魔手和風拉麵 (已搬遷) 新店位置

是日到大坑搵食, 第一次到大坑既我覺得呢到既感覺唔錯, 環境幽靜~行左個圈之後決定試下呢間拉面店, 店子小小有日本小店既感覺~等左5分鐘到就有位喇~我揀左豬軟骨海鹽麻油湯底, 而友人就揀左汁燒牛仔骨豬骨湯底~個汁燒牛仔骨好入味, 就算浸左落d湯到個味道都無令佢淡左~再加上個豬骨湯底, 簡直就係一絕~ 個湯味好濃郁, 有少少胡椒味, 正!(個人係比較鐘意食濃味野既)可能係因為試左友人個汁燒牛仔骨拉面就覺得個豬軟骨拉面比較普通左d, 不過不失咁啦~個溏心蛋都ok, 有d酒味好香, 不錯不錯~至於呢個蛋卷見都有recommend就試下啦, 唔會太老, 都唔會一夾就散哂, 下次等我試下佢個芝士魔手蛋卷先~呢到既價錢相宜, 食物都ok!!! 會再返黎幫襯既

今天本來想去達磨食拉麵，估不到湯底用完，提早收舖，所以改去呢間富大阪特色的料理店。環境：店舖面積很細，只有幾張枱和一張吧枱，但富有日本街頭拉麵的氣氛。食物：玉子燒上菜時熱辣辣，都幾甜，但和一門比較，則欠了蛋香味和蟹肉鮮味，煮得也有點老。拉麵唔夠爽，豬軟骨腍D會仲好，叉燒唔夠肥美軟滑，只得兩塊，太少了。服務：都幾有禮貌，也經常替我們加茶。價錢：比銅鑼灣區平宜一點。

11月20日（星期五）晚，是晚我又要在圖書館準備功課，女友收工後來找我一起吃晚飯，離開圖書館就行去大坑。天氣仍有點寒冷，但昨晚已吃了火鍋，所以是晚我就提議去吃拉麵。來到店內，剛巧有人離開而有空檯，不然就要坐在bar檯了。店子很小，約可坐二十人左右，餐牌簡單，雖名為拉麵店，其他食物選擇亦不少，而拉麵一攔就以「湯底Ｘ配料」方式列出，看似選擇不多，實際卻變化不少。看了一會，我就要叉燒拉麵配豬骨湯底，女友就要鰻魚飯定食，再加一客魔手蛋卷和一壺熱清酒。叉燒拉麵豬骨湯底（豬骨湯底）：叉燒肉味甚濃且嫩滑不肥，很美味；湯底呈奶白色，初喝一口略咸，再喝就湯底十分濃郁而味道清甜，最後我把湯幾乎喝掉；麵條爽口，但相信不是自家製，附上的糖心蛋晶瑩滑溜；題外話，吃拉麵配熱清酒，是我寒冬裡的禦寒至愛選擇之一；魔手蛋卷：做法十分正宗，是逐層逐層慢慢煎的，蛋香甚濃卻不太甜，口感十分軟滑，蛋卷上還印上店家的名字，很有特色；鰻魚飯定食：包括有小食的凍豆腐、前菜青瓜和麵豉湯，小食和前菜很一般，麵豉湯味道清甜，肯定不是即沖的；鰻魚尚算肥美，飯亦軟熟，鰻魚飯更配以粟米粒和西蘭花，賣相不俗，而且頗健康！雖然設有刺身櫃，卻祇得師傅