真知味 (已結業)

每次去花園街都會到訪，由其是佢哋嘅車仔麵，旦白講佢哋真係唔係太好味，同18座車仔麵，仲有好大距離潻⋯或者係情義結吧，佢哋D價錢仲有D貴添！今日外賣食咗佢個豬紅豬腸韭菜$28，加咗辣油，味道不過不失，不過分量真係小，兩吓就食晒⋯

我諗真係好多人食這呢間真知味的魚皮餃，佢地店舖位於花園街中間，十字路口角位，位置相當便利，一眼就睇到！疫情前花園街的人流相當高，好多人經過都會食返串魚蛋或魚皮餃！而我都唔例外，好細個的時候朋友帶我嚟已經食過，店內的小食我只有吃過魚皮餃，所以今次係黎回味一下！他們的魚皮餃好好吃，類似 x海魚皮餃，外皮唔錯，有口感。一串有5粒魚皮餃，上方固定配有一粒燒賣，配搭不錯。而他們家的獨特辣醬十分香濃惹味，好滋味！

旺角美味嘅小食多的是，但最令我心掛掛，一定係呢一間真之味，由細食到大，唔好理佢有冇味精，有冇冷氣之類，食街頭小食一定係隨隨便便咁先夠滋味，對嗎每一次來真之味，我一定會食韭菜豬紅豬腸加辣，個湯好清甜，飲埋都唔會覺得口渴，而且豬紅咬落唔會有豬腥味，韭菜都唔會過老，最正嘅係豬腸，我個人認為一定要食因為佢冇臊味，咬落口感彈牙，而且豬腸入邊有啲湯，食落成舊覺得有汁，鮮甜美味每次食完都期待下次 令我回味不已的豬腸仲有魚皮餃 ，一定要食佢個辣汁絕配

旺角花園街·真知味我真係好鐘意食車仔面 仲要食豬腸無論係上水既成記 大埔既萬利 深水埗既文記 街邊檔 都係我至愛❤️❤️❤️今日經過花園街 見到有車仔面就入去食 依間叫咩名 以前從來都唔知 正係知道都卓悅斜對面 角落頭果間😂😂依間豬腸我覺得係好食既👍🏻爽口 我鐘意係有咬感 唔會係林身 依間唔錯但其他餸都係不過不失😋 三個餸$40幾 都係差唔多價錢 經過開可以去試😏不過我都係鍾情於文記個沙嗲汁 佢啲秘製汁真係冇得輸😍😍豬腸都係好食既 但係文記長期都甘多人排隊 就要等😩#旺角美食 #香港必食 #元朗美食 #尖沙咀美食 #hkfoodie #車仔麵

中學時期喺旺角返學已經成日食佢做lunch今日行開旺角，重溫一下小時風味魷魚鬚，牛柏葉，魚皮餃係我食車仔麵必點既車仔麵黎講係足料既 魷魚鬚牛柏葉都非常爽口，湯底唔夠味，但係唔會有太多味精另外要推介佢嘅碗仔翅豬紅韭菜足料又好食👍🏻👍🏻老實講，俾佢好食嘅車仔麵有好多，雖然地方好迫 ， 又唔太乾淨 ，但有份人情味同港味係度囉

車仔麵都算係香港代表之一，係花園街+金魚街已經有幾間，但好食嘅得兩間。今日返工前去左食其中一間我認為好食嘅車仔麵老鋪-真知味。呢到係傳統咁先揀餸後比錢，跟住自己攞埋位食。我就無叫麵底，叫左生菜，冬菇，魚皮餃，豬大腸，炸雞亦+辣汁。冬菇同豬大腸鹵得夠耐好入味，菜好爽，雞亦同魚皮餃就普通，成碗野整體係ok，但唔係個個都接受到呢到食野。點解？因為呢到衛生環境麻麻，食開都知呢到烏蠅相比其他食肆要多，間鋪入面嘅位仲成日聞到陣陣廁香，今日仲比我見到個侍應跌左支外賣羹落地下，佢換左隻新嘅比人，但就係個客面前執返，擦左一下就擺返落堆外賣羹到比下一個用，其實其他鋪都可能會咁做，但都唔好係個客面前做呀，真係接受唔到囉！所以就算呢間有幾好食，我都係去少d為妙。

