陸奧酒場

营业中

休息中

九龍城陸奧居酒屋珍藏多款日本清酒，巧遇品酒師Thomas 逐一介紹不同種類清酒，長知識了。 我們邊飲邊吃，也沒有留意價錢，基本上樣樣都非常出色，不經不覺 品嘗了18道風味：清酒：二兔 - 山田錦六十五720m，大吟醸「玉鋼」燒雞皮， 雞肝， 雞頸肉， 免治雞肉， 一夜干馬友， 海草沙律， 白鱔，魷魚春捲，味增豆腐，青椒仔，甘薯，銀杏，牛脷芯，鵝肝，雞翼， 清酒煮蜆。特別要讚馬友干，皮脆肉嫩，滋味無窮，性價比高。

已經來過這間餐廳好幾次但基於每次啲串燒實在太好食又忙於睇住師傅用心的製作所以忘記影相導致不能出一個完整食評今晚又再次光顧提醒自己無論啲嘢食幾咁好食都記住一定要影相！😂喺新冠肺炎疫情底下如果你想食得又安心又開心兼且你喜歡飲清酒又喜歡食串燒「陸奧酒場」是不能錯過！他們有很多不同款式的清酒特別是二兔，龜泉，大雪溪！陸奧主打串燒，特別推介牛脷芯因為真是師傅製作認真所以超爽口！我相信這個咁花心機的特式串燒別的餐廳應該試不到！至於鵝肝也是不能錯過！十分香口外脆內軟！另外每次必點食物是野菜沙律與廣島𧐢。野菜沙律的番茄經醃製後鮮味十足再加上醬汁調配味道非常恰當！廣島蠔十分juicy !令一用心之作就是麵豉湯，一碗非一般的麵豉湯令你再三回味！至於其他小食魷魚春卷以及土佐荳腐也十分美味總括來說每一次到來也食得十分開心滿足真心感受到師傅用心的製作以及餐廳的清酒選擇跟食物配搭很恰當！

今日去左九龍城既一間居酒屋參加清酒既試酒會，居酒屋門口好吸引人注意，因為佢擺左好多模型公仔唔講差Ｄ以為佢係模型鋪。不過亦因為門口有咁多模型，令居酒屋入面增添神秘感。入到去，就好似去左日本既居酒屋，位置於擠滿了人，好熱鬧。今日既食客大部分都為了來自日本既清酒試酒會而黎，係酒會未開始前，我地叫左Ｄ野食食下必食!!! 免治雞肉加雞蛋有少少焦既牛舌, 好好食炸豆腐都係必食! 豆腐熱辣辣同個汁好好味加了紫蘇在豚肉入面，食起黎冇咁油膩個汁好食送酒一流！略為乾左少少燒焦既飯團好脆， 好食!食物都好好食，師傅即叫即整，一整完就會夾比你，所以食物都熱辣辣試酒會開始，日本翻譯員介紹來自日本酒廠只有２５歲既老闆同佢媽媽。介紹完之後就開始試飲會，第一支試左由老闆親自研製既清酒，聽講係用上級神之水釀造，非常清甜好飲，個包裝都好靚最後仲試左支Obama 都飲過既清酒，聽說係日本Ｇ７高峰會，Obama選用呢支做開場酒。呢支比之前既更甜，都好好飲。今日餐廳既氣氛好好，好多人，大家一路飲清酒食野，一邊傾計又同酒家討論清酒。呢到真係一個放工可以輕鬆下既地方！大推！！！