影片
更多
2018-04-15
1677 浏览
開始作感冒冇咩胃口，不過食得清淡都唔代表要食得差既。 對生記既生滾粥一直耳有所聞，見地點方便又開得夜，收工專程黎一試。夜晚8點近乎滿座，部分食材例如魚腩、油炸鬼等都將告售罄，迫不及待先落單。 本來想試試雙拼粥，但起碼$50既價位令我有少少卻步，最後揀左單拼馳名魚腩粥同鮮雞粥各一碗。阿姐好殷勤地問我鮮雞粥要唔要細碗，原來部分粥款可選袖珍版，會平十蚊左右。 老實講以我食量係想要正常size既，但見在場女士都叫袖珍款，騎虎難下惟有叫左碗細既，暗暗希望食埋小食會夠飽。見到手寫單據既價錢比餐牌所寫為低，先發現下午2點半後入座，粥品每碗照價減$3，即時抵食左唔少。鮮雞粥 ($29) 袖珍驚喜地發現袖珍版毫不袖珍，快將滿瀉既外型睇落甚至比正常份量多。 仔細比對下覺得分別在於袖珍版既碗口有少少彎，但容量差不多，見唔少伯伯單食一碗都夠飽，性價比奇高。生滾粥多數偏稀，但呢度既濃稠度絕對滿足到我呢個廣東粥愛好者。 粥底鮮甜帶雞鮮味，可能唔係帶骨既雞件，甜味相對冇咁濃，但以豬骨、瘦肉、瑤柱、腐竹等熬成，本身已經夠哂清甜。雞肉係大大件既鮮雞球，嫩滑彈牙，食到底都仲有好多塊，十分足料。最欣賞每款粥都配一碗薑蔥豉油
夜晚8點近乎滿座，部分食材例如魚腩、油炸鬼等都將告售罄，迫不及待先落單。 本來想試試雙拼粥，但起碼$50既價位令我有少少卻步，最後揀左單拼馳名魚腩粥同鮮雞粥各一碗。
阿姐好殷勤地問我鮮雞粥要唔要細碗，原來部分粥款可選袖珍版，會平十蚊左右。 老實講以我食量係想要正常size既，但見在場女士都叫袖珍款，騎虎難下惟有叫左碗細既，暗暗希望食埋小食會夠飽。
見到手寫單據既價錢比餐牌所寫為低，先發現下午2點半後入座，粥品每碗照價減$3，即時抵食左唔少。
鮮鯇魚腩粥、鮮雞粥
83 浏览
0 赞好
0 留言
鮮雞粥 ($29) 袖珍
驚喜地發現袖珍版毫不袖珍，快將滿瀉既外型睇落甚至比正常份量多。 仔細比對下覺得分別在於袖珍版既碗口有少少彎，但容量差不多，見唔少伯伯單食一碗都夠飽，性價比奇高。
鮮雞粥
$29
75 浏览
0 赞好
0 留言
生滾粥多數偏稀，但呢度既濃稠度絕對滿足到我呢個廣東粥愛好者。 粥底鮮甜帶雞鮮味，可能唔係帶骨既雞件，甜味相對冇咁濃，但以豬骨、瘦肉、瑤柱、腐竹等熬成，本身已經夠哂清甜。
鮮雞粥
$29
53 浏览
0 赞好
0 留言
雞肉係大大件既鮮雞球，嫩滑彈牙，食到底都仲有好多塊，十分足料。
70 浏览
0 赞好
0 留言
最欣賞每款粥都配一碗薑蔥豉油，雖然明顯同招牌魚腩最夾，但用黎點雞球都毫不遜色，豉油既甜同薑蔥既香口爽脆引出雞肉既鮮味。 尤其鐘意薑蔥切得好幼，浸左係豉油一段時間，完全去除左嗆喉既辣味。
鮮鯇魚腩粥
$42
61 浏览
0 赞好
0 留言
鮮鯇魚腩粥 ($42)
鯇魚腩厚肉大塊又嫩滑，足料放滿成碗粥，幼骨亦唔多，啖啖肉好滿足。 不得不提魚腩滾成既粥鮮甜無比，同飲緊魚湯差唔多。 我本身對鯇魚好反感，但好驚訝呢度既鯇魚連皮一齊食都唔腥，我有信心可以獨力食哂一碗，平時唔食河魚既朋友都可以一試。
鮮鯇魚腩粥
$42
99 浏览
0 赞好
0 留言
腸粉 ($16)
好夠熱，配埋大量醬料好惹味。 但比想像中少好多，只係一人份量，同時摸到碟邊都熱，相信係預先切好放係爐一直蒸。 但要讚下阿姐聽到我要齊醬之後幫我唧埋辣醬，算係比較少見既心思。
腸粉
$16
62 浏览
0 赞好
0 留言
以清下腸胃既心態入黎，估唔到有意外驚喜，難得晚市食材依然有如此鮮度，名不虛傳。
张贴
