Age.3

营业中

休息中

星期六去MOKO新開既Age.3食炸三文治。呢間係日本元組炸三文治既海外首間分店，好威水，唔怪之得勁多人，要有心理準備等好耐先有得拎。有個開放式廚房，見到佢地將厚切方包拎去炸，再切開一半，再將材料擺入去，就成為豐富飽滿既炸三文治啦。建議一定要即食，即食係最好食嘅。芒果杏仁豆腐呢個見到係香港限定，就一定要揀佢啦。杏仁味嘅忌廉幼滑又唔太甜，加埋粒粒芒果，當甜品食一流。鮮奶油用北海道鮮奶油製作，奶味幾香，甜度啱啱好，而家做緊$8優惠就非常之抵，值得一試。焦糖燉蛋焦糖燉蛋相對甜少少，但同樣非常幼滑。芝士咖喱肉醬味道辣辣地，有一層芝士係面，啱晒想食鹹既人士。日式半熟蛋拿坡尼意粉有隻煎半熟蛋，食食吓會爆啲蛋汁出嚟，再撈埋意粉一齊食，好食。

Age.3係間來自福岡嘅人氣炸三文治，最近係旺角開咗第一間海外分店，去趁下熱鬧先！店內有賣超過 20 種口味嘅炸三文治，除咗鮮奶油之後，其餘口味一律$48，全部都係即點即制，每件都包保酥脆！🥪芒果杏仁豆腐香港限定口味！面頭鋪滿杏仁豆腐同芒果醬，下面係滿滿嘅鮮奶油，外層麵包炸至金黄酥脆，口感豐富🥪鮮奶油份量超級澎湃，滿滿嘅鮮忌廉，超邪惡🥪芝士咖哩肉醬炸三文治試咗另一個咸版炸三文治，咖哩肉醬味濃厚，加埋半溶芝士係絕配，不過食時要小心肉醬會流出嚟呀