圓方餃子粥麵

营业中

休息中

✨係我在香港吃過最中意嘅餃子🥟！ 沒有之一！！！ 專門跑過去深水埗買外賣，結果真係超級好食👻🥟點佐一份「魚湯西洋菜餃」，一份「魚湯韭菜餃」，加點佐兩份青菜，一共82hkd✨餃子皮薄而且超級滑口，仿佛我吃緊雲吞一樣！作為廣東人，我最喜歡皮薄的餃子，而且魚湯底飲起身就勁鮮甜！💡更加冇霖過，西洋菜餃，原來係感甜！完全係蔬菜的甜味，唔係加佐砂糖的果種調味，而韭菜餃就相對普通。✨個人超級推薦西洋菜餃，而且有時間一定要堂食。我打包帶走到屋企再吃嘅時候，餃子皮泡太耐，有d都破口了🥹。下次再去專門買d生水餃翻屋企自己煮！

係深水埗想食餃子都有好多選擇，今次黎到呢間朋友推薦既圓方，小店風格，午餐時間都座無虛席，主打無味精既魚湯餃子，仲要價錢好抵，$31有八隻，真係又好食又抵食😋 1️⃣魚湯西洋菜餃（$31） 湯底清甜飲到魚香，仲有少少麻油香。湯底好好飲，最後我飲曬成碗🤤呢度既餃子皮算薄而且好滑，餡料西洋菜味道好香而且冇渣👍菜同肉既比例都唔錯，感覺幾健康～  2⃣️魚湯韭菜餃（$31）韭菜餃都好出色😌一樣皮薄餡靚。呢度既餃子唔係爆餡果種，而係走平實路線，感覺食落好舒服好好味～而且湯底真係好唔錯😚

圓方餃子係深水埗都幾出名，平時lunchtime總係滿座，今次係同事介紹下去左試～好彩只係等左一陣就有位啦～因為全場只得幾張大圓枱，所以要同其他人搭枱～從廚房出菜位可以見到員工係度包餃子，啲餃子應該都幾新鮮😝湯餃有3款選擇，上海雲吞（白菜豬肉餃）、西洋菜餃和韭菜餃～咁我就試左比較少見嘅西洋菜餃～ 餃子皮薄餡靚，足料又有鮮味，好食！😋😋我仲叫左份煎韭菜餃～滿滿嘅韭菜呀！韭菜味極濃，再配合煎香左嘅餃子皮，超級好食呀！😍😍 推薦俾中意食韭菜嘅朋友～🙌🏻🙌🏻原來除左堂食，仲可以買生餃子拎走！款式就係湯餃嗰3款，一盒12隻咁買！都幾吸引！☺️

男朋友唔舒服但都有好多野想食, 又想食粥,又想食餃子, 我哋就嚟左呢度食野啦~我哋嗌左艇仔粥, 免治牛肉腸, 魚湯西洋菜餃同埋魚湯韭菜餃。艇仔粥煲得好綿, 魷魚好稔, 仲有肉碎,炸米粉碎同香脆嘅花生, 一碗粥有多重口感😋韭菜餃好足料, 8隻食晒會好飽, 魚湯好鮮😋免治牛肉腸, 腸粉皮好滑, 餡料好多, 但我唔中意食芫茜, 入面有好多芫茜😂我最愛嘅西洋菜餃, 餃子皮唔會太厚, 餡好多, 西洋菜唔會太老,唔會有渣, 健康又好食😇😇

朋友推介食這間餃子店，上埋報紙竟出名，在滕訊獲選「港式小食店」得獎之一，試下味道先韭菜餃皮薄，餡就以菜多肉少不加味精而製，味道清淡健康為主但本人較為喜歡山東水餃和北京水餃我較欣賞它的湯底，講明魚湯製作，用上鰂魚和豬肉等材料，都系偏淡餃子餡款式不太多，西洋菜餃系這間店的出名產品之一清淡清新無鹽這間店粥粉麵飯都有，混合菜式越坐越多人，人流來去匆匆

