餓居

营业中

休息中

今日嚟到呢間充滿日式裝飾餐廳食飯入門口就見到紅色鳥居、木質長椅牆上更有繪馬可以比人寫低祈願呢度已經好感受到濃厚日式文化氛圍入到去仲有棵大大嘅櫻花樹引人注目加埋側邊個燈籠牆 增添浪漫感覺仔細一睇 木隔板上有啲可愛生物成個空間多咗趣味、更顯生動- - - - - - - - - - - - - - - - - - - - - - - - 1. 熊本霜降一口牛定食定食本身附送白飯同麵豉湯另外白飯就可以加錢轉其他朋友就轉咗日式湯烏冬烏冬質感香滑 湯底清香更突顯到熊本霜降牛肉原味牛肉色澤好靚 有少少烤香嘅味道 肉質鮮嫩 有種入口即化感覺唔夠可以加購小食 幾款可揀揀咗日本蟹肉忌廉薯餅外脆內軟 入面蟹肉成蓉足料2. 日式炸雞定食定食本身附送白飯同麵豉湯另外白飯就可以加錢轉其他我就轉咗福袋腐皮烏冬腐皮包住烏冬 索晒啲汁好正烏冬比較滑順彈牙 湯底鮮甜配咗外酥內嫩同肉汁豐富嘅炸雞如果有沙律醬 兩種食法就好唔夠可以加購小食 幾款可揀揀咗香蔥山椒胡麻豆腐食完炸嘢再食豆腐感覺清新3. 香辣單骨雞翼香辣單骨雞翼炸到金黃酥脆好似連鎖快餐嗰啲脆香雞翼但係外皮係更香脆 肉質都好鮮嫩食落辣味同炸物嘅熱香交織配埋酒類/碳酸

喺香港食居酒屋比人嘅感覺一向都唔平 餓居喺方便嘅太子地段但價錢都算親民合理 幾款小食同料理 甚至茶漬飯都可以三十幾蚊有成交 叫野唔洗就住就住 暢飲sake之餘又可以飽肚👻👻🍶餓居魂 純米大吟釀($388)講到sake就先講酒餓居係有自己製作嘅酒店員都好熱情推介 令到唔飲酒嘅我都學左唔少野 店員表示酒米係使用雄町品牌 酒精濃度係15.5% 對我黎講就太高 不了🤭🤭 不過都介紹比各位愛酒之人🤤🐱鰻魚被窩貓貓蓋飯($128)原條鰻魚好似一張被 仲係厚被飯就係貓貓冚住被既造型 賣相好有心思 飯係有微燒過嘅燒飯團口感 外脆內軟 如果再用紫菜/醬油加啲貓紋同五官相信會更得意！😆😆🫔栃尾厚油揚($52)搭配魚籽同蔥花而且油揚有鎖住湯汁食落岩岩好唔會太乾愛油揚同腐皮之人必試🤓🍥香蔥山椒胡麻豆腐($38)胡麻豆腐就食得多加埋山椒都幾驚喜少少辣 條脷有啲麻痹嘅感覺惹味 調味上有創意🤟🏻🤟🏻🐤鴨仔茶瀆飯($39)飯今次係鴨仔造型倒啲湯落個飯之後就好似鴨仔喺到游水咁🤤調味啱啱好 唔會太鹹如果清酒味再重啲就更好😎🍅胡麻蕃茄 ($35 )原個蕃茄上再加胡麻醬汁都幾開胃作為開胃菜一流🤘🏻🤘🏻🍘山椒墨魚咀 ($38)

