真知味 (已結業)

小編每逢打邊爐或食粉麵都好中意食魚皮餃，但係好少地方有得食魚皮餃串，幾年前發覺旺角花園有間車仔麵小食店有得賣所以次次去親附近都會幫襯下呢間小店都係太子屹立好耐，成日經過都好多人，應該因為平靚正店舖有堂食，不過位置較狹窄，如果想食串小食亦可以係門口賣魚皮餃串最尾果粒一定係燒賣，食到最後仲有燒賣食真係好特別魚皮餃口感彈牙而且啖啖肉，個外皮唔會好厚同好粉最正係加埋辣秘製辣醬同少少甜醬，就更加惹味餐牌⬇⬇總括黎講:呢到既秘製辣醬真係好推介，配埋魚皮餃絕配

呢間位於旺角嘅小食店，真係我由細食到大！由我中學開始成日同朋友落旺角蒲！食到依家個味道完全冇變一模一樣！我每次經過都要食一串魚皮餃，佢呢個魚皮餃好好笑㗎！唔知點解總係要有一粒燒賣係最尾！許基魚皮餃加埋佢秘製嘅辣醬真係好好食！係佢呢度先至食到！佢嘅魚皮餃係真架唔係煮所以好特別！並且所左啲汁係魚皮餃入邊好好食㗎唔會好乾口！有時我會坐低食埋佢個車仔麵！其實車仔麵呢就好正常，又唔係話好好食！但係冇所謂又一餐啦！不過佢係幾抵食嘅！我大多數4送1麵都係$50內！值得一試！🤤🤤

去開香港特色金魚街買嘢，行到咁上下又見肚仔餓，梗係食返串小食，醫下個肚先啦！不過話時話，要你數香港有咩特色街頭小食，我諗多數人都係會數魚蛋、燒賣、牛丸、墨丸、腸仔、牛雜等！不過呢間真之味就有好少見嘅魚皮餃串！打邊爐食魚皮餃就多，一串串食就真係未見過最頂癮嘅地方佢仲要送多一粒燒賣俾你 不過粒燒賣就真係唔係太好食，成粒粉咁講返主角魚皮餃先，有辣同唔辣任君選擇，如果唔辣嘅話呢就係就咁得豉油汁魚皮餃無腥皮！無雪味！皮厚度適中，包到d餡料想爆出黎一啖一粒魚皮餃！餃皮既特別質感、滑流流既感覺充斥口腔！識食仲要食辣！特製醬汁偏辣，但係辣得黎又刺激，絕對會令人會上癮！四粒魚皮餃轉眼就化爲胃中物！埋單8蚊一串，記得早幾年仲係6蚊不過都仲係抵食！