龍門棧 (已結業)

選了這間灣仔的高質中菜🥢來慶祝母親節👩‍👧‍👦，午市點心賣相精緻悅目👀味道也相當吸引😋用料新鮮上承，尤其是「海膽春卷」、「長腳蟹肉小籠包」、「啤梨咸水角」和「金錢肚」，小菜「岩鹽富貴雞🐔」也做到皮脆肉嫩☺️偷偷預訂了餐廳出名的大煎堆燈籠 🏮作飯後甜品，店員一推出來媽媽十分驚喜🤩裝了燈泡💡的大煎堆，交由店員剪成小片，這道菜不是光有樣子，煎堆炸得又薄又脆，還黏著Q軟糯米，一點也不油膩😋絕對是相當精彩的菜式👏👏安排菜單的職員👩🏻‍💻態度親切又跟得足，點心加上結尾巨型煎堆「金龍吐珠」💡，4人埋單約$1300，價錢不算便宜，但以如此食物質素及服務，收費合理☺️這絕對是一間高質素的中菜餐廳🥢，值得再來😍👍🏻

今日我工作上既師傅請我食飯。事先唔同我講食邊間，叫我去左餐廳樓下等。去到發現係商業大廈。師傅帶我上一樓，原來就係大名鼎鼎既龍門棧。龍門棧果然與眾不同。茶既選擇多達7款，遠比普通酒樓多。杯印有龍既金色圖案，顯得特別高貴。另外龍門棧既點心籠係六角形，旁邊仲印上餐廳既名字。一坐低就有琥珀合桃，香甜脆氣，仲充滿陣陣芝麻香味。點心亦陸續上菜。首先係長腳蟹肉小籠包。小籠包的確包簿多汁。不過唔係好感覺到蟹肉嘅存在。之後就係木魚帶子燒賣。燒賣大大粒，帶子亦鮮甜。相信呢道點心係今餐最奢華，就係魚子醬香煎粢飯。粢飯非常脆口，無咩味道。而魚子醬味道偏重，兩者配搭出色。百花蒜香海膽春卷既沙律醬仿效puree，加上花瓣，賣相同西餐一樣細緻，味道方面，海膽肥美新鮮，令春卷香脆之餘加上一份香滑口感。師傅話我發育要食多啲，所以叫左龍門棧炒飯。分量非常多，每人分到兩大碗左右。炒飯非常乾身，蟹肉非常多。櫻花蝦令炒飯更脆口。最後以桂花糕作結。兩個字：清甜！

龍門棧既野食比到新鮮感我。龍門棧既野食感覺將西日既元素同傳統既中式點心融合，帶黎創新既口味同觀感。餐廳環境幽雅，座位寬敞。服務方面更是一流，餐廳員工有禮，更會幫你斟茶。先黎既有長腳蟹肉小籠包，小籠包有蟹籽係頂點綴一下，入面都有幾多肉汁。木魚帶子燒賣既賣相非常之吸引。木魚、帶子同入面既蝦肉一層一層的，增加左燒賣口感上既層次。魚子醬香煎粢飯方面，魚子醬幾鮮甜，粢飯煎得香脆，配搭出嚟嘅味道幾特別。百花蒜香海膽春卷淨係睇個擺盤都覺得佢做得十分精美，海膽放左係春卷上面，下面有沙律醬並用匙羹拉出圖案。入口就感受到海膽既味道，然後炸得香脆既春卷再慢慢取代海膽味。作為一個海膽迷，呢個春卷真係幾正！龍門棧炒飯可以話係今日做得最出色嘅菜式。入面有櫻花蝦、蟹肉、帶子、蔥同蛋等材料。炒飯鑊氣十足，夠乾身，每一粒米都分明，唔會黐埋一齊。最令我欣賞嘅係，脆脆地既櫻花蝦加落炒飯度，大大咁增強左炒飯既口感，呢點係我覺得最精妙既地方。杞子桂花糕清甜而不膩，將佢作為呢餐既完結十分完美。整體黎講，服務、環境同食物質素方面我都十分滿意。Menu:

一早安排了今天中午飲茶，來到灣仔試一下新派中式點心。餐廳點心款式不多，但每款都令人大開眼界，有些想不到的組合也會出現。跟老公二人吃不了太多，只點了四款。茶則選了鐵觀音，淡淡茶香，配點心一流。餐廳首先送上前菜，是脆脆合桃。這個味道一流，一點也沒有合桃的苦味，而且很香口爽脆。XO醬炒腸粉 $68腸粉是必點的，這次不吃蒸的，吃炒的。XO醬很辣很惹味，腸粉每條都很長很滑，連帶洋蔥等配菜炒很豐富。木魚帶子燒賣 $58這個燒賣很特別，一般酒樓燒賣都是豬肉或魚肉底，面再配上一隻蝦。但這個是由蝦肉碎及香菇組成的燒賣，面再配上一塊帶子片及木魚。燒賣彈牙，帶子清甜，好吃﹗柱侯蒸金錢肚 $48金錢肚份量非常足，有多條又厚又大的，配少量芋頭，較酒樓的少油。金錢肚有咬口，而且很入味。魚子醬香煎粢飯 $58從沒想過粢飯可以這樣吃，煎香了四四方方味道更香濃。魚子醬味道濃郁，連帶粢飯一起吃可以更有層次，口感更豐富。

中菜好多時俾人一種老套嘅感覺，但係呢一間,位於灣仔嘅龍門棧!絕對可以將呢種思想扭轉!入到去每枱都有自己嘅廳!私隱度十分高~睇吓今日嘅餐牌係用扇做成,好特別~第一道係"魚子醬香燒粢飯"魚子醬帶咸鮮味,加埋燒到脆卜卜嘅外皮,入面堅韌嘅粢飯咬落層次味道都配合得好好!第二道嘅"當乳豬遇上蝦"呢道菜吸睛度超高廚師用咗乾冰碗都點綴!有吞雲吐霧嘅效果~冰菜好新鮮加埋麻醬食完好開胃!而蝦膠乳豬皮,初時覺得好怪點解要咁做!原來有啲嘢真係要食落口先知!彈牙嘅蝦膠,蝦味濃加埋個薄切乳豬皮有好強嘅對比,完全冇肥膩嘅感覺!真係值得一食黑松露香煎北海道帶子皇,露荀清甜加埋黑松露醬汁,留意返原來仲有蒸蛋白,我就覺得呢道菜有少少日本燉蛋嘅影子.成個餸係好味嘅,不過即切嘅黑松露就冇預期嘅香,好似走咗啲味咁...除咗有大大舊花膠之外,雞湯湯味濃郁飲落有一種厚厚嘅感覺,本人就好唔鍾意人參,因為頂唔順陣味!但係呢個湯完全冇嗰種甘苦味!呢個東星斑球嘅賣點係-滑，係好滑!原來廚師將個瓦煲燒到紅晒再將蒜同埋薑爆香之後再放東星班球焗熟!唔怪得咁滑~呢個咕嚕肉真係不得了!炸皮超薄但係非常脆,每粒肉都啱啱好一口嘅size!酸味調較得自然