🎐近排同魷魚妹行得好埋，事關佢將會黎離熊妹而去，sosad😥😢。只有食好西先可以停止別離！好西當然要配靚境，聽講太子有間居酒屋《餓居》好有日式氣氛🎉，今次熊妹就同䰹魚妹返工後過來吃個late lunch。📌太子地鐵站附近一帶都係食街，要突圍而出，首先店鋪門面裝潢一定要吸引人之處。除了一般的cafe、茶餐廳、粉麵店外，行下行下就會發現呢裝修格局精美的居酒屋《餓居》。📌門口掛著幾個居酒屋的典型燈籠口同日式門簾，好明顯地一望就知係食日本野🇯🇵。📌門面怖局都好有心思💕，而居酒屋內都蘊藏着多個打卡景點位，真係大開眼界👁️！🏵️景點1️⃣📌一拉開門口日式木敞門，就會見到一大坐鳥居⛩️盡現眼前，而且側邊牆上掛上許願牌🔖，成件事真係好似去左日本神社祈福咁，可以坐係度靜心一下，呢個景點位絕對值得停留耐啲。🏵️景點2️⃣📌離開鳥居，進入居酒屋內，環境都幾大，一邊廳擺放著4-5張4-6人木枱木椅🪑，另一邊廳就是日式榻榻米怖局。在榻榻米上，日本人喜歡在放工後可以脫下鞋子👟，盤著雙腿，輕鬆地坐上去把酒談歡🗣️。香港地，好少日式居酒屋可以做到榻榻米的設計，《餓居》真係盡現日本文化🎏。🏵️景點3️⃣📌而榻榻米旁就屹立了一大棵長年盛開的櫻花

早排去左間好有feel 既日式居酒屋，佈置好和式，而且入面仲有棵好大好岩打卡既櫻花樹添丫😍我地食左：✨炸黑椒雞腿扒定食✨定食入面除咗主角黑椒雞腿扒之外，仲包含左日本御飯同略帶甜口既味噌湯。炸到外皮香脆，內裏滑嫩既無骨黑椒雞腿扒大塊得梨又厚身，啖啖肉真系好滋味😬✨關東煮烏冬定食✨ $98關東煮個湯頭甜甜地，－碗有齊哂煮到入哂味既靈魂大蘿蔔、魔芋、雞蛋、芝士福袋、腐皮同獅子狗，用料豐富又足料！正到小妹連個湯都清埋🤣午市小食：✨香蔥山椒胡麻豆腐✨ $38豆香滿滿又夠凍既豆腐質地比較厚實，加埋好香芝麻味既胡麻醬－齊食真糸好開胃✨冰鎮秋葵✨ $20味道清爽，感覺好健康✨厚燒玉子✨ $21呢碟玉子真係夠哂厚，食落好有質感✨鱈魚脆片✨ $21脆卜卜既鱈魚脆片就好似食緊鱈魚味嘅薯片咁，香口到不得了！ ✨海苔魷魚鬚✨ $48✨日式餃子✨ $28餃子皮薄香脆，餡料又多！✨原味波子汽水✨ $21呢個帶有青檸、檸檬口味既碳酸飲料清涼爽口，童年回憶嘅好味道👍🏻✨抹茶可樂✨ $29呢個抹茶可樂頭幾啖飲落去好似飲緊普通嘅可樂咁，飲飲下綠茶既甘香茶味會慢慢浮上嚟，感覺幾特別！可以坐喺櫻花樹下食好西，感覺真係超級愜意😌

今日黎左間好靚好有FEEL既日式餐廳~餐廳設計好特別, 有棵大大既櫻花樹, 仲有好多日式佈置, 打卡一流!!!充滿日本風啤酒好抵飲喎熱玫瑰茉莉花茶 $58整壺茶賣相簡單雅致, 一朵朵粉色嘅玫瑰花浮係壺面~~一按就可以自動斟茶, 相當方便~~花茶入口有淡淡嘅玫瑰花香同茉莉花香氣, 茶味醇厚而清爽, 帶有微微甜味香蔥山椒胡麻豆腐 $38菜式灑滿香蔥同山椒碎~~豆腐非常滑嫩, 香蔥同山椒帶出清新辣味, 胡麻增添左份濃郁香氣, 口感豐富!!大蔥豚肉卷串 $58豚肉緊緊繞在大蔥上, 外皮色澤金黃, 燒得香嫩多汁!!豚肉肉質幼嫩, 大蔥嘅香氣包裹住肉質, 帶出濃郁嘅蔥香荔枝豚肉卷串 $58荔枝同豚肉卷埋一齊~~荔枝嘅甜味同豚肉嘅鮮嫩肉質結合, 口感豐富燒翠玉瓜 $45翠玉瓜色澤鮮綠~燒烤後有微微焦香, 瓜肉爽嫩多汁!!燒原隻大啡菇 $43啡菇肉質鮮嫩, 燒烤過程中釋放出濃郁香味, 口感彈牙~~赤魚一夜干 $72魚身呈現橙紅色, 外表有光澤魚肉鮮嫩幼滑, 帶有微微鹹香, 肉質緊實海豚動物造型飯團 $25賣相超可愛, 日本米Q彈軟糯有嚼勁柚子芝士蛋糕 $39芝士柔軟綿密, 口感滑順~搭配柚子清香同微酸

