六小館

【華麗中式Brunch】去開東涌順便搵東涌朋友行outlet shopping，當然要食定嘢先有購買力！今次去咗間新派中菜食個中式brunch! 邊食邊傾！食咗咩🥟一盅六件點心拼盤：🥟蟹子鮮蝦燒賣啖啖鮮蝦肉，瘦肉又爽甜，無肥肉感覺。🥟鮮蝦菜苗餃菜苗涵料口感清爽，最重要係無渣，味道又好。🥟竹笙素餃綠色餃皮都好易認，除了竹笙外都有其他素材，如豆腐乾、黑木耳等，切得好細緻，食入口其實唔都係同普通餃類差不多，我食完先醒起是素食呢。🥟紅米鮮蝦帶子腸粉腸粉食得多，但紫紅色就好少見，顏色外型好吸引之外，鮮蝦帶子心仲吸引，廚師將鮮蝦和帶子打成滑咁釀入紅米腸粉中，食出份心思。🥟乾炒和牛吋半河乾牛河平時就食得多，今次特別在用上了靚和牛去炒，而河粉比平時嘅闊，可能有成吋半闊吧！河粉闊了，理應難度更高，可能會上色唔平均、會易炒斷或變成一疊，但以上一一都冇出現，仲條條河粉上色分明，部分有煎香感覺，鑊氣和功架都不容置疑，而和牛就大大塊又香淋牛味重，好有滿足感。🥟冷泡冰梅淮山近年愛上食淮山，健脾益氣，今次呢款冷盤幾特別，冷泡冰梅，讓原本口味平淡嘅淮山多了份酸甜味道，而碟邊灑滿話梅粉，可以將淮山輕輕印上話梅粉，更顯醒

Book錯日子去到要等位，但安排得好快有位，點餐正正路路啦，都好快上菜，食物質素普遍都好好食，有質素有水準。建議要book位先好去，因為我地去果日係落大雨，東涌少左好多行山客，但仍舊全場滿坐。

周六有要事前往東涌, 想在東薈城草草解決Lunch。發現呢間風評不錯，於是3個人黎食。不得不說，東薈城要前往6樓有點迂迴曲折，對唔太熟呢個商場既我黎講，要搵啱部去到6樓既lift有d難度。六小館是陸慶娛樂旗下，同系仲有間六公館。(不過冇幫襯過，不評論。)在無訂檯情況下, 等了約莫半小時。雖然看到裡面大把位, 目睹門口小姐仍趕人走, 連飛都唔再派，感覺不太好。門口放了餐牌，點心選擇價目清晰，一目了然，值得一讚。(雖然價格小貴，但明碼實價。)入去到空間感十足, 窗戶透入自然光，感覺明亮，窗外都有些少景睇下。內櫳裝修富設計感，座位亦寛敞舒適，整體新淨舒服。翻查資料，原來是由香港著名梁姓設計師以60年代香港小飯館作設計藍本而打造，咁揼本Design，咁有格調都好應該。服務不算太好，女侍應冇講係咩黎就逕自放下一碟錯的點心，我地認得係已經食咗既野，已經幾個人即時叫住佢，點知佢頭也不回地轉身離開，如在夢中，叫都唔醒嗰隻。(汗)好在點心在水準之上…紅米鮮蝦帶子腸粉($62)Steamed Rice Rolls with Shrimps and Scallop外層是鮮艷的紅米腸，表包幼滑，中間裹著一層炸