初心冰室 (已結業)

呢間平民高質西式茶餐廳🍴平日lunch見有人等位 set lunch好平🤑 就算夜晚價錢貴小小都要等下.#香草大蝦芝士意大利飯 $108意大利飯加入芝士 驚喜位係唔會流🤭👍🏻芝士🧀份量適中 仲有野菌 個汁唔會太稀唔會太杰幾鐘意呢款意大利飯幾質感 煙煙韌韌 飯粒之間有小小粘性 口感過癮🤤大蝦🦐用火槍燒過 有少少煙熏味 肉質爽口.#鵝肝拼牛枊 $138牛柳揀咗五成熟 個人比較鍾意食半熟 好考廚師嘅手勢 有啲會煎到過熟 或者會血流成河但呢個值得一讚👍🏻💯堅係5成 牛柳肉質鎖住🤤外層小脆 入面係嫩粉 咬落幾淋但有口感😏鵝肝好大舊好香 個皮煎得唔錯👅.餐廳唔收加一 性價比高 行過可以試吓🍴☺️

一朝早做完運動，午餐都想食得豐富啲。於是諗起之前嚟過呢間初心冰室，佢嘅鵝肝拼牛柳，比起好多食牛扒嘅餐廳都仲要出色，於是乎心思思又再嚟食。今日有啲肚餓，於是乎同女朋友兩個人叫咗兩個午餐，再加多一個鵝肝拼牛柳。自己好鍾意食酸野，飲親通常都係羅宋湯，貪佢有啲菜又有少少酸味係一個開胃嘅選擇。鵝肝拼牛柳好快就上枱，見到個鵝肝煎到脆卜卜咁，一切落去就覺得外脆內軟，好想一啖放入口度食。果然冇令人失望，鵝肝嘅油脂浸透整個口腔，油香久久不散。而牛柳亦都係煎到外面脆，而裏面係粉紅色嘅肉，五成熟剛剛好，完全唔會太生或者太老。呢個咁美味嘅鵝肝拼牛柳都只係$138 ，真係好抵食架。另外個午餐雞扒拼薯菜都好好味，個雞皮煎到脆卜卜，一向都唔食海南雞雞皮的我都忍唔住食咗三份一塊皮。最後飲咗個雪糕朱古力咖啡，雪糕裏面有朱古力碎配合咖啡嘅香味，又係一令人滿足嘅午餐。

星期日，係旺角始創個頭行街，行到飯點，醒起舊同事介紹過附近新開左間餐廳，名字很好記，初心冰室。一入到去牆身仲大大隻字句:願你我不忘初心!裝修有少少復古工業風格，又真係幾特別~一個人係度HEA下都幾好,叫左個套餐,大份得黎,食材質素遠高於預料，係完完全全估唔到一間冰室可以咁高質事關叫左份鵝肝拼牛柳，牛扒份量厚，最喜出望外係處理得好好，唔使點醬汁都好食!完全無雪味!配埋鵝肝真係好邪惡~薯菜份量多而唔馬虎~配跟餐杯凍朱古力咖啡加雪糕，真係好爽~雪糕係朱古力味，襯返曬，呢餐高卡路里都要食，食完先有動力減~希望間餐廳真係如佢個句:願你我不忘初心! 一直KEEP到咁性價比高，旺角友就有口福喇~

經過旺角見到初心冰室名字特別，望望餐單除午餐外，還有各式牛扒羊扒供應，加$28 便可升級至套餐，包括餐湯及飲品。今天就試試精選推介鵝肝併牛柳吧。雜菜湯材料豐富，味道不過不失。不一會，主菜便送到，賣相吸引，薄片鵝肝煎香，五成牛柳粉紅嫩滑，牛味重，雖然份量不太大，但夠滿足，$138 CP值高。 店子提供特色飲品如朱古力雪糕咖啡或雪糕紅豆冰，跟餐只須加$12，而紅豆冰、白牛、黑牛及鹹檸檬七喜，跟餐只須加$10，今天我點了黑牛，選用雀巢牛奶公司朱古力雪糕，粒粒朱古力碎增加口感，飲落透心涼。 初心冰室午餐供應至下午5：45，跟下午2：30後供應的下午茶一樣，方便遲吃午飯一族，真貼心。

入到去燈飾昏暗幾有情調 侍應手腳純熟 落單快廚師煮得有心機 牛柳夠juicy鵝肝口感唔鞋又唔乾食得出好嘢嚟 不過次序就食咗薯仔再食牛柳最後先食鵝肝咁就healthy d 呢碟雖然賣相細細碟咁 又估佢唔到飽肚感爆燈