上星期個囡考完試，趁有半天假把握機會一齊出去行街食野輕鬆下，我哋去左太子既日式居酒屋「餓居」。一入店先見到個小小鳥居⛩️同繪馬，可以影相打卡同寫低自己既願望，好似真係去左日本既感覺。餐廳空間寛敞舒適，仲有一排榻榻米座位，以和式屏風隔開，私密又有和風感覺，餐廳正中放有櫻花樹，好岩打卡，阿囡仲特意選了櫻花樹下的座位，夠晒氣氛🌸午市套餐抵食，定食之外仲有3款自選小食，一次過可以試多幾款唔同食物，大滿足。🍴鰻魚被窩貓貓蓋飯大大塊鰻魚鋪在貓做型的飯團上，增添可愛感。鰻魚稔滑入味，醬汁香甜令鮮味突出，肉質嫩滑充滿獨特魚香。定食還有泡菜和麵豉湯。🍴豚肉生薑燒定食白飯可轉配日式湯烏冬，這份量真係叫多個人黎食都夠呀。大大碟生薑豚肉加大大碗烏冬令我哋由好餓變得好飽，食量好既朋友都一定滿足到。豚肉肥瘦適中，口感很好，加埋秘製醬汁好好味。🍴香蔥山椒胡麻豆腐在麻醬豆腐加點新意，半邊加上辣粉，半邊加上山椒粉，兩種口味，一辣一香，加上冰凍幼滑幼豆腐，好味。🍴冰燒玉子厚燒玉子好有口感，味道甜甜的，好有蛋香。🍴鱈魚脆片好香口既小食，香脆惹味，食唔停口。🍴金栗薯餅阿囡話好好食不停推介我試下，一咬下去鬆脆香口，紫薯粟子饀香甜

跟攝影朋友去搵食, 都總會發掘到打卡餐廳。就係離太子站不遠嘅---餓居。踏入餐廳, 柔和昏暗燈光令人有種很warm感覺, 餐廳正中央有棵仿櫻花樹, 旁邊設有榻榻米座位, 非常適合打卡。餐廳供應多款日式小食、串燒、鍋物及一品料理等….【香蔥山椒胡麻豆腐】HK$38豆腐好滑, 加咗七味粉、胡麻醬同大量蔥粒, 配搭簡單清新。【厚燒玉子三重奏】HK$98分別有芝士、明太子醬、海膽醬三款口味散發蛋甜香味, 口感香軟, 芝士配玉子永遠係prefect match, 但明太子醬口味個人覺得過於鹹。【紫薯甘粟薯餅】HK$23外層鬆脆不油, 紫薯香甜味突出, 仲有少少甘粟碎, 很有層次。【海膽醬烏冬】HK$68烏冬彈牙, 每條都沾滿海膽醬汁, 鮮香味十足。【七味一口豚】HK$98豚肉切粒, 剛好一口一粒, 豚肉彈牙爽口, 加咗七味粉調味, 微辣惹味。【雞翼(2串) 】HK$58雞翼燒得香口, 帶少少焦香。【熊本一口牛串】HK$38牛粒keep到原本肉汁, 肉質林。【波子汽水】HK$21/枝