😆😆又黎到好多野食既深水埗～～～太多好野食，因為琴晚食得heavy少少，所以諗住今日晏就唔好食得咁過份🙈我一向好喜歡食餃類既野，屋企間中會有自家製阿媽靚餃😆～有時又會出去買啲生既水餃，當早餐呀晚餐呀黎食，咁今日一於試試好出名既圓方😳😳我見好多blogger都有分享過，個個都有讚無彈～🤣唔知係宣傳定真係覺得好味～12點令一人入座唔洗等，我諗晏啲放飯應該就要排隊喇🙈餐牌好清晰簡單，openrice太多，我都無謂再影一樣既野😏唔算好餓，所以只係叫左淨魚湯西洋菜餃，等左十分鐘主角就黎喇第一眼比我感覺成碗野好乾淨簡單☺️好少油好清澈，我偏向食開清淡就岩晒，當然飲左啖湯先，係咪魚湯煲老實講，我唔曉分😌淨係知幾清甜，至少無咩味精，唔會話有味精既甜，又或者放左好多鹽👍🏻之後大大啖食我既西洋菜餃😳一黎感覺好爽脆喎！👍🏻👍🏻可能因為岩岩好熟透？唔會係好稔既菜，咬落去係仲有啲聲，望一望見到滿滿既西洋菜，基乎無豬肉🤣🤣我覺得太好，多菜少肉太岩我喇～～👍🏻👍🏻👍🏻熟左之後啲水餃會皺晒皮，係皮薄先做到！總括黎講，又未至於真係好食到讚口不絕，係啲西洋菜熟到岩岩好仲脆爽果下，令我覺得好歡欣👍🏻水餃清淡健康，價錢平民吸引

週末往深水涉黃金購物，咁啱路過見到門口有一大堆人排隊等候，八卦問清楚原來係等緊入面D姐姐現包現賣嘅外賣餃子。再問問原來堂食反而唔洗等馬上有位，4 點幾下午茶時間，見肚子有點餓，不用猶豫馬上搵個位坐底試試。～ 魚湯西洋菜餃淨餃有8 粒，一啖一粒，餃子入口清爽帶著幽香的西洋菜味道，再呷一口魚湯，熱辣辣無味精，兩者雙配非常可口，一碗賣 $28 蚊，真心覺得街坊價非常低食。～ 煎韭菜餃一碟3 隻，即叫即煎，大大隻足料非常，充滿濃濃嘅韭菜味道，好食又低食。～ 煎蘿蔔糕應該係工場交來貨，9 成都係粉，想搵條蘿蔔絲都難。。。唯一可取嘅係即叫即煎，熱辣辣、乾乾爽爽一D都唔油，難得難得。～ 蝦米腸應該又係工場交來貨，無驚無喜，唯有唔好浪費混個醬攪掂哂佢。真心無意地誤打誤撞見到呢間舖頭，街坊生意小本用心經營，支持小店！

久聞圓方餃子的大名，今日去開深水埗決定去試下。我地六點幾去到，人龍唔算長，等左一陣就有位。原來餃子得兩款，所以我地決定試哂佢同叫左一碟腸粉。雖然個湯魚味唔係好重，但尚算清甜，唔會有味精味。餃子唔算好大粒，但皮薄餡靚，一碗8隻都只係$28西洋菜餃係第一次食，感覺都幾特別，唔錯，但我都係鐘意韭菜餃多啲。煎韭菜餃非常出色，望落已經覺得好靚仔，食落外脆內軟，仲會爆汁嫁，必食！！！最後的牛肉腸就真係麻麻地，個皮有啲厚，唔夠滑，豉油有煮過但無咩味，唔推介。

繼續周圍揾keep fit friendly嘅餃子店💃🏻雙拼單嗌都係同價！$28就有八粒大大嘅餃子🥟佢標榜冇落味精菜肉餡比起美味餃子店調味少好多餃子皮唔係厚/煙韌比較滑、偏薄我就兩種餃子皮都啱嘅～✅魚湯西洋菜餃 (圖3)拼 上海雲吞(白菜豬肉餃) (圖4) $28今次試咗比較特別嘅西洋菜餃真係好好食❤️重點！菜多肉少🥗🥬完全食到西洋菜本身嘅香味😆至於白菜豬肉餃就冇咁好食了都係菜多肉少 但可能因為係雲吞肥肉比例多食落去比較油、易膩不過味道係好食嘅！下次會試韮菜餃同encore西洋菜餃😋魚湯都好清但落咗麻油 所以我冇飲好多下次嗌湯底走油就可以試真啲了🤔

