水門雞飯 (萬勤商業大廈)

营业中

休息中

🇹🇭🥢🥣速食泰式炒金邊粉✅鳳尾蝦泰式金邊粉（微辣）-$78即叫即整，都炒得幾有鑊氣，上碟都好靚，辣椒粉同花生碎會喺旁邊。鳳尾蝦有四隻，都算大方，而且幾彈牙。呢度食嘅金邊粉同出邊泰國餐廳嘅有少少唔同，就係多咗少少辣味。炒得好均勻，酸辣味都好強烈同開胃。裏面嘅配料仲有芽菜蛋絲同埋蔥。自己一個想速食泰國菜嘅話基本上呢間都係唔錯嘅選擇，上菜都算快同埋免加一。🆗熱泰式奶茶 午市套餐會包嘢飲，我就叫咗熱嘅泰式奶茶（少奶），飲品用紙杯上，都幾大杯，不過真係甜咗少少，冇得叫少甜。

水門雞飯真係想試好耐，奈何佢條隊永遠都嚇怕我，今日終於的起心肝排下，一試佢個雞飯是咁的，我好豪氣咁加左錢咁要脾位佢係油香飯，個汁完全係重要撈落去食超正，特別要讚真係個雞肉好嫩滑，脾位都真係唔係呃你，啖啖肉食飯唔係唔添條菜嘛呢個係馬拉盞芥蘭苗，食落唔un我收貨炒金邊粉有蝦，有青檸汁調味，炒得算有鑊氣，食落好幾爽口，不錯呢個限量版芒果糯米飯令人一言難盡熱到喊時要飲返杯凍飲雖然佢人多，但位都尚算好坐，唔會話要同人搭枱搭到逼逼澀澀而且佢招牌雞飯確係一定要食，性價比超高，味道亦勝許多同類餐廳

今日喺尖沙咀等睇戲 因為未夠鐘就去食個早飯～ 經過呢間 水門雞飯～ 平時排晒長龍 今日早食見到唔使等位就即刻入咗去嚕😬 入到去坐低店員就俾咗QR code我哋自己落單估唔到仲有假日午餐嘅餐牌 覺得更加抵食🤣 好快落咗單 等啲嘢食嚟嘅時候 望住姐姐喺度斬雞 都別有一番風味😗 好快就嚟咗個湯 同埋點雞嘅醬汁係胡椒味嘅湯 清清地又幾好飲～醬汁偷偷地試左先 幾濃味有少少辣 好香🤤 跟住到野飲 跟餐叫既😌- 話梅茶 酸酸甜甜好開胃- 泰式咖啡 咖啡香濃 叫左多奶 本身仲覺得有啲甜 但放咗一陣佢啲冰融左 個味就啱啱好😋 水門雞飯主角出場啦🤩 雞肉好滑本身已經有少少味 點埋個醬真係絕🤤 雞皮都好滑又唔會好油 雞油飯都出色 好香同埋粒粒分明👍🏻 呢個飯必食😌 豬肉串燒 +$26跟餐加咗個小食 豬肉串燒好香 睇落以為佢燒到乾咗 但入邊都仲食到豬既肉汁 點埋個沙嗲醬👍🏻 鳳尾蝦泰式金邊粉 呢個上枱都好香 出面嘅泰國餐廳食嘅差唔多 唔錯呀～ 燒原隻魷魚 $45呢個小食有兩隻魷魚 為咗方便食 佢仲可以俾我哋揀剪碎咁樣上 幾好😌 燒得啱啱好 好香又唔會乾晒 點埋佢嘅醬汁 辣辣哋 好惹味😋 烤麵包 $16正正常

終於有機會試到依間泰國餐廳！次次去都排長龍，平日晏就去終於無咁多人，一入到去好似去左泰國街頭咁，價錢又親民，正呀！水門雞飯 $52個飯其實唔算好多，男仔食應該岩岩好，啲飯都幾入味，啲雞唔係話好嫩滑果種但整體黎講係好味既！鳳尾蝦泰式金邊粉 $68依個金邊粉唔似平時果啲酸酸甜甜既味道，偏少少辣辣地果種，成個味道好香口，上面啲蝦都好入味～值得一試！泰式腩仔 $48朋友驚唔夠食，加多個餸，依個好有驚喜！外面炸得卜卜脆幾有口感，加埋個醬酸酸地又辣辣地，如果有得配埋白飯真係一流！泰式奶茶 $20個人就麻麻地，唔算好甜，奶味偏重環境裝修有泰國特色，但坐位都偏細，坐得會逼少少不過性價比係高既

依間座落金馬倫道、加拿分道交界尖沙嘴核心區嘅泰菜餐店其實經過多次。今日有機會同個朋友來食飯試一試，餐廳牆身以少量泰拳用品裝飾，廚房一邊掛上原隻原隻煮畢嘅招牌雞，感覺似大排檔。水門雞飯 招牌菜式更係要試試，拆骨雞肉入口倍感肉質嫩滑，點少少泰式醬油加幾分惹味；配雞上嘅油飯粒粒分明，有淡淡嘅雞油香而且唔太油膩，不過份量偏少。依個飯唔似大眾認識嘅泰式食物，反而似海南雞飯多啲。好彩有嗌多個 鳳尾蝦泰式金邊粉 打底，中蝦大細剛好，風沙式炸蒜粒加少少青檸汁上去唔覺辣之餘又充滿泰式風味脆炸蝦波新鮮熱辣，點心大小，調味亦唔錯，一點埋嗰醬汁就十分有泰色小食風味，作小食送飯送啤都唔錯。蝦頭膏炒什菜，睇個菜名估佢係味濃食物 ，結果入口蝦頭膏味又唔係咁突出，啲菜爽口得黎入面唔太淋。叫咗四碟嘢都係兩舊水多啲，尖沙咀嚟講都算抵食！