小欖燒烤樂園 (已結業)

自從有小朋友之後，多數聚會都係同媽媽們，搵節目首要輕鬆方便，大人小朋友都照顧到。我最愛就係BBQ，其中小欖燒烤樂園，近年都係我最愛之一。呢個雲海一色既美景真係百看不厭，望住個靚景燒烤，真係令人心情開朗。場內亦一如以往咁整齊乾淨。超過三十款精心醃製既燒烤食物，次次拎住個盆拎野食，都要左思右想一大餐，樣樣都咁吸引，食邊樣先好呢。另外設有小賣部，有啤酒汽水雪糕等售賣，價錢都算合理。隨便夾就已經一大盆戰利品啦，全部都好有質素，最出色係醃料，肉類都醃得夠濃夠入味。我其中最欣賞係黑椒豬頸肉同土匪雞翼。黑椒豬頸肉肉質鮮甜，非常juicy，唔覺意燒耐左都唔乾唔鞋。土匪雞翼同譚仔果d有得揮，惹味十足，自家製出面買唔到架，必試。另外每次必食法包，記得加$2要埋個自家制牛油，法包烤2烤，加上融化左既牛油，西餐廳都未必食到咁高質素。園內仲有好幾款自費燒烤食物，最巴閉出位都可算係乳豬喇，雖然我好想試下，但可惜冇咁多人一齊食。今次我揀左鮮味花蜆，沖沖水之後加入鹽同蒜蓉，用錫紙包好，放爐邊燒10分鐘左右就得喇。睇下燒熟後隻隻都開晒口，蜆肉肥美飽滿，仲要鮮甜多汁，比得上新鮮靚蜆架，每包仲要有4、50隻，絕對抵食！去洗

一早同朋友約BBQ, 見今日天氣其實都一般, 還不時有暴雨, 但已約又不想改, 唯有都照出去。 事實上除非天氣差得連BBQ場都關門, 否則都不會影響我們的去向。位置都不錯, 屯門公路轉車站後2-3個站就到, 下車一個U-TURN, 行2分鐘左右就到, 而且沿路有指示banner, 好方便好易找。是日週末, 人頭費130元, 爐費30元, 我們一行三人, 每人都只需多付10元, 即140元全包任食燒烤, 更有一支水及一罐汽水, 足夠有餘, 人多就當然更加著數。今日雖然下雨天, 但都坐滿三大個帳蓬, 有幾十組人在此過週末。本身場大超大, 周圍仍有好多帳蓬未開, 不過可能場地負責人預算出入場人數, 所以其他地方就沒有開出帳蓬, 令到場的小朋友有多些空間到處遊玩。每個爐提供2包炭, 如果要加都只需16元一包, 不過我們都喜歡不停燒, 好快就會飽, 有時一包炭都可以解決! 這個自助式燒烤與一般的燒烤差不多, 會有叉、 碟、 燒烤叉、蜜糖+掃, 更有一個大盤, 可以用盤放置你喜歡的食物。我喜歡這個場用膠碟及不鏽鋼叉, 因為每人出入如此多, 如果全場用紙碟膠叉一定非常不環保。要付費的食物除了番薯、棉

難得連續三日假期，星期六就緊係搵啲特別野做下啦，所以就約埋一齊去BBQ～呢間燒烤埸我係好耐之前黎過，地方都幾大，相信可以容納二百人以上收費方式係以人頭計嘅，一入去就派咗幾枝維他嘅水我地呢張就係飲品換領券，因為汽水嗰啲係每人得一罐姐，如果想再飲就要自費喇職員帶我地去其中一個火爐到，跟住就拎兩袋炭黎(加多一袋炭要俾16蚊)，唔洗5分鐘就起好個火，可以開始BBQ lu～首先就要拎個大銀碟去拎生嘅食物，行去個食物凍櫃到，就可以睇到一系列嘅野食，丸類有獅子狗、廚師腸、芝士腸、燒賣、香菇丸、章魚燒等等，肉類就有雞全翼、沙薑雞翼、黑椒牛扒、蜜糖雞扒、香茅豬扒等，海鮮類就有咖哩魷魚同多春魚，蔬菜類就有車厘茄、茄子、翠玉瓜、粟米等，最後就係少不了嘅方包同法式方包，呢啲都係可以免費任攞嘅見到有張海報貼咗係個凍櫃到，有4款加料食物，都算係平，所以我地就決定豪氣啲加料，嗌多一條蒲燒秋刀魚同一包鮮味花蜆黎燒～蒲燒秋刀魚係急凍嘅，所以已經醃好咗，調好味道，擺落鍚紙到包起佢燒，味道有少少似燒汁，質感幾好，不過秋刀魚真係好多骨啊而鮮味花蜆都係急凍嘅，但係就無醃到，好彩有俾到鹽同蒜蓉，加入埋落啲蜆到一齊包好，燒咗一陣就