居食屋「和民」 (已結業)

今日下午我們去咗屯門市廣場同變形金剛影完相之後，返咗出旺角，我們行吓行吓差唔多喺夜晚去到太子嘅始創中心，之後我們就揀咗「和民居食屋」食晚飯！我們叫咗海鮮沙律嘅海鮮係吞拿魚、三文魚同八爪魚刺身粒，仲有清甜爽脆嘅沙律菜同青瓜，令到賣相好色彩繽紛吸引，而且份量都幾大碟！石鍋黑椒牛肉飯上碟嗰陣啲牛肉係生嘅完全未煮熟，係用個高溫燒熱嘅石鍋嘅熱力去將牛肉煮熟，可以因應客人鍾意牛肉熟嘅程度，飯焦唔算太多，加埋香辣嘅黑椒，令到味道更加惹味！牛肉鍋燒烏冬上碟嗰陣啲牛肉亦都係生嘅完全未煮熟，係用個gas爐好似「打邊爐」咁慢慢煮熟，材料除咗有軟滑嘅牛肉之外，仲有蔬菜、滑溜嘅豆腐、煙韌嘅粉絲同彈牙嘅烏冬，另外仲有一隻生鷄蛋，我們可以選打成窩蛋或原隻烚蛋，而湯底嘅味道亦好清甜！自家製鰻魚厚燒玉子係新鮮熱辣燒出嚟，玉子嘅質感好軟綿綿，中間夾著係香甜彈牙嘅鰻魚，夾埋一齊食感覺層次感相當豐富，真係好正呀！魷魚筒飯係用一隻爽滑嘅魷魚，中間釀咗啲米飯，切成一件件，夾埋一齊食，層次感都幾豐富，但都略嫌醬汁比較少！鮭魚牛油果卷係用嫩滑嘅鮭魚即三文魚同香滑嘅牛油果舖面，食落感覺好清新芳香！蒲燒鰻魚卷嘅鰻魚比較薄身，鰻魚汁亦唔算

和民於全港多處都有分店，但質素真係每間都不一，食過幾間之後終於可以鎖定一間。極力推介 大家如果想食和民嘅話，必嚟呢一間太子分店^^位於始創中心之內，雖然一如其他分店，於當旺的用餐時段係要等位，但勝在鄰近旺角，附近又有聯合商場，絕對唔怕無地方閒逛。是夜同男友撐檯腳，本來兩個人食量應該唔算太大，但見到MENU都忍唔住叫到一檯嘢食 食咗一餐好豐盛嘅晚餐！首先係《明太子香薯比薩》(HKD$53)，Pizze係超薄底又脆卜卜，完全唔擔心食完會滯。上面嘅材料非常足料，落得好平均，每一塊Pizza都有差唔多份量嘅香薯，明太子醬亦非常香口濃郁，係呢款Pizza嘅焦點之一，不論係賣相上定係味道上都為Pizza生色不少。之後就上咗個《魷魚筒飯》(HKD$58)，味道唔差但係唔太啱我口味。食落感覺上魷魚同飯係溝唔埋，魷魚調味唔夠，飯味道普通，冇咩驚喜。而且呢味上菜時已經有啲凍，加埋唔啱口味就扣左分！同時上埋個《和風鐵板西冷牛扒》(HKD$98)，算得上係和民嘅招牌菜，西冷牛扒肉質嫩口，口感唔錯！就算係用鐵板燒煮法，都冇令到肉身變"鞋"。如果要挑剔嘅，應該就只有價錢喇，真係略貴咗少少，份量唔算太多，二人食