SP Senses (尖沙咀中心)

营业中

休息中

疫情之後減少聚集好耐冇行過星光大道今日行到最尾差唔多行到尖東個頭度搵食 經過見到呢間裝修好靚又茶葉又蛋糕咁 估唔到原來主打和式料理㗎喎❣️秘製2小時慢煮西班牙橡果豚腩 伴洛神花紅酒汁丼 $158兩片反晒光嘅豚腩大大舊放面 用洛神花紅酒汁醃到超腍勁入味微酸嘅醬汁令油脂部分肥而不膩 仲有消濟開胃添 慢煮手法令豚肉減低變鞋口嘅機會 肉質即使烹調左兩小時仍然可以保持柔嫩口感❣️和風汁燒挪威三文魚柳 $238呢個擺款超級靚 足夠可以打半個鐘卡店員講解配料前菜會因春夏秋冬四季而調整 今次前菜 有紅酒橋頭 春筍 櫻花蝦高湯美白菇🍄全部細細份好精緻 橋頭浸得好入味 冇平時嗰啲好酸好酸嘅感覺而右手邊好似朵花嘅係鯛魚片配高湯啫喱 食法係用羹不一小舊啫喱再連埋鯛魚片🐟一齊食 高湯令原先冇味嘅魚片增添鮮味小食有炸飯團🍙同天婦羅外脆內軟 全部都好香口 即叫即炸熱辣辣 至於主食三文魚火候啱啱好 表面微焦賣相超吸引 吱少少檸檬🍋汁酸味味更好味 跟餐仲有超精緻嘅紅豆糕 面頭放咗啲金箔夠貴氣 唔會話過甜 少食甜嘢嘅我都接受到❣️鮮草莓麻糬窩夫 $128一片正方形嘅麻糬片放頂

今日大約下午6:30左右到達餐廳，到達時未見有很多人流，依個時間影相非常一流😎經門口入餐廳已經見到擺放出好多精美既小蛋糕，已經決定一陣一定要嗌返個嘗試🥰.🍚和風汁燒安格斯牛肉日本櫻花蝦伴日本煎茶泡飯餐廳好貼心咁會有個指示牌教你如何食用，唔洗驚唔知食用步step,當你一路倒茶落飯嘅時候，絕對係一個好好既打卡TIMING,記得影相啊📸泡飯食落味道偏淡，合適唔重口味既朋友仔食～.🍝澳洲安格斯牛肉西椒莞茜麻辣扁意粉朋友係個莞茜愛好者🥰一見有莞茜依兩粒字就立即點選依款食物。食落意粉軟硬適中，麻辣口味十分惹味，好食！.🍓🧇鮮草莓麻糬窩夫好少見配有麻糬既窩夫，麻糬口感煙韌，加埋窩夫一啖咬落去口感豐富，每塊窩夫都好有蛋香味，加埋MOVENPICK雲尼拿雪糕同士多啤梨真係好好食😍.🌹玫瑰莓果洛神花蛋糕精緻嘅蛋糕外表，唔知係咪因為食左窩夫後先食依個蛋糕，味道略為小淡，不過都依舊食到陣洛神花香味道😍.總結來說，依間鋪頭既食物水平很高，環境漂亮，價錢合理，值得一試👍🏻

佈置帶有療癒、窩心嘅感覺，座位好舒適，其實好啱情侶拍拖或者兩三個閨蜜一齊食飯。餐廳每日都有唔同嘅精緻嘅甜品，亦有花茶供客人購買。我自己覺得幾得🤭平日比較少食精緻日式定食，人一世物一世，覺得人大個咗，應該咩都要試吓😎所以我哋每人嗌咗一個主食同一個窩夫一齊食😋西京燒加拿大銀鱈魚日本帶子Grilled miso-marinated black cod & scallops ($278)味道：🌕🌕🌕🌕🌕評價： 特別一讚西京燒銀鱈魚好香魚油味，油脂分布得好平均，啖啖肉，啱晒啲怕食到魚骨嘅朋友😍推介❗️日本帶子好大隻，唔會有雪藏嘅味道，兩面都煎得好香。另外再配有一個煎飯團。加上佢成個定食會配上前菜，大蝦配鰹魚汁啫喱，有趣有趣。黑豆我個人幾中意食，甜甜地😊南瓜🎃都好好食。麵豉湯湯底用三文魚魚骨熬製而成。另外仲有兩件天婦羅，分別係南瓜同蓮藕。最後結尾一件精緻嘅果子。所以成個定食包括左前菜，主菜同甜品，好豐富。無論賣相，味道都令我好滿足🥰和風汁燒安格斯牛肉日本櫻花蝦伴日本煎茶泡飯Angus beef shrimp Ochazuke with Senchq ($142)味道：🌕🌕🌕🌕🌗評價：味道上相對會比較