韌!炭燒虎蝦蕃茄汁扁意粉蝦肉好結實爽口，食不出雪藏味。意粉不會煮得太硬，加入了不少新鮮蕃茄，茄汁夠濃入味~厚燒美國安格斯肉眼扒肉眼扒的質素不錯，很有牛肉香，熟度掌握得好，既不韌又不會太生而血淋淋，肉汗都鎖在扒中，肉質細嫩又很juicy呢~ 正呀~~ 烤焗西班牙黑毛豬肋骨配洋蔥汁難得豬扒不"鞋"又沒有由被"拿"鬆， 很有口感，洋蔥汁也很配呢~怪獸雪糕食到飽但都要食甜品，這個巨型