真知味是一間香港地道既小食館，位於旺角站同太子站中間, 2邊太約都是步行約5分鐘便可地達（在金魚街，花園街附近，行到攰入去休息一陣，食小小野，再戰吧）店中都尚算乾淨，店內約有30個位（快食快閃🤗）有咖哩魚蛋，燒賣，牛柏葉，貢丸，車仔麵，碗仔翅（可加魚肉，生菜），仲有（韭菜豬紅豬腸/豬皮......等等簡單的裝潢，會以先叫食物後，待食物送到你面前，就需要先行付款，再慢慢食😋韭菜、豬紅、豬腸 - $26雖然是非登堂大雅的食材，但正當韭菜、豬紅和豬腸這三種各自互不相干的食物混在一起，配以胡椒粉濃郁的伴湯，無懈可擊豬腸爽脆彈牙，咬落有口感軟韌適中，豬紅軟滑，易咬但韭菜有點渣，要慢慢咬開怕膽固醇?又唔係叫你日日食，食左先算忍唔住叫左罐可樂添 - $7

收工會合了 仔仔和太太後 ，係旺角第一站就係食好野！！！！食碗翅浪下個口和個胃！一間老店，光顧了N次！任何時間 店外內都全是人客。左邊賣燒賣魚蛋，右邊賣魚肉翅豬紅豬腸，店內賣車仔麵。由於好多人客……迫係不可避免。好肚餓！！！！一見有食客起身……我便馬上緊張過來！二話不說有2個位馬上坐定定！叫魚肉翅，豬腸豬紅！！！食我們一家的第一晚餐。店員們有禮仲話我仔仔醒目！！！魚肉翅： 好大碗！好多料在內！肉絲，冬菇。 魚肉不只是麵粉！豬腸豬紅： 豬紅不是一夾便散！腸清潔得好好無任何黑色野。又平又正！有80分！

黎到太子金魚街附近，除左星級既人氣茶記外，掃街都係展現香港特色既典型行為！「真知味」已經在太子開業好耐，有堂食亦可外賣🥡今日見人少少，堂食都仲有位，一於叫個生菜🥬魚肉，再加左串魚皮餃及牛丸！生菜魚肉大大碗，$22，魚肉唔腥唔多粉，咬落係彈牙既，加埋佢清清地既湯底，碗埋少少胡椒粉，真係好夾！！！唔係度度都食到咁高質既生菜魚肉架！👍🏻👍🏻👍🏻👍🏻👍🏻👍🏻魚皮餃都係呢度既馳名小食，一串有4粒，仲會有一粒燒賣。燒賣記麻麻地了，冇咩特別，所以好少會叫燒賣食！但魚皮餃好好口感，唔會蒸到太腍，配埋佢既秘製辣醬，香濃好食！而且唔係度度都有魚皮餃做小食賣，呢度都有佢特別既地方！牛丸就一般啦，唔係太值得專登去試。

秘製惹味的辣醬放在美味的魷魚及牛栢葉上 ，食落口真係覺得回味無窮，令人想起細路年的回憶！還有在香港少見能夠吃得到的秘製碌柚皮，真係好好味、九菜豬紅豬腸及碗仔翅、我已吃左好多年了。整體來説是一間值得光顧的港式車仔麵店 而店員細心有禮對待客人，並且有耐性的！記得有次我光顧完此店鋪，之後離開了上址，發現遺失了重要的東西在店舖，匆匆忙忙返回店鋪，竟然發覺事後店主老闆娘將我的重要東西保存好，並且憑閉路監視器認得我，將該物件交回給我，並安慰我，真令我感動！

