叁嘗 (已結業)

投完票之後經過呢間白色小店😋 好似都幾多人喎，一於試吓佢首先嚟個頭盤 - 叄嘗吞拿魚他他配牛油果醬配多士。佢個多士好！脆！牛油果醬加上新鮮嘅吞拿魚，好開胃。令我有少少諗番起喺Bora Bora嘅自家創作吞拿魚沙律🤤主菜我地分別叫咗明太子蟹肉忌廉意粉，同埋鮮茄蟹肉忌廉意粉。意粉食落口第一個感覺係好彈牙，絕對唔會軟林林，又唔會太硬或者唔熟，煮嘅時間掌握得啱啱好👍🏻呢個鮮茄蟹肉忌廉意粉就啱哂啲鍾意食番茄嘅人啦我哋因為太肚餓嘅關係，叫埋個叄嘗卷嚟試吓，估唔到有驚喜！佢同個頭盤有少少似，都係有牛油果醬同吞拿魚，加上炸蝦，再响出面鋪多一層米紙，令到d飯唔會跌出嚟，啲飯嘅口感都好特別，淋淋地但又唔會散食完呢個叄嘗卷，大家都已經好飽啦，甜品都食唔落😂不過呢餐真係好滿足，餐廳用心製作食物，值得支持支持！下次再去天后，一定會番嚟呢度食好西！

新開咗6個月嘅西日fusion餐廳，以白色文青設計為主，啲嘢食都好好食喎叁嘗吞拿魚他他牛油果醬配多士 📍$108多謝店員介紹，吞拿魚好新鮮，同牛油果醬原來好夾架。重點係個多士超脆，連伴碟都咁好食，令個頭盤生色不少鮮茄蟹肉忌廉意粉 📍$108意粉口感有少少煙韌，煮嘅時間要岩岩好先唔會淋哂 👍 蟹肉份量仲勁多，真係啖啖都有架，同番茄忌廉汁都好夾。好耐無食過番茄忌廉醬汁啦，出面好多都唔會加忌廉，所以呢個醬汁食物比較厚身啲明太子蟹肉忌廉意粉 📍$118呢份都係蟹肉意粉，不過今次就多咗明太子，口感又唔同咗 😁 呢個醬汁冇咁濃味，唔會蓋過蟹肉啲鮮味叁嘗卷 📍$128呢個好特別呀…佢係用粉紅色米紙包住架 📸 好少女心，岩哂打咭。仲唔係淨係得個樣架，食落都好好食，有辣味吞拿魚，炸蝦，牛油果，同蛋黃醬檸檬柚子乳酸梳打📍 $28白桃乳酸梳打 📍$282杯嘢飲都好refreshing, 唔會太甜

記得幾個月前已經見網上其他飲食平台介紹過呢間餐廳，從而得知三位90後老闆創業ge故事。今次專程黎到品嚐同支持一下！嗌左兩款lunch set share食😋其中一款係鮮茄蟹肉忌廉意粉($108)🍅🦀🍝幾欣賞個醬汁，因為一黎唔會好似出面d茄醬咁酸，二黎醬汁夠多而且唔會好水。蟹肉撈左入醬雖然無可避免掩蓋左本身鮮味，但係係好足料嘅！另一款就嗌左美國牛板腱配薯條($128)🐮🍟牛大概係五成熟，肉質好冧，冇筋位，亦好juicy。而且仲砌好晒細細舊先上，呢個細心位真心要讚👍🏼旁邊幼身薯條配上茄汁同芥末醬，食完非常滿足！兩款主食外，我地另加$18配餐湯，是日餐湯為忌廉甘荀湯。至於餐飲就本身個set已經包左嘅自己幾欣賞呢間90後創業小店，店內環境行簡潔文青風，食物性價格高，相信好快會再黎encore試埋其他野食