嘉寶漢堡 (已搬遷) 新店位置

店家以港式手工漢堡包為賣點想不到店內空間非常之細全店只有三張枱比起葵涌光輝圍總店細約四倍有多因此等候時間有點長芝士牛堡 - $39堅持用慢煮方式烹調漢堡保持肉質最佳質素，更能鎖住肉汁，口感特別juicy漢堡上層也有厚厚的蜜糖芥末醬由自家芥末籽同蜜糖混成，特別香濃帶點微辣漢堡包輕輕烤焗過，外層很爽脆生菜同蕃茄，中和油膩感香蔥雞扒堡 - $36與牛堡不同的是沒有芝士及改用香蔥沙律醬雞扒煎封得外皮酥脆，同時肉汁鎖在雞肉內肉質特別嫩滑多汁

本身諗住經過食個包就去搭車睇音樂會~見到有差唔多十個人排隊就打算放棄!點知聽到店員話: 一位! 有冇一位?見冇人應喎~~~ 嘻🙃無啦啦唔使排隊就食到<<香蔥雞扒堡>>($42)加煎蛋~加六蚊就可以食到熱辣辣...流心嘅煎蛋! 正呀🤤我諗走沙律醬都ok ar~因為佢連塊香蔥雞扒都好多肉汁!佢外皮香脆，內裡雞肉嫩滑!食呢個包完全唔覺dry💪🏻 兩塊包都有烘熱過㗎!連埋新鮮番茄同咬落嗦嗦聲嘅生菜~呢個一人趕急嘅晚餐已經好豐富🙆🏻‍♀️三首歌嘅時間就完成✌🏻

老實講，各式各樣嘅漢堡包都有食過，要稱得上好食嘅喺我心目中就無咩邊間～呢排呢間嘉堡漢堡好似好hit咁，最鐘意湊熱鬧嘅我又去幫襯下先！佢地嘅漢堡包好似細個玩電腦遊戲嗰啲咁，做到好似假咁靚啊～（尤其係塊生菜，又綠又大塊真係好少見）每層都好厚好大舊，每啖都要擘大個口先食到！層次豐富，洋蔥嘅香味令食個包加分不少！雞扒非常juicy，再加埋佢地嘅祕制醬汁，一路食一路滴，好味到唔識形容！另外加左薯格，多到裝滿哂個紙袋，點埋茄汁食好滿足啊！個人認為，要判斷間店好唔好食，一定要點佢地最普通嘅食物。呢款芝士牛堡非常出色！洋蔥同煙肉都煎到非常香，生菜夠甜夠新鮮，溶左嘅芝士再配埋好有牛味嘅牛肉⋯⋯好似廢話，但真係好好食呢！值得讚嘅係佢地嘅牛唔會煎到乾哂，肉汁無停過咁流出嚟，雖然食到好狼狽，但係因為咁好味至食得咁開心！呢間漢堡已列入我最喜愛餐廳之一，值得一試啊！！！