渝味曉宇重慶老火鍋 (太子集團中心) (已結業)

今日去尖沙咀shopping完餓餓地咪去揾間餐廳打邊爐，竟然俾我發現新大陸。首先，依間餐廳啲員工服務十分好。我地一入到餐廳，立即有員工帶到座位，拎啲醬料過黎俾我地揀。我地鮮黃喉嫩牛肉，毛肚，苕粉，鵝腸，牛肝，耗兒魚同一碟安格斯肥牛。啲海鮮見到就知十分新鮮，食落就知係高級貨，同平日喺西貢食到嗰啲有得fight。你睇下啲圖就知係正野。食完之後仲叫左個糍粑當甜品，炸得非常脆口，唔太甜，簡直係正。最後埋單計埋醬油錢每人$300，以高級打邊爐黎講算合理。服務又好，之後一定會再黎幫襯！

一直都好鐘意食重慶火鍋，揾極都揾唔到好食嘅火鍋，冬天就正好打個邊爐。因為同行有朋友唔食辣，就叫左個鴛鴦鍋，一半重慶辣，一半牛骨湯。啲辣真係好正，我好耐冇食過咁過癮嘅辣鍋。首先黎左個雪耳糖水，好鬼正。再上食材：鮮黃喉，毛肚，鵝腸，牛肝，耗兒魚，嫩牛肉，肥牛，苕粉。啲食材非常新鮮，同平時喺出面食到嘅好大分別。尤其係條魚，好有鮮味。肥牛唔係平時出面任食火鍋嗰啲貨食，非常有牛味。最後上個糍粑，炸得剛剛好，一個字，正！值得一提係啲員工態度十分殷勤，主動會過黎問你有乜可以幫忙，加下水咁。依家好少餐廳可以做到咁，值得一讚。

最近返工車程遠咗，約朋友吃飯也只可約大家中途站 ~ 尖沙咀。 朋友一知道約在尖沙咀，第一時間就要去＂渝味曉宇＂。 因為她上次去吃完，就一食難忘那美味。 既然知道有美食，我當然也即打電話去訂枱。 雖然全幢大廈也有很多間餐廳，但電梯闊敞又快，不用太多時間就直達19樓。 一打開電梯門就看見門口放置了蕎麥茶，方便等位時飲用。 也放了些糖果，等客人吃完火鍋後sweet sweet ，夠細心。免費送上雪耳糖水，在食辣鍋前暖一暖胃。新鮮即炸，外層酥脆味帶麻辣，麻辣味慢慢滲出。稻田毛肚曉宇嫩牛肉，肉質十分嫩滑。識食一定要鮮黃喉，脆脆質感，超正。美國安格斯肥牛，雲石牛脂分佈平均，滾一滾肉仍帶微微粉紅色極品鵝腸，極爽脆好濃香大骨滋補鴛鴦鍋洛神花茶酸酸微甜，既可開胃又可消滯。

2018年好似都無打過邊爐🤔🤔 心血來潮同一位好食得辣既朋友去左試呢排好hit既9宮格火爐😍😍 餐廳係isquare隔離既太子集團中心19樓，一上地鐵行一分鐘就到好方便。餐廳都幾full，七點就愈滿座。打邊爐都有大海景view😍 餐廳好貼心地有圍裙比大家，著白色衫都無有怕🤗一入座會有碗雪耳糖水比大家食，潤一潤先☺️大刀牛肝 (1份) $89第一次食牛肝，原來咁好食😳味道有d似豬潤，不過比豬潤軟身d擺入湯底淥2、30秒變左色就可以食口感一d都唔汕，但又未屬於爽脆牛肝同麻辣湯底既味道出奇地夾好野味🤤推介大家試🤟🏻🤟🏻美國安格斯肥牛 (1份) $208肥牛唔算好肥，睇d雪花紋都知靚😍質感一d都唔韌，牛味又香👍🏻👍🏻稻田毛肚 （1份） $112毛肚 (黑柏葉) 好大塊😳 十分有咬口，索曬麻辣湯底d汁😍😍鮮黃喉 （1份） $99第一次食黃喉，見到人人去到都嗌，同埋好似少見d淥三十秒左右就熟黃喉本身無咩味，係食佢既口感，十分十分爽脆，咬落去shock shock聲😍👍🏻👍🏻鵝腸 （1份） $87真係好中意食腸😍😍😍鵝腸洗得好乾淨又唔肥淥完變左麻鵝腸正，好香😋😋紅糖糍粑 （1份） $69好少打邊爐會嗌

渝味曉宇重慶老火鍋 (尖沙咀)地址：尖沙咀北京道12A號太子集團中心19樓之前雜誌介紹依間火鍋，睇完就即刻打嚟book位，用餐時間限兩小時，如果有兩個半小時就較為合適，因為食得有啲趕，食物選擇多，店員服務也非常好，入座時，會先送上雪耳紅棗糖水潤一潤喉，有別於其他火鍋店，非常值得一讚，另外食物可以選擇一份或半份，我們一行四人多選擇半份份量，因為想多試唔同款式，我們總共點了20多款食物，大部份都好好味，火鍋湯底我們選擇了番茄魚頭鴛鴦火鍋+重慶辣，重慶鍋會越滾越辣，非常刺激，食物方面我較為喜歡：★曉宇嫩牛肉$78非常嫩口，入口即溶★極品肥牛$120得6片，味道不錯★曉宇苕粉$48最少滾6-8分鐘，要淋先有QQ口感，非常值得一試（闊身的薯粉）★手打蝦滑（半份）$45蝦味十足，味道不錯★鮮黃喉（半份）$50豬的大動脈，第一次試食，口感爽脆較差的食物：★脆鯇魚片（半份）$40得4片，非常唔抵食，有草腥臭丸味，入貨唔靚★血旺$45有啲腥及淋，唔太好味，入貨唔靚整體而言，服務好，環境好，水酒唔貴，人均消費$350，下次會再嚟幫襯。

朋友推介正宗麻辣鍋仲要話最小辣都好辣所以要去挑戰下佢一黎到當然叫番個有麻辣鍋但唔食得辣又想食既關係所以叫咗個鴛鴦鍋啦啲野食正常最值得一提係佢啲滑、丸餃類係唔錯我地都差唔多點齊亦都好食今次我地竟然係食丸同滑多😆極品都係一般但呢個叫炸豆皮，但淋既係唔脆仲要係擺咗好耐唔新鮮咁