Dawn (已結業)

Dawn (太子)太子花園街233-235號偉雄大廈地下A號舖食物烤釀雞胸♥️♥️♥️$118馬鈴薯團♥️♥️♥️$108法式牛角包🥐♥️♥️♥️♥️$45 最好食係呢樣Daily cake 藍莓芝士蛋糕🍰$48♥️♥️Daily cake 朱古力蛋糕🍰♥️♥️$48Latte ♥️♥️♥️$40Cappuccino ♥️♥️♥️$40味道正常，但無其他評語講得咁好，蛋糕似Mac cafe果啲，值唔值得去就見仁見智，咖啡上得有啲慢，蛋糕食晒先嚟到🤣份量❤️❤️2位女士咁叫都飽，有男士嘅話應該唔多夠環境❤️❤️睇相覺得環境幾好舒服，實際都唔錯，不過要自己行出去買同倒水嘅，但要加一🤔服務♥️♥️♥️都係正正常常，無乜特別好壞價格埋單好似差唔多$500，唔駛加一就合理，加咗就感覺貴咗少少🤷🏻‍♀️🤷🏻‍♀️#hkfoodie #hkfoodies #hkfoodieblogger #hkfoodieyiki #mkfood #dawnhk #mkfoodie #mongkokfood #princeaward

馬鈴薯團味道不錯可以再食煙三文魚不夠入味，醬汁與它不太夾，上面的沙律菜一食便知道不夠新鮮，水波蛋味道尚可。咖啡味道還可以是日蛋糕在蛋糕櫃用保鮮膜包圍，大部分都是cheese cake或者朱古力蛋糕 店員講嘢冇尾音，感覺上不太有禮貌而且要order同時付款，好似驚人走數咁…只接受八達通及現金支付！！！

呢個cafe 有d 幾特別嘅野食，一路都係我嘅watchlist今次終於都可以試到，無令我失望🥰烤釀雞胸 $112個雞胸一d 都唔乾，好moist, 加埋佢嘅香料同蘑菇，好香好滑，一d 都唔似好"健康"嘅食物🤪隔離個個係一個玉米餅，煎到脆脆地，一咬開見到好多玉米好足料，配合水波蛋嘅蛋汁好惹味😝做side dish 嘅菜都好新鮮馬鈴薯團 gnocchi $98係香港好難有機會食到，其實係由薯仔做到一粒粒嘅形狀。加埋d 白汁食好快會食到好膩，不過嘗鮮就可以share試下🤩~100 pp (dessert)味道：4/5環境：3.5/5性價比：3.5/5回頭：⭕️

Merry Christmas 遲來的Merry Christmas一早起身因為今晚要早早返屋企睇直播就去左cafe食個brunch先叫左個好多人推介既北非炸蛋入邊有啲煙肉呀 磨菇呀等等都幾好味再叫多個馬鈴薯團配埋個白汁好味 好飽肚🧑🏻‍🦱飲mocha👱🏻‍♀️飲dirty都幾好味杯dirty黎到店員會好貼心提你再攪勻哂先飲 👍🏻👍🏻👍🏻不過假日人都多見到好多人等位食左唔夠一個鐘都急急腳走人

印象中冇得訂位，但可以早30分鐘打去排隊留位，咁就可以唔洗站喺出邊熱辣辣等位。落單自己去counter落單俾錢，刀叉同水都係self-serve。環境光猛，但木凳細又硬，坐得比較唔舒服，張枱更加細，基本上放兩個碟，空間已經所剩無己。*馬鈴薯團 Gnocchi $98馬鈴薯團係薯仔蓉加麵粉搓成一粒粒麵團，就係Gnocchi！質感軟綿綿腍腍地，薯仔味唔會特別出。醬汁係田螺忌廉汁，冇乜田螺味，有少少煙肉碎洋蔥碎。白菌蘑菇味非常香濃，同馬鈴薯團好夾，不過都比較膩。北非焗蛋 Baked egg 2.0 (Shashuka) $92Shashuka原本係蕃茄醬煮紅椒條，加入孜然粉煙燻紅椒粉，再打入雞蛋，然後入焗爐焗熟佢。呢到配合香港人口味改左做法，冇落香料之外，用咸牛肉粒蘑菇薯仔粟粉作為Shashuka嘅料，再打蛋撒芝士入焗爐。整體感覺好融合，蕃茄醬濃厚唔會水水，薯仔軟糯，牛肉咸香咸香，芝士份量恰到好處，拉絲又唔膩，但粟米粒嘅存在有啲奇怪。雞蛋焗得太耐，蛋黃冇咁流心，蛋白又有啲韌。法包有三片，焗到夠脆，但牛油香少，撈啲焗蛋蕃茄醬食非常合拍，可惜得三片，如果俾多兩塊就好啦。Cappuccino $4

第一次去cafe食嘢係真好食嘅！店面小小，但係每一道菜式都好特別，第二度食唔到南非焗蛋聽個名就知道係心機菜，配沙律同法包焗蛋入面有薯仔粒，粟米同鹹牛肉，上面有杏仁片翠玉瓜上面有好似米形狀嘅意粉，成個設計好似係瓜入面刮走啲囊，再釀入啲囊咁薯仔團用雜菌忌廉煮，十分淋+入味食落唔單止煙煙韌韌，而且好掛汁雞胸入面有芝士煙肉，食落一啲都唔鞋旁邊有粟米餅同水波蛋，本身乾身嘅餅加蛋漿嘅滋潤雞胸本身調味都已經夠，亦可以加 BBQ 醬嚟咗一次已經好鐘意呢間餐廳，有機會要再多啲嚟支持用心整嘢食嘅小店