三星台菜食堂 (The L. Square) (已結業)

早前睇過一些報導得知前歌手和她的丈夫最近在香港開咗間台灣料理店，今日就去試試。店子位於銅鑼灣商廈之內。晚上八時半，只剩下面對窗的座位，如二人或以上必須人齊才可入座。因為未齊人所以要等一陣啦。專屬筷子這個魯肉飯我覺得是必吃的，肉是半肥瘦，魯肉汁香中帶甜，好合我口味 !本想加珍珠，可惜已賣光..... 這杯是鮮橙蜜橙，用上鮮橙加入蜜糖而成的綠茶，還有一整片橙在杯內 , 不錯，不過價錢略高。每餐也吃青菜是必須的 !炸百葉豆腐，濃濃黃豆香，組織細密 !大過我個頭既珍寶紅燒三星麵湯底香濃，三款牛再配多蔥，好好味 !不過眼闊肚窄..... 太多野想吃最後當然要把吃不下的通通帶走一定會再來吃 !

又到我話事選食店吃飯，揀新食店是必然，貪有新鮮感， 三星台菜食堂是收藏最多第一位，觀看食評，覺得要去試試好唔好！未夠6:00我們已到達食台，嘩！原來地方不大，我估只可容立約40人以下，如不是有落地玻璃窗戶，會覺得迫！坐下來點菜，菜牌就是一張A4紙，而落單就是在上面剔，加單又用張新紙，覺得浪費紙張兼不環保我們三人叫了魯肉飯、鹽酥雞、牛肉麵、炸大腸，感覺味道一般，份量較少。魯肉飯：一般鹽酥雞：內軟外酥，香口牛肉麵：不夠味道，牛太硬炸大腸：一般三星台菜食堂去一次就夠！😂😅個人評分食物：C環境：C服務：C衛生：C

朋友介紹我來食，所以襯今日收工同女朋友來試一試。原本無抱希望，因為香港D台灣野食店都唔係太好食，但今次真係好唔錯。我地試左個凍豆腐、鹽酥雞、牛肉麵同魯肉飯，凍豆腐同鹽酥雞都唔錯，係有台灣風味既，聽佢地講普通話，應該係台灣人煮。個牛肉都夠林，麵底都幾好食，有口感，不過我想講最正都係個湯底！我女朋友食完D麵我都忍唔住飲晒成個湯，望落似好濃咁，但飲落去好甘甜好有肉味，而且飲完成碗湯到埋單走都唔覺得囗渴，我估應該係無乜落味精煮。我自己就食左個魯肉飯，又係有驚喜，因為D魯肉好香，同埋食到入面D肉粒，份量唔算大所以忍唔住食多個。唯一缺點係太少位，我估大約30個位左右，晚飯時間一上去就排晒好多人，等左成30分鐘先有位，又唔好意思慢慢嘆，拿拿聲食完就走。下次來要唔好揀繁忙時間，又或者希望佢地快D開分店搵個D大既地方啦！