十八座狗仔粉

营业中

休息中

今日終於有機會一試被冠以米芝連推介嘅十八座狗仔粉, 經外賣平台點了狗仔粉,鱼蓉燒賣套餐, 原來中伏, 燒賣嘅味道跟微波爐叮叮點心差不多, 皮乾且硬, 而且完全唔覺有魚蓉, 狗仔粉嘅分量比預期少, 而且食完滿口油, 幸好茅根竹蔗水嘅味道正常, 以後應該唔會再光顧🙁

芫荽控必食 特色狗仔粉🥬芫荽山既份量 加入咗芫荽 有種清新感覺 唔會太膩 記得一定要落佢自家製菜脯👍🏻🌶️自家製菜菜脯 有分辣同唔辣菜脯脆口，咬下去有明顯的爽脆感辣菜脯辣度較高 落嘅時候要注意炸燒賣燒賣炸得唔錯 外皮金黃酥脆但個醬汁唔太好食 偏鹹 味道有啲奇怪😫

過咗12點除非你非常肚餓去到饑荒程度，如果唔係我建議你去7–11買個杯麵都唔使咁受氣，啲嘢食又唔熱，啲夥計招呼又差，價錢唔係平，其實都係想食個普通嘅碗仔翅魚蛋，如果你見到個價錢請你冇必要考慮一下！簡單嚟講當日嘅店員招呼亦都非常之x其實除咗粗口之外都冇咩好講，之前我外賣都叫過質素都係一樣，總之大家見步行步啦。都係嗰句如果冇得食的話，其實冇問題，如果有得揀的話，麻煩大家用自己聰明的腦袋諗一諗非常感謝大家

呢個地方我覺得係為着肚餓而食嘢嘅地方舖頭環境都唔需要多講都係嗰啲啦有張凳俾你坐低食食完就走全間舖都係用啲用完即棄嘅餐具食客會覺得好似食緊外賣咁所以返枱嘅時候都算快嘅嘢食方面真係普普通通未去到難食，但係唔好食怕熱氣同驚水腫嘅朋友建議少食😂不過如果有朋友喺外國想搵吓啲香港美食嚟呢度打吓卡都唔錯嘅

唔理食材味道如何，这样的态度首先俾个差评两个人点了个38的碗仔翅，刚上菜就跑来提醒我每人最低消费20，在不知情的情况下没达到低消，这样的提醒让人心情全无，毫无食欲。特别说明：当时店里客人并不多，这样的“提醒”有点看不起人死板守规矩的感觉

-呢間我間唔中都會光顧一下，因為有時候唔知食咩好。🤣呢一間狗仔粉最出名，我以前都好鍾意食，但係依家質素真係越嚟越差，因為個粉煮得實在太腍，有時候會變咗一坺嘢咁，反而我而家鍾意食其他嘢。魚肉翅味道同平時嗰啲碗仔翅差不多，味道唔使落醋都少少偏酸，要讚吓佢真係好足料，另外鍾意叫火鴨脾配合食，火鴨脾都好juicy，啖啖肉幾好食。黑白炸丸炸丸即叫即整，一咬入去熱辣辣，出面加咗辣粉，丸方面本身都醃過，丸芯仲有肉汁，唔會成粒乾爭爭，墨魚丸都有少少彈性，所以係我平時必點。豬油渣今次炸得太過，中間要燒焦少少苦味。Ps: 辣菜脯真係好好好好好辣，加少少就夠，但我嫌佢只得辣味，所以放棄，如果鍾意食辣可以加。

坐得唔係好舒服 不過嘢食幾好食 叫咗碗狗仔粉 黑白炸丸 大雜燴 魚皮餃 狗仔粉好滑湯底亦不錯 黑白炸丸好爽口好大粒 大雜燴口感不錯亦好入味 自家掣醬汁整出嚟嘅魚皮餃外皮煙韌相當好食!

