西貢咖啡餅店

营业中

休息中

說起葡撻，相信每個人都想起澳門的安德魯與瑪嘉烈。一江之隔，總有不少人慕名前去。曾經的我覺得吃一口葡撻/蛋撻、喝一杯奶茶/紅茶，是一種人間享受。可惜，旅客多了、噪音也伴隨多了，澳門已不再是享用人間美味的好地方。或許，這裡可以重拾我所懷緬的日子。一山之隔的西貢，你又願意前來嗎？這次Office下午茶由我主理，當然不會到美心、聖安娜等連鎖店買幾件切餅劣食😀這次當然要搞搞新意思，在西貢咖啡室買一些麵包、凍餅、葡撻。麵包、凍餅、撻類質素均是平均水平以上。原因不外乎材料靚，例如：麵粉、牛油等。波蘿包：屬新式菠蘿包，較為輕身，跟金華的舊式菠蘿包相比是兩個極端。本人較為賞識新式波蘿包，感覺輕盈一點。波蘿皮易散，吃前可先按壓，就不易掉皮。葡撻/鮮奶撻：質素不下於澳門的安德魯和瑪嘉烈。份量足、酥皮香、蛋味還可以，但始終酥皮偏油。吃前請預備紙巾！凍切餅：整體上不錯，價格便宜一點更受歡迎！老實說，價錢偏貴但質素搭救。先戴一戴頭盔，我算是熟客，基本上每次也大手買入。對街外人服務態度還是可以改善一下的。

向西貢行完山飲完茶之後，經過這間西貢咖啡餅店，因為平日的關係沒有好似假日一樣排長龍 ， 所以我們坐低慢慢食。 如果坐低享用一定要買野飲， 當然冇問題啦！有時間慢慢坐低享受下，食個菠蘿包不知幾正！ 我們三個人真係食得好瘋狂，首先我們叫了兩杯熱咖啡，一杯熱奶茶，兩件葡撻和一個菠蘿油， 之後見到有新鮮出爐的菠蘿包，又買多一個！再有新鮮出爐的鮮奶撻又再買一個吃，然後還有蒜蓉包又是新鮮出爐，當然我們都買了一個啦！熱咖啡~ 熱辣辣又香濃的咖啡用來送麵包一流！熱奶茶~ 使用茶包做的，當然茶味比較淡，但我都接受到。菠蘿包~ 這間餅店新鮮出爐的菠蘿包，真是特別好吃，熱辣辣的，外皮鬆脆，麵包入面又夠軟熟。菠蘿油~ 菠蘿油雖然是極度邪惡的食物，但每一次見到都忍唔住一定要買番一個來吃！熱辣辣的菠蘿包已經將牛油溶入麵包裏面，又香又滑。葡撻和鮮奶撻~ 一啖咬落口感覺又香又濃的奶味， 還有最欣賞酥皮做得夠香脆。蒜蓉包~ 一出爐已經聞到香噴噴的蒜蓉味，配合長麵包脆卜卜又鬆軟的感覺，真係食到停唔到口。這間餅舖有咁多人排隊幫襯，一定有原因，先決條件就取捨於熱辣辣又夠新鮮的麵包和蛋糕，有口碑自然就吸引到來自四方八面的人，

每次入西貢經過哩間鋪都想停低買啲野食的，貴係貴咗啲，但真心覺得好食，今次又忍唔住排隊了。。。排到埋去，聽到排我前面嘅兩班人都買咗【菠蘿油】，次次食菠蘿包，今次就試試加塊牛油試下啦，再黎一件鮮奶撻吖~俾錢，盛惠26蚊吖，菠蘿油15蚊，鮮奶撻就11。。。。。。攞上手，唉。。。又唔熱了，唔係新鮮出爐嘅話，哩間啲野真係唔係咁熱的，今次我居然仲要菠蘿油添，真傻仔。。。攞起個包，輕輕咬咗包表面嘅糖皮。。。嗯。。。可能真係擺咗一陣，已經冇想象中嘅全面鬆脆了，感覺有啲粘牙feel，加上個包已經唔熱了，配埋夠凍嘅牛油，真係想講句。。。。我錯了。。。。。。好彩個包仲算軟，早知就唔叫佢加牛油好了。。。食完個包，就連個牛奶撻都想一次過解決埋，咬下個酥皮，真係好酥啊，啲牛奶custard都好好味，甜味啱啱好，一啲都冇過火，我一路都對哩間嘅撻好有信心，都都係嗰句，凍咗喇！！！真係唔係住西貢，要撞正佢地啱好出爐要好多好多運氣的不過真心覺得個撻好好味但我食完之後就發現咀角有啲因為熱氣而變紅了，真係要節制下了最後一提，嗰邊有座位的，但如果單買包嘅話就唔好意思了，座位只提供俾叫埋野飲嘅客人的，單買包嘅請企街吧

於2011年首天還有更多的驚喜 - 在遇上金山的炸兩之前, 在離小巴站不久處, 遇上美味的西貢咖啡餅店....也許是大部份人在除夕狂歡得甚晚; 我們抵西貢時已11時多了, 西貢人仍不多, 這店也一樣 (到下午才發現人龍, 方知這是"名店"納!!) 兩個人從小巴下來, 路過, 無聊地看了看, 看到一個叫"心太軟"的麵包, 好奇買了個一試, 順道買多個奶撻吃吃; 買走後, 繞到後面, 方發現原來店家有當食服務, 反正人少, 也不會介意我們"外賣變堂食"吧. 先吃奶撻. 奶撻的酥皮帶點牛油香, 其實比豬油的酥皮好吃多了; 奶餡相當滑, 略嫌奶香不太夠而已, 但一脆一滑的口感都教人滿足, 要是新鮮熱辣的, 相信會很好吃. 然後就是心太軟了; 我們這些甜魔, 一說心太軟就是一個熱烘烘的朱古力蛋糕, 包著勁流心朱古力餡, 再加一球巨巨的雲尼拿雪糕. 如此的一個心太軟, 實在大大超出我們想像, 也教我們好奇: 急不及待的將之掰開, 原來, 面的一層, 是牛油酥皮, 內裏還有一個麵包仔: 麵包仔裏面, 是朱古力餡, 不過就不夠流心了...雖然最裏面的朱古力不夠流心, 但這心太軟還是好吃的; 外面的一