天天海南雞飯 (Fashion Walk)

营业中

休息中

難得假日到銅鑼灣放閃，紓解一下在家沉鬱的悶氣，在「宜X傢俬」走完一圈，順道到附近午餐。店裏的裝修蠻有趣，落了不少心思。兩頭食肉獸先來一個小食。魷魚芽菜就是爽脆加爽脆，面上有些炸蒜，增添香口。接著是半隻海南雞，有別於其他餐廳食過的，這兒的海南雞是有汁的，但汁就只是帶點鹹味，似乎沒多大意思，友人說這應該是星加坡版的海南雞。小人沒多加理會是那裏的雞，總之就覺得雖然雞肉是滑的，奈何雞欠雞味，最後吃剩半份。反而豬軟骨蘿蔔較能接受，豬軟骨夠腍卻又不糜，蘿蔔仍帶爽勁，柱候醬用來佐飯不俗。我們抵達時為時尚早，後來陸續多客入座，看來店子甚受歡迎；但其招牌海南雞卻非小人杯茶。

新加坡人氣店「天天海南雞飯」登陸銅鑼灣Fashion Walk， 除左有招牌天天海南雞飯外， 仲有特色超好面、五十年代南洋咖啡和豆腐花等， 可以一試米芝蓮級滋味！ 辣汁鳳爪（跟餐+$38） 口感爽口，微辣惹味，值得一試！😋 魷魚芽菜（跟餐+$38） 魷魚爽彈，芽菜爽口，作為前菜清清地，幾開胃！ 天天海南雞飯（$80) 煮法完全跟足新加坡總店秘方炮製， 雞肉超嫩滑，雞皮爽滑， 肉厚零脂肪，即使是雞胸也絲毫不嚡， 淋上熱騰騰秘製雞汁，好惹味呀！☺️ 搭配清新爽口嘅青瓜條， 旁邊還有三款秘製醬汁：新加坡黑醬油、辣椒醬和蒜醬， 雞肉蘸上更加惹味！😋 油飯粒粒分明，散發淡淡香氣，整體味道一流！ 超好肉骨茶和牛麵（$108） 麵一上枱係未加湯， 湯係店員即場係我地面前加落去， 確保麵質唔會被湯浸腍， 肉骨茶又可以保持原汁原味！😏 肉骨茶清甜得很，帶有微微嘅胡椒香， 麵條軟滑得黎又不失嚼勁， 炆得軟腍入味嘅牛肉、爽口牛肚、有嚼勁嘅牛𦟌，好味道！😋 最後要左杯熱絲滑美祿（跟餐+$18），都幾濃味，香甜又濃郁，如果有美祿恐龍就好！

喺新加坡旅行食過天天海南雞飯之後, 對果種味道一試難忘, 知道佢終於黎香港開分店, 就去左銅鑼灣呢間回味下果種風味🤤香港舖租,人工都會令個價錢貴左😥不過如果係好味既話就點都值得既😂黎到香港開舖, 門面裝修少不免, 所以呢度既環境絕對係好舒適👍枱面張紙都專登講解番佢係正宗新加坡黎既魷魚芽菜 - 午餐+$38朋友好鍾意食魷魚, 38蚊就有呢份小食, 一於叫埋佢啦😋佢個汁好清新, 唔會太咸但又能夠提鮮, 好難形容🙈如果夾硬要搵樣野講既話, 最近似應該係鮑魚汁😂魷魚爽口固然好食, 墊底既芽菜亦都不能忽視, 因為佢吸晒魷魚d 汁嘛😍天天海南雞飯 - $80主角黎到😍賣相非常吸引, 金黃色既雞油飯粒粒分明, 唔會一pat 野, 而且唔會過油🤤雞肉全部都已經去骨, 啱晒懶得吐骨既朋友😝肉質非常鮮嫩, 點埋海南雞三寶汁, 即係薑蓉, 酸辣汁同埋甜豉油一齊食, 味道令人動容😋超好肉骨茶和牛麵 - $108呢度既麵食都唔遜色架, 煙韌彈牙, 肉骨茶做湯底非常夾, 食完個麵之後連碗湯都飲晒🙈五十年代南陽咖啡, 五十年代奶茶 - $18/杯同一般港式茶餐廳完全唔同, 個茶底同奶都係有好特別既香味👍

成日心掛掛去新加坡食天天海南雞？ 而家個人不駛飛去新加坡嚕！而係新加坡啲雞每日飛黎銅鑼灣兩轉，排下隊就有得食啦！因為餐廳不設訂坐，所以要好似新加坡咁，愈餓就要愈早排，因為星期六條隊大概排到2:30pm，但3:00pm就落場嚕。雖然食材、用材都來自新加坡，甚至由當地主廚來港坐鎮，但所有感覺都比新加坡店優勝。例如餐廳環境: 有向街bar枱、優雅嘅餐廳內部、露天雅座，晚市更是fine dinning，將原本來自熟食中心的「天天」華麗變身 ; 食物方面亦大有進步..$80一碟海南雞飯，在銅鑼灣區黎講價錢定位得好適當，雞脾還是雞胸都是隨機，飯與雞嘅比例係1:1，即是可以做到一啖飯一啖雞！一粒粒油飯香而不膩，雞胸肉無骨又嫩滑，絕無”鞋”口，可以沾三個汁食，但旱有認為唔落其他調味都已經好好食食完飯再飲埋個冬瓜湯，已經好滿足。但一場黎到又點止食個飯咁少叫左份魷魚芽菜同南洋咖啡魷魚切得幼細，混埋芽菜食好有口感對奶敏感嘅話，呢個咖啡好適合，因為係落練奶。落練奶又好難唔好飲嘅，不過啡味都好香濃，唔係一味得個甜字