落單講明唔要辣，你就借咗聾耳陳隻耳，樣樣都係辣到飛街，返到屋企一樣都食唔到！態度差不在話下，啲嘢食完全係食一大啖嘅味精！出街食味精就預左，但依間啲嘢真係唔係咁簡單！垃圾！

間舖見就見得多，但一次都無食過。去到深水埗好多嘢都試過，唯獨呢間未試，咁有食下啦。入到店內見菜式不多，主推狗仔粉同魚肉翅。入得嚟都要試下嘅。但極之失望。碗魚肉翅差不多40蚊，杰到不得了，又冇味。狗仔粉都係，湯係杰的，粉就煲得好淋，完全無咬口，食粒油渣就成口油。辣魚蛋得個辣字，亦唔夠彈牙。只有燒賣叫正常。。係正常咋，唔講得上好食。如果個米芝蓮係好耐之前攞落，希望佢唔好再話自己係米芝蓮。希望老板可以多點巡視業務，試試係未邊度出咗問題啦。

今日下午三點半左右去到深水埗，見有少少肚餓但又距離食晚飯時間不長，所以搵啲小食填一填個圖先。嚟到呢間十八座狗仔粉，咁我就點了一碗狗仔粉食，呢啲時間人流不多坐得都ok的，已經一段時間沒有來這裏已經改用q R code落單，點了一分鐘左右便送到上枱。狗仔粉份量不多不少下午茶就剛剛好，湯與粉都非常之熱，湯底味道濃沃帶點杰身，狗仔粉味道偏淡，但配上菜譜的鹹味就剛剛好，蔥花帶點香口，都算係地道的小食，唯獨是衛生欠佳在埋單的時候見到枱底又一隻老鼠走過，這隻老鼠很細隻食客們見到都沒有大驚小怪看來還有點可愛的。

先講人。黑面，無招呼，聲線沒有感情，象播錄音帶。食物，狗仔粉，只是外訂原材料食物，但可以煮到一“劈“糊！基本是沒有一滴湯！仲已經加了味精都好難食！一碗入面已得鼻屎咁少的油渣，想多少少！黑面說加十蚊！！！菜蒲唔可以多！莫說三四元一碗賣比我，請我也不會吃，拉黑！

早幾日假期慶祝活動，日日都玩到好夜就知又係宵夜時間宵夜黎講我都幾中意食十八座狗仔粉貪佢好味得黎又飽肚食物方面雖然唔係好多選擇每次都係指定要叫果幾樣但味道真係穩定地出色🔸十八座狗仔粉狗仔粉有咬口，湯底落左菜冬菇油渣蝦米個人覺得香得黎又有層次配料亦夠多，每一啖都有唔同既配料同粉條十分搭配再加上蔥花同愛辣人士必加既辣菜甫食到停唔到口🔸火鴨魚肉湯湯底同出面生菜魚肉既湯唔同真正係用鴨煲出黎，飲晒成碗都唔會口渴魚肉夠彈牙，份量多，成碗都係滿滿既魚肉同生菜十分足料🔸黑白炸丸墨魚丸比較普通，我比較欣賞佢既香菇貢丸同出面買既貢丸明顯有唔同非常值得一試

(自費食評)每次經過深水埗這間十八座狗仔粉都非常喜歡來吃一碗馳名狗仔粉是他們的招牌小食。現在一碗需要$33元了。如果未吃過的朋友仔不要錯過，下次有空也來試食一下吧本店使用QRCode 自行落單馳名狗仔粉賣相非常吸引，份量夠多這是細雜燴(S)網友們可以自行選擇吃(L)還是吃(S)的。細雜燴有很多豐富的村料包括，原味大腸，五香豬肚，清湯豬皮，鮮甜蘿蔔。再配上他們推薦的最重要的醬料，就是經過他們以多材料一小時秘製的千味醬就好了。非常嘢味，十分有口感，正

以惠顧10年有多啦～由細到大，狗仔粉就好似陪伴我長大咁!因為疫情，有很多店舖都關閉了，已經很少這麼耳熟能詳的小店了~但想不到，就只因服務員'手腳'慢就可以冤枉客人!!真的想不到咁有'回憶'的店舖，會容許用咁的態度對客人!真的，真的第一次這麼失望!!

外賣$68，2兜生菜魚肉得10幾條，又短仲要係(麵粉魚肉)勁硬！叫佢比菜譜，提咗幾次都係冇！阿姐仲要堅持有。。。。上次外賣又比錯咗，已經唔係第一次！今次溫馨提示依然都係唔check清楚