大一海鮮火鍋料理 (已搬遷) 新店位置

去咗尖吵咀行街，又想打邊爐，揾到一間响咀寶勒巷一棟商業大廈入面嘅餐廳，一入到去就見到有兩間VIP房，之後就有好幾張大枱，再轉個彎去到另一邊，就有些長方型枱，中間一排嘅枱比較長，枱中間用竹簾隔開，呢個設計的確很好，好有彈性，人多大得，人少又得鮮茄魚湯海鮮鍋 ($199)其實好多湯底都想試，最後因為喜歡蕃茄同海鮮，所以選擇咗「鮮茄魚湯海鮮鍋」，材料好豐富，有好多海鮮，有蝦，蟹，大蜆，仲有好少見到嘅九肚魚同好大隻嘅桶蠔，可能因為咁個湯特別鮮甜，唔止多海鮮，其他材料都唔弱，有豆腐、粟米、西芹等，可能因為係海鮮鍋嘅關係，個湯底都加咗好多蔥同薑，所以個湯完全唔腥，仲有少少薑味，我就好喜歡，一飲就飲咗兩碗，之後再食海鮮，第一樣食嘅係桶蠔，好肥美又鮮甜，至於九肚魚，好彩一早夾起，如果再煲耐些，可能會爛晒，咁就食唔到又滑又鮮甜嘅魚喇，至於其他海鮮都好鮮甜，為咗爭取時間，我哋仲夾起晒所有海鮮，然後加湯底，响等湯滾嘅時間，就食海鮮頂級新鮮手切本地肥牛毛 ($269)一片片色澤紅潤嘅手切肥肉，在碟上排列整齊，望落去雪花紋左右對稱，原來係因為切咗雙飛，夾起放入滾湯，幾十秒就食得，好鮮嫩，牛味濃松露芝士墨魚丸拼爆

睇openrice嘅相，咁多卡位嘅？心諗應該唔會全部都係卡位呀嘛，上到嚟，點知全部細檯都差不多係最憎嘅卡位，嚇死！好在啲卡位極度寬敞，未試過坐卡位可以坐得咁舒服。心諗好在喳！鮮茄魚湯海鮮鍋 ($199)豐富到嚇一跳！大量蜆、8隻蝦、1隻花蟹、2隻蠔、九肚魚、豆腐及薑等。最令人驚喜就係有2隻好大嘅蠔，差不多有成隻手板咁大！滾起之後飲飲先，哇清甜到想喊！就好似去鯉魚門呀西貢食海鮮餐嗰啲海鮮豆腐湯咁，不過呢個冇咁鹹，清清哋嘅薑味令成個湯更顯鮮甜，超好飲忍唔住每人飲咗3碗先開始打！頂級新鮮手切本地肥牛 (小$269)色澤紅潤，每一塊都好完整，入口好鮮嫩，牛味夠冰菜拼唐生菜 ($69+10)色澤翠綠，出去打邊爐好少地方可以拼菜，尤其拼到冰菜真係超開心，輕輕煮一煮，嗰種半熟又爽脆嘅口感好吸引！松露芝士墨魚丸拼爆汁和牛丸 ($139)粒墨魚丸上佈滿黑色一點點嘅松露，入面嘅芝士呈徘徊在似溶又拉絲嘅狀態，口感彈牙；和牛丸牛味非常突出，咬開後並唔似普通嗰啲爆汁牛丸咁一吓爆晒出嚟熱到咀都腫，佢嘅密度好高，輕輕咬嘅每一口都有牛肉汁必出嚟，不過係必得好溫和，令人食得好舒服！黑松露帶子餃拼芥末蝦餃王 ($139)