十八座狗仔粉

营业中

休息中

諗住去電腦展之前到深水埗睇下電腦格下價先，當晚諗唔到食乜，經過十八座狗仔粉， 每次都想入去食，今次終於有機會試下啦！ 店鋪細細間非常多人， 我叫了馳名狗仔粉$30， 招牌火鴨翅$30，翅滾飛天脾$28， 秘製千味細雜燴$28 （ 大腸，豬肚，豬皮，蘿蔔）。馳名狗仔粉～ 我覺得整碗狗仔粉的靈魂精粹是菜甫， 因為湯底沒有特別味道，狗仔粉的質地比較澱粉質重，口感淋淋地。招牌火鴨翅～雖然感覺都幾足料， 但味道比較淡。翅滾飛天脾～ 入口啖啖肉， 但味道跟火鴨翅差不多。秘製千味細雜燴（ 大腸，豬肚，豬皮，蘿蔔）～ 這個反而是最好吃， 起碼我食到秘製千味， 四款都炆得好腍入味。未食過可以一試， 始終每個人口味各有不同。

從來都未食過狗仔粉,今日終於有機會黎試下啦!馳名狗仔粉有人話狗仔粉食落好似銀針粉,但我就一啲都唔覺由麵粉整成到長長地一條,食落有少少煙韌呢度既狗仔粉細碗唔算好細,而佢入面仲有大大粒冬菇好正!好多料呢度食狗仔粉一定要落佢自家製既勁辣菜脯我唔食得辣,但都落左一粒勁細既菜脯,真係想大叫一聲 媽!好辣呀!!辣到差啲噴火!!!不過佢又真係辣得幾過癮既,有辣係好食啲既溫馨提示:菜脯真心辣,食之前先落少少試一試自己可以食到幾辣!翅滾火鴨髀 (上髀)原本見到隔離位食呢個髀都有啲啲翅做底,浸住隻髀但點知我地叫個陣,佢上面只係淋左幾滴翅唔係太試到佢啲翅係咩味下次都係就咁試佢個翅講番隻髀,佢有分上髀同下髀,我地呢隻係上大大隻,肉質都幾林,幾嫩滑,唔鞋口,一咬啲肉就分開哂仲要用手拎住食,成件事幾有霸氣!