泰發泰國餐廳

营业中

休息中

服務一般，唔係個個侍應都識落單，所以落單要嗌好耐。平日都超級旺場，所以上菜上野飲都要啲時間。坐都好迫，八個人坐六人枱，中間加隔板。*泰式芒果沙冰 $28大杯又解辣，芒果香濃，沙冰細滑，冇啲奇怪大塊冰粒。*木瓜沙律 $55大份，青木瓜爽脆，加埋脆花生同番茄仔，又辣又fresh。生菜唔係好新鮮，包住木瓜絲食，另有一番風味。泰式炒金邊粉 $58金邊粉唔會好油，乾身但好張口，而且偏甜，甜得嚟又有啲死甜嘅感覺。配料有炒蛋雞肉豆乾，同埋花生碎，可惜冇生芽菜同白砂糖，好似就唔多正宗喇。馬拉盞炒通菜 $59少少辣，但好油，惹味，但都唔夠馬拉盞蝦醬味，勝在大份抵食。馬拉盞炒椰菜苗 $68同樣惹味但偏油，椰菜苗比通菜更好食，可能因為多咗個有咬口嘅菜梗。串燒 (雞) (豬) $15燒得好靚，雞同豬都入味，肉質唔會腍晒，有少少韌，唔洗點沙嗲醬都已經好好食。檸檬燒牛肉 $123燒牛肉原本係好生，落單嘅時候叫佢燒熟啲，而家熟度啱啱好五成熟，唔會太韌，牛肉味差啲，不過好香蒜頭味，檸檬味反而弱啲，少少酸味開胃，又會令人一啖接一啖咁食。鹽燒盲鰽 $119盲鰽外皮脆但全部都係粗鹽，一定唔會食塊魚皮，魚肉嫩滑，肉多骨少，啖

換左新工，舊公司GE朋友仔就要約出黎先見到了，朋友仔鐘意食泰國野，咁簡九龍城食好西一定無死啦！本身諗住同朋友系九龍城行一轉先，睇下有咩岩食就入去。點知行過見到鋪入面GE員工都系泰國人GE輪廓，朋友仔就話泰國人煮會比較有泰國正宗風味，於是就話要入去試下佢GE底蘊。坐定定即系叫杯野飲先，珍多冰($25)，入面有椰汁、椰糖、碎冰同綠綠紅紅GE啫哩條，飲落甜甜地，都幾透心涼又解渴，唔怪得東南亞咁興呢款野飲。去得泰國餐廳，朋友仔話唔洗睇Menu就已經知自己要食咩，一開口就話要食泰式炒金邊粉($58)、青咖哩雞($68)加簿餅($26)、冬蔭功明爐魚($148)同馬拉盞炒椰菜苗($68)，好啦，XD就等朋友仔拍辦啦，哈哈！有真系有齊哂呢D菜式Bo。泰式金邊粉，$60蚊都唔洗就有，勁抵食，店家落好多料俾我地，雞肉、蝦仁、芽菜、炒蛋、韮菜，金邊粉炒得非常有火喉，金邊粉會有D脆口GE感覺，而調味方面亦剛剛好，唔會因為落得太多蕃茄汁而太甜。好食！冬蔭功明爐魚，冬蔭功湯底本身已經非常香辣野味，好重GE椰香味，D湯汁滾下滾下，而冬蔭功湯開始滲入明爐魚，魚肉除左滑嫩之余，仲非常入肉，食極停唔到口。青、黃同紅咖哩

每次口痕想食泰國嘢，一定落九龍城！而九龍城咁多泰國餐館， 泰發一定係我首選！ 已經幫襯左好多年！ 每次同未黎食過既朋友黎食，個個一定話會再黎！呢度晚市時間都多人， 所以通常宵夜時段黎比較多！咖喱蟹配蒜蓉包，呢個真係無得輸！ 多次有衝動想將食剩嘅汁同配菜打包走！牛油燒大頭蝦第一次嗌， 上檯時真係嘩左出聲，因為比餐牌上張相更加吸引同大隻！ 啲肉咬落好爽，好似食緊龍蝦咁！馬拉盞炒椰菜苗味道都中規中矩，略嫌椰菜苗有少少老！船河又係我每次必嗌既， 雖然已經飽到上心口，但友人話既然我極力推介，就唔爭在......當然無令人失望！呢度個燒雞腎/檸檬生牛肉/螄蚶都係

我媽 每次出去食飯都提議食呢間店，已經成為我媽至愛既店鋪之一~因為阿媽情迷佢呢度既咖喱蟹。 叫我食多幾次番去學煮..(但呢個醬汁咁濃應該好多雞蛋先咁濃..又要走油) 我地都未到鋪頭，老闆娘已經老遠認到我地； 今晚裡面人唔多，所以好快入到去；今次帶表妹食呢度食第二次 ，由遠水路入九龍城食泰國菜；所以一定會食番平時個D例牌菜式。 先講下呢個泰式冬蔭功湯(中)會一鍋上枱，的確食開淡口野，呢個冬蔭功湯係鹹啲，但嘗辣朋友可以點嚟飲，尤其冬天我相信會特別暖；因為我都食得下辣都覺得辣。 香茅味都重 有辣勁 咖喱炒蟹(4人前)價錢真係好浮動，難怪叫海鮮價，肉質的確唔係好實..但只係純粹想用嚟掂下蒜蓉包，所以我只係食蟹殼同一個肉脾位，外面係大隻，只係肉唔算好多，建議如果大家只係想食個汁，不如叫咖喱炒蝦 如果啖啖肉大家可能會開心D掛!!! 馬拉盞炒椰菜苗，如果你屬於味道偏濃同食慣有少少鹹香味，必點呢個菜；但菜的確好少食度，師傅落調味有少少重手；阿媽係屋企煮菜偏淡所以唔慣食太耐 明爐烏頭魚，呢個係另一個屋企成員每次嚟都一定要點呢個，熱住上；汁料有酸辣味，肉質還算嫩滑，配菜豐富 泰式