Haika Coffee

营业中

休息中

好好食既髒髒撻濃郁嘅朱古力味，入口香醇朱古力充斥住成個口，即叫即焗，微溫既溫度，朱古力更突出，拿到上枱，朱古力味熏到流口水。一切開爆漿流哂出黎，入口好有層次感，中間有個似麻糬既白色小軟心，眼前一亮，非常驚艷。讓人意外既Cheesecake兩個人黎又想試多啲嘢，所以叫左個cheese cake，但冇諗過咁好食，佢係我食過嘅cheese cake入邊數一數二嘅好食既。清新嘅檸檬香，夾雜着濃濃嘅芝士味，有芝士味巧妙夾雜着檸檬香，又唔會覺得好Heavy，好膩，睇得出店主整得好有心機，真係好好食👍🏻

長州其中一樣人氣甜品必定係髒髒撻，之前已經想去食，可惜太晏去就賣哂🥲Cafe行露營路線風，設室內外位置，想去食嘅話就記得早啲去喇!!!整體食物質素唔錯，不過service就一般，而且規定每人一定要叫一杯飲品，唔可以甜品代替咁就比較硬性—— 髒髒撻 $48打卡必叫‼️一切開滿滿朱古力醬就湧哂出黎，內層係深黃嘅雞蛋布甸，十分滑溜，配埋朱古力醬同外層曲奇皮食，多重口感，朱古力同布甸真係絕配😋⚠️每日限量供應—— 六月合茶 $48好養生嘅味道🌿茶香清新，有小蠟燭一直烘熱住抵讚👍🏻—— 小山園焙茶latte $42焙茶味幾濃，同牛奶嘅比例啱啱好，柔滑醇香⚠️繁忙時用餐時間45分鐘🌟推薦指數：8/10▫️▫️▫️▫️▫️▫️▫️▫️▫️▫️▫️▫️▫️📍 Haika Coffee (#長洲)長洲新興海傍街57號地舖

以往對長洲嘅了解，一出碼頭多數都係食海鮮嘅大排檔同埋賣手信嘅舖頭，估唔到有間露營風cafe🏕✨舖外位置佈置得好靚，有幾張露營枱同櫈，由於舖頭對正海傍，坐低食吓cake同嘆返杯咖啡都咪話唔chill😌😎 店舖menu有咖啡、花茶、蛋糕同bagel，雖然嘢食選擇唔多，但cp值極高！難得入長洲一定要去呀😍到訪當日我哋一行14人(無睇錯，真係14人😂)，個陣大約係lunch時間店舖又啱啱開舖無耐，店員就勁好人幫我哋set好櫈，等我哋可以坐哂咁多人😆最印象深刻係個髒髒撻🍫，賣相十分吸睛🤩上層係流心嘅朱古力，下層就係燉蛋咁，未切開已經爆哂漿🤤重點係佢嘅朱古力味好濃郁，但又唔會好甜好膩！我哋都一致好評👍🏻另外仲試咗巴斯克蛋糕，上面有一層自家製嘅cream，我食到淡淡嘅柚子/檸檬味🍋，都幾fresh，但有朋友就唔太中意覺得怪怪地🤔，整體件cake係好香芝士味好creamy😋😋值得一提係佢哋嘅飲品都好打卡able😍熱飲嘅拉花都好靚好細緻、凍飲都係做漸層、花茶就會用個露營用嘅煮食爐保溫，所有嘢都係camping主題，相信店主係個露營狂熱fans😆😆

終於食到bookmark左好耐嘅髒髒撻！閒日晏晝黎到唔洗等。咖啡店位於長洲海傍街，裝潢走露營風，用上露營會到嘅摺檯摺凳同鐵餐具，户外位好啱打卡呢~ 日照短啲嘅秋冬到訪，更可以趕係店家關門前欣賞到日落每人最低消費一杯飲品🍫髒髒撻 $48完全係為咗呢個朱古力雞蛋布甸撻而黎！一切開，流心效果超澎湃！內層布甸滑溜帶蛋香，外層撻皮加入左valrhona100%可可粉焗製，厚厚嘅撻皮口感偏硬脆，趁暖食會較酥脆。整體唔會太甜膩，不過朱古力味就無想像中咁濃，朱古力控少失望。味道唔錯嘅，但就無咩驚喜🍵小山園抹茶拿鐵 $42/hot入口順滑冇粉末，茶味唔算好濃，勝在奶味低調、甜度低。☕️六月合茶 $48洋甘菊/玫瑰/合歡花/月季花/皇菊/貢菊好fancy嘅setting！雖然有個蠟燭仔熱住，但旁邊都好貼心咁擺左粒冰，熱飲凍飲都無問題~ 茶香突岀，據說仲有促進新陳代謝、養顏之效

窩夫與蝦子餅夏遊長洲那天，在島中坊研吃過早餐後，本來計劃到長洲鳥居，但天氣實在太熱，決定放棄。在大街小巷逛了一會，要找有冷氣的地方坐坐，便去了HAIKA Coffee。HAIKA Coffee室外的位置很有特色，但高溫下還是坐室內吧。HAIKA Coffee是一間以露營為主題的咖啡店，店內有露營用品出售。食物方面，有貝果、蛋糕和髒髒撻等。咖啡以外的茶飲看來都很吸引。窩夫想帶蝦子餅來試檸檬汽啡($44)，沒想到窩夫自己也很喜歡。另外點了一杯Dirty ($46)，味道亦非常好。店員送來髒髒撻($48)時，提示窩夫與蝦子餅要趁熱食，窩夫一吃便愛上了，髒髒撻經過加熱後帶暖，撻皮帶脆，朱古力味香濃，不會太甜，真的太好吃了。

