家傳滬曉

营业中

休息中

今日約左朋友係大埔超級城食飯，大家都無所謂所以就求其塭左間食，最後擇左呢間上海菜「家傳滬曉」。北京填鴨 : 自己平時出去食開北京填鴨通常都係皮大塊過啲肉 ; 但呢到就剛剛相反，啲肉重大塊過 D 皮，而且啲肉重「鞋」到一個極點非常失望。脆皮素鵝 : 無咩餡好似食庶渣咁。黃金蝦 : 份量只有 6 隻，可惜味道濃過頭有啲咸。鬼碼銀勾通菜 : 全晚叫做最正常既一道菜。河蝦賽螃蟹 : 賽螃蟹係我食上海菜必叫既菜式，可惜味道唔值餐廳收呢個價 ($148) 囉，西蘭花重有 D 生生地未熟既情況。性價比太低樣樣食物都未及水準，而且無樣特別出色，就連杯竹庶茅根薏米都唔掂，如無必要應該不會再幫襯。

家傳滬曉春季十二和菜（$2480）五福喜臨門有以下五款香露醉雞：酒香味不夠濃，雞肉一般。家鄉燻魚：魚肉味清，不會太甜。門前店醬蹄：原來是小分蹄配上特製醬汁，汁味較甜。蔥油海蜇：爽口彈牙，配上青瓜絲，有清新感覺，麻油味不多，較清怡。油炆竹筍：竹筍新鮮，入口不膩。鮮蟹肉雞絲燴生翅：味道偏濃，入口不太杰，吃不到蟹肉，魚翅是細針貨色。翡翠黑松露菌鮮蝦球：蝦肉鮮甜爽口，彩椒和露筍新鮮可口，黑松露味淡。碧綠原隻花菇拌海參：花菇和海參入味和厚身，芡汁較甜。捲蔥填鴨（一隻）：片皮鴨沒有即場獻功夫，只是切好上，而且是最後一碟才到，影響食慾。粉皮太濕，鴨皮脆口。什果東星斑：以為是大條松子桂林魚，其實是東星斑，賣相可以，魚味無甜味。竹笙瑤柱雙寶蔬：有小棠菜和紹菜，竹笙份量較少，瑤柱味淡。上海咸肉菜粒炒飯：飯粒炒得爽口，入口有咸肉味，份量足。上海小籠包（十二隻）：皮薄，餡肉不油膩，小籠包內湯汁甜美。珍珠黃金露：即是南瓜西米露，把南瓜纖維隔去，確實可稱為「金露」，入口香滑，有南瓜味，但偏甜。總體來說，份量不容，用料新鮮，味偏濃，出菜次序有待改善。