今日原本同男友仲有個朋友約好10點⏰一齊返深圳挽，點知一個二個都唔知醒☹️最後搞到11點先開始出門，行去旺角東途中經過呢度，同男友兩個餓餓地，就霖住食少少野先，於是就叫左魚蛋，魚皮餃，墨魚丸同米魷魚🦑，於是就入左去搵位坐底，男友順手擺左我個袋係檯面，於是就繼續開餐🍴當然啦，識食食得辣嘅一定要加辣醬，呢度嘅秘製辣醬好好味，唔可以少👍🏻我對魚皮餃呢樣野都幾敏感下，唔係隻隻都會食，有啲食起身會有怪味，就絕對唔會掂，而呢度嘅就完全唔會，而且仲幾好味下😋食完男友唔夠喉仲叫多左碟餃子🥟師傅話餃子未有，不過可以即刻包比我地，問我地等唔等，甘就當然冇問題啦，不過都唔洗等好耐好快就有啦，新鮮滾熱辣出爐脆卜卜，我個人就唔食韭菜餃🥟我就食左啲皮跟住就比左男友食，距就話好香好好味，我聞到陣味就真係覺得唔識欣賞啦🤢仲話加米辣醬會仲好食，救命！放過我啦🤮食完之後就出發去左九龍塘等朋友，大約12點3個字左右。先發現漏左個袋係檯面，於是就好緊張甘飛返呢度，仲責怪男友🤬當然啦自己都係大頭蝦🤭好好運地店員汁檯個陣見到，收起左幫我地保管好💕可以搵得返，真係唔該曬你地🙏🏻覺得今日真係不宜出門😥

行過必食👍🏻！講緊嘅係呢間旺角花園街主打車仔麵同咖哩魚蛋燒賣嘅小食店<真知味>，魚旦彈牙燒賣又好正，而且仲好多其他選擇牛柏葉、魚皮餃、魷魚等等，聽講佢地車仔麵同樣出色！我只係試咗魚蛋燒賣，不過全店最出色嘅係自家特製辣汁又辣又香食落有啲似沙爹帶啲蒜香，絕對會食到令人上癮！😏😏

小編每逢打邊爐或食粉麵都好中意食魚皮餃，但係好少地方有得食魚皮餃串，幾年前發覺旺角花園有間車仔麵小食店有得賣所以次次去親附近都會幫襯下呢間小店都係太子屹立好耐，成日經過都好多人，應該因為平靚正店舖有堂食，不過位置較狹窄，如果想食串小食亦可以係門口賣魚皮餃串最尾果粒一定係燒賣，食到最後仲有燒賣食真係好特別魚皮餃口感彈牙而且啖啖肉，個外皮唔會好厚同好粉最正係加埋辣秘製辣醬同少少甜醬，就更加惹味餐牌⬇⬇總括黎講:呢到既秘製辣醬真係好推介，配埋魚皮餃絕配

呢間位於旺角嘅小食店，真係我由細食到大！由我中學開始成日同朋友落旺角蒲！食到依家個味道完全冇變一模一樣！我每次經過都要食一串魚皮餃，佢呢個魚皮餃好好笑㗎！唔知點解總係要有一粒燒賣係最尾！許基魚皮餃加埋佢秘製嘅辣醬真係好好食！係佢呢度先至食到！佢嘅魚皮餃係真架唔係煮所以好特別！並且所左啲汁係魚皮餃入邊好好食㗎唔會好乾口！有時我會坐低食埋佢個車仔麵！其實車仔麵呢就好正常，又唔係話好好食！但係冇所謂又一餐啦！不過佢係幾抵食嘅！我大多數4送1麵都係$50內！值得一試！🤤🤤

以前住喺太子花園街附近，成日比媽咪帶嚟食真知味 以前就算見到好多人，都要迫入去食碗河粉！小時回憶 而家大左，求方便，通常都會係外面嘅快食檔揀嘢食 最鍾意就係佢自家做嘅調味料，我朋友就好鍾意佢嘅辣味，話第二道搵唔到，所以成日都叫我一齊幫襯我通常會叫魷魚，魚皮餃加燒賣，我朋友多數都係魷魚，墨魚丸，牛丸，貢丸，腸仔全部加大辣～ 冇誇張，佢次次食魷魚嘅時候都話好辣，但係辣得好滋味！係咁講好食好食 我呢，就唔係好食得辣啦，但係都會加少少，因為辣醬真係幾好食 魷魚好脆，唔會好似煮過龍太林，阿姐好好，幫我地剪到好細，方便喺街一路食一路行，好細心～ 魚皮餃好好味，一定要試，大大粒，好彈牙，配合醬汁，無得頂😍