令和居酒屋

营业中

休息中

見呢間餐廳食物款式都幾多，環境都好舒服，趁未到晚市時間冇咩人就入咗去先！室內環境好有氣氛，有客人入座時店員會打鼓歡迎。🍽️燒和牛他他其 $78和牛燒得好靚，大概係三至五成熟，面頭再加上黑松露醬汁增添風味。和牛保留到肉汁，口感軟腍，一啖食落去好滿足，除咗有濃郁嘅牛香仲有濃郁而唔過量嘅黑松露味，作為開胃菜非常適合！🍽️香辣吞拿魚丼 $118丼飯嘅份量唔少，醋飯粒粒分明、調味得宜。吞拿魚肉新鮮，醬汁份量啱啱好，辣辣哋好惹味特別。🍽️A4日本黑毛和牛(200g)+野菜豆腐籃 壽喜燒 $298天氣凍咗梗係唔少得打邊爐！叫咗A4日本黑毛牛嘅壽喜燒~和牛雖然唔係入口即溶，但係油脂平均且帶有濃郁嘅牛香。壽喜燒湯底味道調校得啱啱好，野菜籃內有菜、豆腐、洋蔥、菇類等食得幾滿足。🍹蜜桃茶 $28蜜桃茶唔會好甜，茶底味較濃，相對解渴。🍹藍蝶花檸檬梳打 $28賣相好靚，另外有杯檸檬汁可以按自己喜好加入份量，好清新解渴。.唔錯！👍🏻

令和魚生丼($188)，超級足料既魚生飯目測有8款，性價比絕對超值，最重要係有我最愛既刺身蝦，黏黏地痴住d牙既口感係最正，其他魚生都係用魚腩部位，口腔充滿魚既油脂香味，帶點蟹籽一齊食增加口感。香辣吞拿魚丼($118)，鋪滿粒粒角切吞拿魚粒，醬汁係帶甜甜辣辣，用左千島汁混合店家自家秘制辣汁而成，味道好夾。什錦天婦羅($68)，有5款炸物，分別係蝦、粟米仔、蕃薯、茄子、南瓜，油紙上油份不多，證明就算炸物仍然不油膩，每件炸得好脆而且熱辣辣，炸蝦夠彈牙好新鮮。燒和牛舌($38)，牛舌既牛味好濃而且有油脂甘香，曬上黑胡椒和七味粉，所以食落會帶點微辣，豐富味蕾，而且係厚切有咬口。燒廣島生蠔($48)，共2隻，醬汁同樣加左千島汁再去燒，生蠔圓潤飽滿，燒熟左仍然好大隻，唔會縮得好細，咬開後，肉裏面好多汁，唔會燒得乾身。燒雞棒($22)，雞肉串內食到有粒粒雞肉，口感層次豐富，面層有甜甜地，應該係塗上左蜜糖。蜜桃薄荷梳打($48)，層次唔錯，因為最初係飲到蜜桃味，跟住薄荷味慢慢從口腔滲出，而且越黎越濃郁。