Grand Hyatt Steakhouse

营业中

休息中

想試好耐了，昨晚一試，果然沒有令我地失望。之前試過Morton's, 感覺Grand Hyatt Steakhouse 食物更出色，環境及服務質素則兩間都差唔多，一樣咁滿意。先來個garlic bread , 好食，可refill,不過怕太飽，所以無咁做。蟹餅，一份正常三件，但老公唔食得，但我想食，最後問左，原來叫一件都得。有勁多蟹肉同埋好鮮甜，配合埋個沙津醬，好食。火焰鵝肝，與桃片伴吃，不太油膩，唔錯。主角出場，black angus rib eye (to share),足夠兩人食超好食，肥瘦適中，口感好好，有肉味，好滿意。pepper sauce 好味。最後order 埋甜品，無花果hazelnut sundae 幾有驚喜！總結，樣樣都滿意，唯一美中不足的是生日只送甜品牌，沒有蛋糕送。順便一提，hsbc 星期一至五有八五折優惠，更抵食。

前天替家人及友人慶生，特別選了這環境優雅，食物質素極高的扒房。這裡的海洋及扒都非常有名，故今次點了前菜海洋拼盤（seafood on ice) 及 鵝肝。海鮮尤其生蠔很鮮甜，鵝肝亦嫩滑。主菜點了 牛柳及這裡最特別的水牛肉眼（bison bone in ribeye)。水牛是我第一次吃的，職員介紹牠的肉質較juicy 且較健康。而我亦欣賞他們自家製的芥末，配牛排吃很配。因訂座時已說明是慶生的，只要我們點甜品，餐廳會送一片朱古力牌及有一張hardcopy 的相會送給我們。更好的是我有會員卡，全單打折，超正！這裡的服務很好，很細心的照顧客人的需要。令客人有賓至如歸的感覺。