橫綱

营业中

休息中

今次試食既哩間店係廟街附近，見到個名咁有霸氣所以就決定黎試😂😂😂大約3點30分左右到店門口，冇諗過閒日下午茶時段都要排隊😯？！拎左飛排隊時候睇下個餐牌，雖然係以拉麵為主，但有丼飯，小食及飲品，而且竟然有年長既老前輩黎食拉麵，我自己真係好少見到😯因為拉麵既款式都比較多，深思左一陣之後決定試食魚介豚骨拉麵，拉麵湯底為魚介豚骨濃湯，飲落有鰹魚甜味，豚骨湯既豚肉味都幾出，唔會太濃郁同太鹹，另外有少少黑蒜油香，口感唔會濃稠漿口😋😋拉麵為中細麵，因為冇得揀軟硬度，食落比較林身，唔夠彈牙，口感有啲似公仔麵😗😗拉麵既配菜有木茸，京蔥，青蔥，紫菜，昆布及竹筍。竹筍使用細長箭筍，食落口感爽脆嫩口，非常特別既配菜🤤🤤糖心蛋既流心程度唔大，食落唔會太鹹。叉燒係使用五花腩制成，長度約13cm厚約0.5cm左右，表面有用火槍燒過，叉燒肥瘦比例約7：3左右，食落有燒過既焦香，唔會覺得好肥同乾爭爭，而且好彈牙😋😋 木茸切既粗幼幾乎一樣，食落好爽脆😋😋價錢方面因為有小食大約$20-$110左右，而且有套餐選揀包飲品，我個人覺得非常抵食😋😋👍🏻👍🏻店內地方比較細，吧檯係用深色木材制吧檯櫈係木材櫈而且有坐墊，坐得會舒服啲👍

朋友介紹油麻地有間好正拉麵，好難排到位，見週末中午有時間決定去等下位試下排隊係拎籌制仲會mark名同行兩位一齊點左兩碗拉麵同埋雞串小食，意外地雞串小食非常正，佢係串燒咁，香口入味唔乾，個醬汁仲好特別🤤好鍾意食啊！相反兩款拉麵未算突出，點左元祖拉麵醬油底，同埋魚介豚骨拉麵。魚介個碗嘅大啖肉比較滿足；元祖嘅薄叉燒就唔算太入味，湯底亦好普通，好似醬油加水咁。但魚介就相對濃味，但相比其他店家嘅魚介湯就真係無咩特別😣鍾意淡味湯底拉麵就可以試下呢間未必再有下次特登排隊食了，因為都排左接近45分鐘至一個鐘