Baan Phadthai (已結業)

今天一行4人去食飯，之前已經經過幾次都有試住去試下，終於有機會試下。入去前個男職員已經係咁強調9:30pm要走，到有枱果陣8:13pm 行入去都講多幾次，坐低左係度又再講多次。佢都真係幾長氣。🤦🏻成餐飯其實食物的味道唔算差，豬頸肉幾出色。餐廳其他員工嘅服務都唔算差。但成餐飯我都畀個男職員搞到我成肚火，冇咩mood 食，如果覺得1個鐘唔夠客人食餐飯可以唔好畀個客入黎食，但唔係喺咁催個客，仲要叫左個芒果糯米飯（叫起）， 但我都未叫起，9:00pm 就已經到左了， 我都係想食餐安樂飯姐，希望餐廳方面能夠在這方面更加靈活和寬容。總括黎講，這間泰國餐廳嘅食物都值得推薦。只係希望餐廳方面喺管理上能夠更加靈活一啲，畀客人有更好嘅用餐體驗。

最近在東港城發現了一家新開的泰國餐廳，Baan Phadthai榮獲泰國米芝蓮推介。餐廳環境非常寬敞，以木色和藍色為主調，裝修設計充滿度假風，感覺好relax。餐具都幾有特色，全部使用彩色塘瓷餐具，充滿泰國色彩。#無骨海南雞 (半隻) $120好鍾意食泰式無骨海南雞，半隻份量都唔少，雞皮爽口，一啲脂肪都無，仲有啫喱狀嘅口感，啖啖都係雞肉，肉嫩雞味濃，配上三款海南雞醬汁，甜豉油、蔥蓉同薑蓉，令味道更加豐富。#燒豬頸肉炒金邊粉 $88豬頸肉表面燒得焦香，唔會好乾柴，裡面肉質爽嫩。金邊粉煙韌，加埋菜脯、豆腐乾、大豆芽菜同蛋一齊炒，炒得入味。碟邊伴有花生碎同辣椒碎，可以自行撈嚟食，撈少少辣椒碎已經勁辣。唧埋青檸汁，酸酸辣辣好開胃。#馬拉盞炒通菜 $78通菜炒得爽脆，馬拉盞香辣濃郁，但唔太辣，加埋乾蔥蒜、辣椒落去炒，更加惹味。#沙嗲雞串 $68一上枱就聞到了陣陣香氣，沙嗲有八串，燒得焦香金黃色，雞肉醃得入味，食到香茅味同各種香料味。食沙嗲當然要沾滿大量沙嗲醬嚟食啦，仲有辣椒醋，酸辣甜味同沙嗲雞串好夾。#芒果糯米飯 $58食飽飯最後點甜品，通常都會揀呢款泰式傳統甜品，青綠色斑蘭糯米飯顏色好靚，煮得

早排去完泰國已經掛住泰國菜，所以試下呢間來自曼谷既米芝蓮必比登推介既@baanphadthai.hk 😚。🔅無骨海南雞飯 ($88)油飯唔錯🖖🏻，主角既雞最大賣點係本地雞，不過個人覺得可以再滑少少😝。醬汁方面幾出色，綠色薑蓉第一次見，磨到好滑，幾特別，另外兩隻醬油同辣醬都好味！如果雞滑啲就perfect 😋。🔅燒豬頸肉炒金邊粉 ($88)金邊粉同平時食開既唔太一樣😂，口感較煙靭，加埋花生粒同辣粉唔錯😌。豬頸肉燒得好香好好味😍。🔅炸蝦餅 ($88)呢個好出色！炸得岩岩好，蝦餅自家手打夠晒彈牙🏻👍🏻。黃梅醬都唔係平時既甜酸雞醬，同蝦餅好夾👍🏻。🔅沙嗲雞串 ($68)碳火慢燒雞串都唔錯，啖啖肉。沙嗲醬做到泰國地道既口味，重花生味，唔錯🤤。🔅馬拉盞炒通菜 ($78)通菜不過不失，偏油左少少。 💬整體食物同環境都唔錯，價錢唔算特別貴，份量唔算少👍🏻。