正斗粥麵專家

营业中

休息中

去泰國5日，臨走前想食返啲廣東味道，你知啦，去到泰國就餐餐海南雞飯喇。雲吞麵、瑤柱蛋白炒飯、五柳炸雲吞。今次真係咬開一半睇下粒雲吞入面有咩，咪就係有蝦同肉囉~ 哈哈哈。好想知點解啲蝦咁鮮，因為我好鍾意食蝦，蝦蝦蝦。瑤柱蛋白炒飯炒得好好味，啲飯無痴埋一舊舊，菜粒都好均勻，每啖都食到菜粒、瑤柱同蛋白。最後係五柳炸雲吞，即叫即炸，同佢皮唔係春卷皮，唔知道啲雲吞係咪同雲吞麵嗰啲一樣呢？五柳醬偏甜，食落都幾惹味。值得一讚係出餐算快，趕上機都可以快速醫個肚先~

「正斗粥麵專家」秉承了祖業「何洪記」的秘方與名聲，理論上應該相當正斗，可惜開業那麼多年，就是沒嚐過他們的雲吞麵，今天搭乘 Air China 飛成都，由於延遲了三小時，終於有個借口，可以忙中偷閒，嘆番碗「細蓉」！位於機場1號客運大樓，離港層禁區之內，入座的全都是侯機的客人，看來今天似乎人氣並不旺盛，餐堂是所有食肆共用的，排隊落單、付款後，等了接近10分鐘時間，才領到我的一碗 。。。鮮蝦雲吞麵 $48 碗，不算便宜，但抱著非試不可的心情，也只好接受吧，首次接觸的目光，有點不對勁，好明顯，九黃數量極少，甚至近乎零，呷了一囗淡然無味的湯頭，再咬一啖餡料不足的雲吞，那似有還無的感覺，更遑論什麼半肥瘦豬肉和蝦仁的比例了，幸好麵條果然是，有韌度兼具爽口的，但可惜印象分已經大打節扣 。