火狐爐端燒 (已結業)

星期五去食晚飯，餐廳唔算大，入到去都有幾枱食客。因為book左，所以都係唔洗等位，入到去就可以坐低。餐廳裝修簡單，牆身有黑板寫左每日既特有既菜式，侍應服務幾好，會主動推介有咩好食，好有禮貌。我地叫左梅酒，串燒就有：牛舌，雞皮，芝士燒大啡菇，帆立貝，雞翼，油甘魚，主食就有：燒鰻魚飯。梅酒味道正常，夠凍。牛舌質感唔算稔，有d咬口，勝在燒得夠香，而且牛味足。雞皮好食，因為燒到脆卜卜，夠乾身，有朋友話過係香港少d會食到好食既雞皮，我覺得e個ok。芝士同菇配搭無得輸，食落菇好多汁，不過可以再多少少調味。單骨雞翼正，食落好方便，肉質嫩滑有汁，外表香脆，燒到焦焦地，好惹味。燒帆立貝味道鮮甜，但有dd煮老左咁。油甘魚比較重味，味道一般，唔算好有驚喜，同平時煎三文魚鰭味道差唔多。鰻魚飯份量一般，唔多鰻魚，味道正常。整體來說，價錢唔算平，不過居酒屋都唔會平，食物質素唔錯，而且服務態度好，想係荃灣搵個地方傾下計飲下酒都係幾好既選擇。

香港的日式餐廳多得如過江之鯽，但有些穿起龍袍不似太子，有些蓬顔詬面但難掩天姿國色。關鍵在於一間餐廳的精神和靈魂，而其體驗是在於細節。偶爾發現這間新開的火狐爐端燒，因吃厭了米線，便轉下口味。價格都合理，便來一回日本菜吧！下午一點鐘入到去，只有一枱客，安安靜靜的。店內只有一位女士一腳踢侍候，但亦自在客氣，遊刃有餘。 日式的侍者彷佛都有一種不慌不忙的特質，細聲慢語，叫人心生好感。店舖小小的，牆上張貼着一張張日本電影海報，播放着輕快的日文歌曲，營造出一種文藝氣息。點了蒲燒鰻魚飯，附送前菜，是豆角沙律，若你不細細咀嚼，會以為沙律醬裏拌了吞拿魚。但只要定睛一看，裏面的咸香是木魚的味道，是匠心之作，何等精緻。味噌昆布湯不知道是否用湯包開出來的？但味道不算咸，入面有油豆腐及大量京葱絲作佐料，可見並非隨隨便便拿些食物推塞客人。主角是鰻魚飯，鰻魚飯的質素只算普通。鰻魚有半條，不够肥美，蛋絲略乾，鰻魚汁沉落飯的底部而非掛在鰻魚上，飯以珍珠米煮成，略嫌乾硬。但是最令人印象深刻的是，這碗鰻魚飯的體驗。要知道鰻魚若是冷了，味道是會大打折扣的。即使在日本吃本土出產的鰻魚，如若放冷了，那腥味及韌硬的肉質，令人倒盡胃口

今次嚟到一間裝修別緻既小店，見到有串燒食，就嚟食下喇位置喺好出名既米線店旁邊，一眼就望到佢，裝修有啲似日本既居酒屋Menu 好簡單，不過我成日認為貴精不貴多，專心做好幾樣嘢，好過好多嘢揀，但樣樣都唔好食首先叫左個枝豆，咸咸地，䁔暖地，好開胃平時我係唔食牛舌既，因為好怕佢d俐苔，今次依個做得好好，佢用左既salt 同pepper 調味剛剛好，厚薄適中，無嗰種cheap cheap 食材既感覺，又不會好勒，好食明太子雞翼，好飽滿既明太子，一咬落去好多料，好，雞翼怪既我，表示滿足汁燒帆立貝，佢用左厚既刺身帆立貝，如果燒多一陣個面同底就perfect 蕃薯仔，一如既往，無得輸鐵板大蝦，個蝦頭好多膏，雖然不便宜，不過食得出佢唔係用好便既材料去hea人鰻魚飯，個鰻魚不腥，燒得幾好小店嚟講，佢用既食材好，有心做，望到店家都係後生仔，加油丫

—搭車傾緊 Fantastic Beasts 2入到餐廳竟然播緊Harry Potter店主說笑道買咗成個series 想睇可以多d幫襯😂前菜 蒜頭粒 淮山 明太子?!口感同調味都唔錯左: 黑豚五花腩($28)脂肪層燒到少少脆 咬落去油脂豐腴怕膩可以加檸檬汁 冇咁邪惡右: 牛舌($40)有一定嘅厚度之餘 仲爽彈juicy 大啡菇芝士燒($38)超級好食 切開d菇汁喺湧哂出嚟成個碟都係汁 唔會有草青味鰻魚飯($78)鰻魚肥美 燒汁撈飯食和牛露荀炒飯($98)用咗黑椒調味 仲有洋蔥 紅椒一齊炒———————————————火狐爐端燒荃灣四陂坊12號雅緻大廈地舖