之前youtube看了米紙影片，介紹小店由兩名藝術人辭工搬入長洲開鋪，男的做咖啡，女的做蛋糕🍰，很吸引的故事呢😚家姐點的，她說不錯。味道剛好，不會太甜，同時有抹茶的清香，好味👍🏻內外也有滿滿的朱古力醬，有燉蛋做內涵，也是不太甜，食完也不會太漏*，ok的輕飄飄像雲般，很鬆軟！伯爵茶味濃，醬也好，不錯不錯。店外種滿植物，綠化又悠閑，即使有陽光曬著也不會太熱，很舒服😌🌞椅子也一貫戶外露營風⛺️，很有個性呢😚總結，飲品比甜品出色，環境滿分💯還有店員服務很友善，即刻有小朋友跑來跑去也以微笑溫柔待人👍🏻👍🏻有空會再來chill chill佢🥳🌷

話說上次去長洲嘅時候咁啱無「髒髒撻」，所以過門不入。今次知道屋企人會去長洲，早一日問定有無造😅好彩有造，而咁啱仲有🎉。『髒髒撻』【期待已久】髒髒撻係一但蛋塔，表面再加一層朱古力醬，同埋有朱古力粉；一切開「黑白分明」；先食啖蛋塔，蛋味濃，質地比想像中實在；曲奇皮紮實，乾爽，無好重嘅牛油味；朱古力面甘香微甜，好食！但太細粒，兩啖就無咗😭⋯⋯『Earl Grey scone w/ earl grey sauce』【有驚喜】由於兩件餅都放同一個盒，我哋好懶咁一次過放晒入雪櫃，就試咗第一件「凍scone」；就咁食個scone，已經有滿滿嘅earl grey 味；scone 體涼浸浸，乾身，有脆感，味道係走清新嘅路線，唔會好重牛油味！。📍 Haika Coffee (長洲)長洲新興海傍街57號地舖。回味指數：💛💛💛💛🖤。【後記】➡️ 本身唔喺張to-buy list，但屋企人見到，順便買多個Earl Grey scone！好彩🥰

7月嘅某日日見冇乜嘢做就入下長洲啦，一落船行行下竟然見到有間cafe開張，一於就試吓佢啦。本身只係打算搵個地方坐下hea下，冇諗住對佢有好高期望，點知食完之後，真係覺得好驚喜。呢間cafe所有嘅糕點都係自家烘焙，呢樣已經好加分。天氣太熱，一定要飲返杯凍嘢先得，呢兩杯分別係Tonic 啡同檸啡。Tonic啡飲得多，但檸啡真係第一次飲，相當有驚喜，估唔到咁好飲。 呢個係必食，朱古力曲奇皮包住布甸，個面再淋朱古力醬。個布甸好香滑，曲奇皮好重朱古力味，重點係唔會好甜！！！我好驚啲一味得個甜味嘅甜品。切開咗係咁我好鍾意食啲品感比較輕盈嘅蛋糕，呢個咬落去超鬆軟，令我懷疑緊我係咪咬緊舊雲。伯爵茶味好清香，加埋面果舊cream，好正啊！！！食開有條路，唔爭在試埋啲scones。如果你係伯爵茶或抹茶控，真係要試，因為真係好足料！！！我至今依然對個髒髒撻念念不忘，下次再入長洲一定會再食過！

假日嚟到長洲遠離繁囂🏖，一落船行咗無耐就見到一間新開張嘅cafe。cafe設計為簡約風格，店內售賣各種特色精品，有啲仲要係自家設計既產品，係made in hong kong 🇭🇰架！真心要大力支持呢類小店髒髒撻 $48朱古力控必食🍫上面有朱古力漿，面頭仲撒滿可可粉，然後用朱古力味既撻皮包住😍係好濃既可可味！而裏面包住滑滑既布丁🍮，食到可可香味同時帶出布丁的甜同滑，成件事好夾若竹抺茶拿鐵$44一杯吸引既飲品擺盤是很重要的，佢分開咗奶🥛同抺茶🍵，俾你打住卡去倒抺茶。味道上奶同茶比例好平衡，唔會太甜，亦飲到抹茶香伯爵茶戚風蛋糕$50肉眼見得到既茶底蛋糕🍰，茶葉碎充滿住戚風蛋糕，蛋糕非常軟熟！面頭既cream 好幼滑輕盈，成件事唔會太乾或太濕。因為整體都唔太甜，所以可以好輕鬆就食哂成件😋香草煙肉芝士包 $30呢個會係一個好好既早餐🤤每日新鮮造既麵包口感就係唔一樣，充滿彈性，芝士唔膩唔會有罪惡感抹茶紅豆貝果 $38岩岩出爐既貝果🥯再配上粒粒紅豆，入面好煙靭，超好咬👍👍真係食完一啖又一啖特色鬆餅伯爵茶味 $32口感鬆軟，入口帶出濃濃的茶香，茶味比伯爵茶戚風蛋糕更強，鬆餅上有cream 增加濕潤口