Parallel

同朋友去完觀塘行街之後，揀左一間歐式風格既西餐廳食晩飯，夜晚時段有半自助餐（$325/位），包括是日餐湯、主菜、咖啡/茶，包場可以享受9折優惠。自助區有沙律🥗、冷切肉盤、煙三文魚，芝士，青口，翡翠螺，白蝦等等，非常豐富。沙律🥗、蔬菜類選擇好多 - 有三色瓜扒菜、吞拿魚長通粉沙律、紅菜頭、香草薯仔沙律、水果沙律、焗南瓜、水牛芝士車厘茄等等。沙律菜口感爽脆，健康之選。海鮮類🍤青口口感鮮嫩彈牙，翡翠螺有嚼勁，白蝦鮮甜彈牙。是日餐湯蕃茄忌廉湯：用忌廉畫上圖案，有心思，微微酸甜味，帶有蕃茄既鮮香味。主菜紅花蟹肉意大利飯：用番紅花調味，搭配上鮮嫩既蟹肉，增添獨特既風味。雞肉磨菇酥皮盒：酥皮一層層，口感酥脆，雞肉嫩滑，仲有好多蘑菇粒，加咗蘑菇汁好creamy。鮮奶咖啡拉花用心，咖啡味濃郁，鍾意飲咖啡嘅朋友值得一試。…查看更多

朋友介紹觀塘有間由前五星級酒店西廚主理的西餐廳，今晚特來嚐嚐這裏的半自助餐。餐廳在觀塘站附近，比鄰APM商場，交通方便。餐廳店面不大，裝修簡約，算不上豪華，但也整潔舒適。晚餐時段全場滿座，幸好我已預早訂好位。「半自助晚餐」包括自助吧、餐湯、主菜及咖啡或茶。自助吧：沙律、前菜、冷切肉盤、煙三文魚、芝士、青口、翡翠螺、白蝦等非常豐富。其中沙律便有火箭菜、車厘茄、甘筍絲、雞肉薯仔、生果沙律。令我印象深刻的是生果沙律，蜜瓜、蜜桃、菠蘿等新鮮生果，和沙律醬味道非常配合，甜絲絲口感，特別醒胃。冷盤方面，有青口、翡翠螺、白蝦等海鮮，任食任添，其中以白蝦最可口，肉質鮮甜爽口。更有飯和通粉，味道也不錯，單是沙律吧已能吃個飽。餐湯：西蘭花忌廉湯，賣相講究，用忌廉拉花，湯底濃稠，味道不錯。主菜：「煙腩肉日本菇意大利飯」，芝士味道濃郁的意大利飯，粒粒分明，特別爽口。配上鹽香的意大利煙肉及滋味日本菇，令味道更提升。「冬陰功燒雞配椰汁飯」，冬陰功雞扒肉質鮮嫩，微辣惹味，配上椰香米飯，清香味美，富泰國風情。升級飲品：「鮮奶咖啡」，賣相不俗，有精緻拉花，奶味濃郁，咖啡香濃。這裏的食物有水準，可嫓美酒店自助餐，而有更高的性價比，若包場更可獲9折優惠。…查看更多

平日吃自助晚餐動輒也得8百元左右價錢, 吃得多腸胃難受, 吃得少感覺不划算, 想享受自助餐又不想吃太多 , 半自助餐便是最合適的選擇, 原來活動包場更有9折如果公司小型聚會便很合適外賣自助沙律吧種類很豐富,有十多款前菜及沙律, 小蕃茄芝士, 紅菜頭, 薯仔,南瓜, 長通粉, 海鮮 翡翠螺、蝦、青口、煙三文魚等等, 螺肉新鮮之餘 SIZE亦很大隻, 同時亦有cold cuts&cheese, 很適合與朋友飲返杯酒作小食是日餐湯粟米忌廉湯黑松露湯濃濃的黑松露香氣而且很Creammy飲品Latte &  中式茗茶 [金牡丹花香紅茶]鮮奶咖啡頗香滑濃郁茶味醇香而不澀-Main Course主菜香煎澳洲爐魚配甘荀薑蓉魚的表皮煎得香脆, 配上甘荀製成的汁香而不膩, 魚肉口感實在黑松露手工意粉  {必食之選}麵質厚身有咬口,  軟硬適中, 醬汁有濃郁的黑松露香氣而且非常掛汁 , 黑松露片佈滿意粉上非常足料美味甜品朱古力蛋糕-…查看更多

眨眼又一年，同男朋友週年紀念當然要慶祝。一向鍾意食西餐的我，今晚揀了間很有情調嘅西餐廳浪漫一下。優雅的餐桌配上小花和小燈，柔和燈光，簡約的裝潢，令人舒適寫意。半開放式的廚房可睇住廚師們專注嘅樣子，好charm呀！晚巿是半自助形式（$318/位），包有一份主菜、自助沙律、是日精選湯和咖啡或茶，部份主菜需加錢。是日精選湯是西蘭花忌廉湯，熱辣辣，聞到陣陣西蘭花的香氣，好吸引！西蘭花沒有打磨至全茸，吃到幼碎的西蘭花，口味豐富，亦有濃郁的西蘭花味，喜歡沒有加入太多忌廉，健康有益，喜歡！廚房前台是自助區，放了一碟碟精美嘅前菜沙律，色彩繽紛，令人食指大動。數下數下，足足有十五款，沙律菜、不同款式沙律、煙三文魚、冷切肉盤、芝士，還有海鮮冷盤，相當豐富。基本上無嘢唔食，所以款款都攞啲試下。第一碟就最喜歡係色彩豐富嘅三色椒鷹咀豆，又有益又飽肚，味道清新。另外啲紅菜頭都好清新多汁，夠fresh!第二碟就好鍾意雜果沙律，有超甜多汁嘅菠蘿、哈蜜瓜、黃桃、藍莓和草莓，好豐富！仲有吞拿魚長通粉沙律味道調得剛好，唔會太多醬，長通粉又有口感，不錯！第三碟就是冷盤，海鮮有三款，有爽口嘅翡翠螺、肥美嘅青口和鮮甜彈牙嘅白蝦。另外三款冷切火腿都鹹香美味，而煙三文魚就油潤鮮鮮，質素佳！睇住廚師用心炮製嘅主菜，食得份外滿足。男朋友揀油封鴨脾配薯蓉、紫椰菜，賣相一流！鴨皮金黃可口，肉質紅潤嫩滑，充滿鴨油香，油潤而不膩，難怪OpenRice 食評咁多人推介。配菜就有香滑嘅薯蓉和腍嫩嘅紫椰菜，份量好足。而我就要香煎澳洲鱸魚配甘筍薑蓉，好味得令我讚口不絕。鱸魚扒底面都金黃，魚肉一片片，唔會散爛，非常嫩滑，啖啖魚油鮮香，跟香脆的魚皮食更吸引，再點啲甘筍薑蓉汁，又特別又好味。配菜蘆筍就翠綠爽嫩，好好味!最後我就嘆杯香濃幼滑嘅鮮奶咖啡(+$10)，而男朋友就要壺幽香嘅伯爵茶(+$10)，邊飲邊談心。…查看更多