火鍋隨意門

营业中

休息中

發現咗呢間打咭必食火鍋店！ 大門口已經有吊椅打咭位🤩 影相好靚～餐廳分開兩個區域，一邊中國風，一邊土耳其風，我今次就揀咗土耳其風嗰邊用餐🤭呢邊嘅牆身有好多熱氣球，仲有土耳其風嘅民族布、抱枕、馬賽克吊燈、餐盤，連9格調味料盤同豉油壺都充滿民族風，喺度打邊爐真係幾好feel🫶🏻🍲招牌花膠雞湯鍋 $318 ⭐️極度推薦🫶🏻✰塊花膠大過我塊面呀‼️🤣✰用大量三黄雞熬製而成，半隻雞同厚花膠另上，個湯滾起之後店員會先幫手剪花膠落去，雞件本身已經慢煮約7-8成熟，要食嘅時候先放落去烚3分鐘就食得😃✰打邊爐之前要飲返兩碗濃雞湯先！✰花膠真係勁厚又夠膠🤤 雞件亦好滑！❀手切頂級安格斯牛肉（細）$248✰擺盤賣相靚，雪花油脂平均，牛味濃口感有嚼勁。❀餃子拼盤（10粒）$148 ⭐️推薦🫶🏻✰黑松露蟹肉餃、蟹皇豚肉餃、韭菜豬肉餃、足料鮮蝦雲吞、白松露野菌豬肉餃，5款餃子各2粒。✰一次過試晒5款餃子🤩5款嘅味道都好大分別，各有特色，我最鐘意係蟹皇豚肉餃，蟹油味勁香🫶🏻 餃子粒粒都乒乓波咁脹卜卜好大隻！食完我已經飽咗😂❀特盛蔬菜拼盤 $128✰擺盤好似一盆花🌸💐白蘿蔔、蕃茄同埋南瓜仲特意用竹籤串起裝飾。✰份量多到兩個

秋風起，又係我呢個火鍋怪出動嘅季節🤩今次去咗間位於銅鑼灣嘅火鍋店，啱晒港島人！一坐低店員就俾咗個九宮格嘅醬料加前菜我地，等我哋慢慢食慢慢睇Menu，前菜有麻辣木耳，胡麻醬玉子豆腐同花生———————落單後我哋等咗都一段時間，一問店員原來廚房係即叫即煮個沙嗲湯底，湯底飲落絕對同坊間普通嘅沙嗲湯底唔同，有好多花生碎同好濃嘅沙嗲味，基本上用呢個湯底打邊爐豉油都慳返😝由於係和牛嘅關係，我煮到啱啱熟就食，和牛食落好林，油花好均勻，絕對可以媲美日本嘅高級和牛😝呢款魚皮又係其中一樣必叫嘅，魚皮本身已經好香脆再炒埋蛋黃，令味道十分豐富，建議唔好淥咁耐，少少熟就好食🤩水餃同坊間嘅好唔同大大粒絕對比足料，食落好重嘅牛脂味，仲有少少芝士一齊食非常之夾娃娃菜十分新鮮，廚師好細心咁將娃娃菜一開四令到食嘅時候方便啲，岩曬嘴細細既朋友

呢間火鍋店位於銅鑼灣，店內有幾個唔同主題，有土耳其異色風情，有古色宮廷，仲有一間房係日本櫻花主題，另一間係巴黎風。我地今次選擇咗古色宮廷，雖然地方唔係好大，但裝修都幾靚，又可以打吓卡，食物質素都好好，必點嘅係鹹蛋黃炒響鈴同鹹蛋黃炸魚皮，太好食😋當日員工同我地講，只要下載佢哋個App再登記會員就可以免費送一客鹹蛋黃炒響鈴，埋單時無留意，第二日睇返張收據先發現計咗錢。依家新開張有68折優惠，折後4個人食咗$1,700。火鍋醬料+三款餐前小食🔝🔝蜆肉都幾大粒，無沙，但略嫌唔夠鮮甜味。🔝品質不錯，厚度適中，肉質鮮嫩。🔝呢個豚肉嘅肥肉佔大部份，但食落好香，油脂味重。🔝上枱仲係熱辣辣，每一件炸魚皮都佈滿鹹蛋黃，好好食。🔝即叫即炸，超級濃郁鹹蛋黃，仲有少少起沙，每咬一啖都好滿足。🔝黑松露墨魚滑有淡淡的松露味，又彈牙又香。瑤柱干貝滑，好鮮味，加上粒粒瑤柱增加口感，都係好好食。有五款唔同味道嘅手打丸，最好食係和牛芝士丸(紅色嗰粒)，咬落去好多汁同埋芝士爆晒漿，牛丸加芝士真係好襯。🔝餃子係人手包嘅，但就無咩特別。