白布烏冬 (長盛豪苑) (已結業)

二訪質素有下降嘅白布烏冬🥲兩三個月前第一次食白布烏冬就比佢既口感同味道搞到念念不忘 好可惜再訪並無第一次食咁驚喜😭😭食法主要分為冷烏冬 熱沾烏冬 同 熱湯烏冬上次試過冷烏冬同熱湯烏冬 今次就一於試沾烏冬！.🎈鴨肉入沾白布烏冬 ($86) 👉烏冬方面依然都仲好煙韌 食落唔方便但幾得意！我覺得主要歸功於過完冷河夠凍 先做到呢個口感評分: 7/10👉湯底方面正所謂水能載舟亦能覆舟😂雖然凍烏冬口感較好 但可惜湯底溫度唔夠以至於將冷烏冬放入湯後好快就變涼 入口不冷不熱其實將麵/烏冬凍上都係好常見嘅做法但前題湯一定要夠熱 如果唔係就會好似宜家咁🥲呢到沾烏冬既湯同一般既沾麵好唔同 唔會係杰身好濃味個隻 比較似一個咸版湯烏冬 味道都係基本既昆布鰹魚味 但帶少少酸味唔嚴重但口感有啲唔識欣賞😂我個人比較偏好湯烏冬個湯底 調味剛剛好評分: 4/10👉鴨肉方面湯入面既鴨肉可以話係最大亮點 應該係用咗鴨胸呢個部位 有少少肥膏非常juicy 仲帶有炭烤味👍不過可惜只有三舊 有啲唔夠喉🤤上次食過雞肉用同樣嘅方法炮製 一樣係滋味十足評分: 7.5/10.🎈冷汁天婦羅白布烏冬 ($115)呢一款我地上次都有叫 初見驚艷

位於長沙灣既呢間白布烏冬店面極具日本風格，不過想食既朋友仔記得要注意下個營業時間，晚市係要17:30先至開，記得呢個時間打後先好黎呀😅😅一入到店鋪入面比人既第一個感覺真係好似返左日本京都咁，裝潢令人會覺得好寧靜，有種窗明几淨既感覺，而廚房位亦設左透明玻璃，等你可以睇到廚師煮麵既過程。餐牌上既選擇主要有三種；熱湯，沾麵同冷麵。今次就叫左個鴨肉入沾白布烏冬（$86），而另一碗就叫左雞肉入熱湯白布烏冬（$86）碗鴨肉入沾白布烏冬（$86），沾麵汁較濃，亦有山葵，薑蓉及切蔥佐料，而白布烏冬係第一次食，望落似包餃子既皮，食落口感煙韌，而白布烏冬配沾麵汁既好處係，可以令烏冬大幅度蘸滿沾麵汁，掛湯力較佳。不過可以我筷子功較差😅往往比較難一下夾起成片烏冬😂但味道係幾好食，烏冬以呢種食法亦係第一次👍🏻但鴨肉佢就提供左鴨胸，感覺上有啲出乎意料😂至於雞肉入熱湯白布烏冬（$86），湯底的確較清及湯頭較熱，配合白布烏冬食又有另一番風味，但個人認為雞肉比鴨肉更為好食，有興趣的話不妨試試總結以呢間店舖黎講用餐既環境的確一流，而白布烏冬係香港亦比較少食，尤其係而家無得去旅行既情況下，食一餐日本野就當左係去旅行架啦～

朋友專程約我到長沙灣， 今次午餐的餐廳是白布烏冬。 平時好少機會到長沙灣， 終於可以一試這裏的餐廳👏🏻。來自日本群馬縣的名物白布烏冬，由日本達人Meter Chen引入香港而大受歡迎。今次食鴨肉入沾白布烏冬$86， 賣相好特別，一塊塊烏冬，放在竹籮上，鴨肉熱湯放入白布烏冬，其吸盡湯汁精華， 湯味濃郁， 烏冬食落口感爽滑😃。整體來說餐廳環境不算大， 我坐的枱也較窄，白布烏冬幾特別可以一試。😁 白布烏冬 (長盛豪苑)地址: 長沙灣長沙灣道638號長盛豪苑地下C號舖