瀛喜日本料理 (已結業)

很久沒有寫食評了，忍不住還是要發表一下，因為我是看了食評才來幫襯的，然而食完後我不禁要問“哪裡來的好評？！”環境：坐位擠迫得要命，簡直寸步難行，而且我們坐的位置還有滴水問題，侍應生態度完全沒禮貌可言，茶水沒有供應，只有汽水啤酒這飽肚飲品！食物：除了魚生還算新鮮外，羊架味道也可以，其它的熟食真的有點不知所謂！串燒：雞腎，雞皮，雞軟骨全都又乾又硬，還有那雞脾菇大件得足以令人梗死，但又咬不開，蒜心更是又老又乾！蒜片牛柳粒，不知用什麼“乸”到好“梅”，而且超甜，又成攤水，好多食物的味道都用了這個汁，只是換上的是蜆，魷魚，7味牛肉……好難食！7：30入場，8：40埋單離開，絕無下次！講完！

前幾日試過元朗最強日本放題，感覺唔錯，價錢經濟，二人同行其中一個有半價，即係大約$150一位。於元朗站B出口行5分鐘，過天橋之後好快見到，交通方便。門口有幾個燈籠一定唔會錯過。5點45分入去時眼見都好多人已經食緊，下次嚟要book定位先。今次坐咗近門口嘅21號枱，餐牌有好多選擇，有13種食物可以揀。有必食魚生，一品料理，燒物等等。魚生有超過10種，三文魚、吞拿魚、甜蝦仲有好多好多。三文魚有魚油，食落好香口。第二次叫咗好多，因為真係幾好食！一口牛柳又係唔錯嘅，佢炒得好香，牛柳上又加埋炸蒜，色香味都有齊，LIKE！豬頸肉其實都OK，但可能佢唔夠薄，唔夠入味，搞到一口牛柳好似好食啲！牛油炒帶子，香口又好味，唔錯唔錯。炸雞軟骨，炸得啱啱好，卜卜脆，正！花之卷，壽司啲飯唔多，無咁容易食滯，壽司味道幾好，但食放題當然係食魚生多啲啦~天婦羅，佢唔係用好多炸粉，食落又唔覺多油。天婦羅炸蝦好好食~~吉列炸物，有炸蝦，炸蠔，蝦多士，味道不錯。蝦多士比較用多咗油，叫咗要快食，唔係涷咗唔好食。蟹籽沙律，食咁多熱氣嘢，叫返個沙律都唔錯~蟹籽勁多，正！甜品有雪米糍，朱古力正條，仲有杯裝雪糕。推介雪米糍，有幾種味，

我本來係九龍果邊住既，平日基本上冇咩事都唔會入元朗一次，不過今次咁岩個FRD係外國番黎，咪一齊入去元朗佢囉！到左夜晚想食飯，個FRD話係外國好耐冇食日本嘢，就貪個就腳，係樓下食左E間－－－－瀛喜日本料理。通常食得放題都預左刷番餐魚生先，所以個人認為，身為頭盤既魚生，係決定左食客對成間餐廳的感覺。就好似人同人之間的第一印象，FIRST IMPRESSION好，食客或多或少都會對餐廳一好印象，之後食落去都條氣會順D。但放題鋪係任食既，以三文魚為例，要求佢下下比至靚既有油香既三文魚腩比客人食，又似乎有D強人所難。所以必須平衡，質VS量，E間鋪用既三文魚講真唔係咁TOP，但其實唔差，有中上水準，係放題舖黎講，係合格有突，ABOVE MEAN。我地幾個淨係三文魚，大大話話都食左近200切。 食完魚生就食壽司，又講真，放題E家嘢係食客角度，壽司可免則免，無計，因為限時任食，入得去一定想食多D先覺得自己抵架，人性。咁壽司，咪就係多舊飯囉，多舊飯呀！！！！大家都怕食埋舊飯會飽，淨係食舊魚生又怕人地覺得唔比面，比人話哂嘢，唔好意思，所以，壽司果張紙都唔係咁多人有攞起過。但我咁岩見佢有火炙壽司，

都一段時間冇食過日本野,今晚老表話買左部新車,要行屯門公路踏番轉咁話,結果就來到元朗~唔洗數手指我都知自己好多年冇入過元朗,對呢度好陌生,對輕鐵又係好陌生,原來元朗已經變到咁熱鬧好多野食,仲唔少得有日本野,既然耐冇食過,一於放題一吓!間鋪好多人,我真係估唔到元朗已經熱鬧成咁,等吓等吓咁就差不多3個字,但係見到咁多款式同埋咁多人排隊,應該都值既... 而且真係唔算貴不論食酒店自助餐還是放題,總之有得揀我都會食左沙律先,總覺得食完沙律會開胃D~ 今次呢個係青瓜沙律,一絲絲咬落索索聲又清甜既青瓜配埋卜卜聲既蟹籽,真係成功開左胃!魚生一定唔少得啦,見到個咁靚既三文魚真係忍唔住要影雖然唔大塊,但係都幾厚身,好新鮮! 我最估唔到既係佢既蝦唔係果種冇蝦頭既平平甜蝦仔,諗住呢個價錢應該唔會有咩好野架嘛~ 正斗食放題淨係食魚生,梗係唔得啦! 炸嘢我就唔想食,但係呢個燒既牛柳就絕對啱我口味當然要叫啦!細細碟份量唔多,不過上到枱已經唔係好熱.入口都幾腍,亦都幾入味,不過個汁鹹咗少許

朋友介紹的，所以一試! 點菜紙內的選擇較少！有點驚訝!魚生很好! 厚切的又頗新鮮! 食了幾回! 正!可是其他食物就麻麻地，壽司飯大件但魚生超薄! 所謂的帆立貝壽司便有點兒細隻得過份！同埋都唔係平時食開白雪雪又大件的帆立貝！香蒜牛柳粒的牛肉很淋但冇牛肉味！牛肉似是用了鬆肉粉醃過，所以肉質淋得有點奇怪!大蝦伊麵D麵淋到一pat pat! 難吃!燒茄子都ok! 羊架都過得去，不過太熟，所以有點硬！ 其他都係一般!由於新店關係，其待多多的改善！