魚湯西洋菜餃 ($26) 8隻實現左我童年既幻想，將晶瑩透薄既雲吞皮同餃子份量既餡料結合，餃子大隻飽滿、皮薄餡靚。作為西洋菜愛好者，好欣賞佢用左最幼嫩既菜莖，新鮮爽脆、冇草青味。肉餡比例較少，味道清新健康。魚湯老實講飲唔出魚味，似係豬骨熬既上湯多d，但勝在鮮甜冇味精，一滴都冇飲剩。整體好有家既味道。煎韮菜餃 ($15) 3隻、魚湯韮菜餃 ($26) 8隻煎餃比湯餃體積大3,4成，外皮煎到脆卜卜、熱辣辣，一咬就有鮮味肉汁流出黎。想同鐘意點醋食既朋友講，呢度只有大紅浙醋，冇黑醋感覺爭d野呀... 韮菜餃放湯反而食到韮菜既幼嫩，餡料香濃惹味，配上滑嘟嘟既金魚尾成功中和膩感。眼前一亮既感覺就冇喇，但食完會真心講句，「廿幾蚊，仲想點呀？」 樸實足料，就係咁簡單。

我最喜歡一餐入面有不同的東西，所以中餐入面餃子一向不是我杯茶，因為叫一碗裏面有咁多隻，一隻出錯就滿盤街落索。最近發現圓方，是因為經常見到教會朋友買外賣，一開始不以為然，但有次他們帶我吃健康飯，梅菜蒸鯇魚晚餐跟菜及飲品只是40大元，讓我大開眼界。福華街雖跟福榮街只有一街之隔，但人流就少很多，這條街的食客也比較街坊。是晚就打風，不想自己煮但又想食清d，於是就諗起這裡的餃子。叫了西洋菜湯餃跟菜心，總共$35元正，算好平了！打開外賣盒生嚐一口魚湯，沒有很重魚味但清清地是個易入口的湯底，起碼不是味精重或滾水的湯底。菜心份量少，不叫也罷。主角餃子看樣都知個皮好薄好滑，我的奇怪習慣是經常把餃子旁的皮整走，以免吃得太多碳水化合物。但這個餃子的皮滑滑的，跟湯同吃也不覺得飽 內裡的西洋菜及豬肉加了少少麻油調味，55比例剛好，豬肉沒有好肥，爽口的西洋菜並沒有韭菜那麼重味，絕對是清爽佳品！一個人輕易的KO了8隻中等身型的餃子，作為輕食真的好適合！以黎番教會及要快速外賣又多個選擇了！圓方除了招牌餃子外還有很多其他選擇，如果無足夠食客絕不會有咁多選擇的，見店家還有生餃及已包裝的急凍餃子賣，真厲害！👍

朝早十點幾醒 唔知落街食早定午餐好於是決定去食餃子 然後等下午茶再食個人中意食韮菜多啲 但好似得煎既一上枱好香煎味 皮有少少厚 但餡都飽滿既都有好多肉汁juicy😋都真係要叫下魚湯既餃子（見到附近枱既人都有叫）叫左西洋菜既 皮薄餡多一碗有8粒 但啲湯一定要飲埋！坐坐下又想食咸肉糭都幾好味 又有蛋黃 幾香一個人食晒三樣野 好飽但好滿足最終下午茶都冇食 到晚餐先食得落後記：食完之後仲買左一打返屋企西洋菜餃 24蚊12粒😋

小狗老細成日都好想試下哩間餃子店終於有時間去試一試入去得一個感覺係好乾淨好企理有時小狗公主好怕去一d餃子店地下唔乾淨 枱面痴笠笠既 有d 燈光仲暗暗地 不過哩一間完全無哩個感覺 好白淨無痴笠笠 仲有好大個電視睇 我地叫左煎韮菜餃同埋魚湯西洋菜餃同豆漿豆漿唔係好甜 味道岩岩好煎韮菜餃 煎得好好 仲好多汁魚湯好香 一d腥都無 連小狗老細咁怕魚既腥味都飲到西洋菜餃好香 門口有一個姐姐親手包既 包得好好 唔會散開 如果大家有時間去開深水埗就去試下啦