六両三 (鉅利大廈) (已結業)

環境5分：台式小館格局，樓面高，兩邊牆壁圖案好特別，好精緻，非常地道，兩排梳化都坐得闊落舒服，唔算迫，滿分。衛生5分：地方非常乾淨衛生，枱櫈完全冇黐立立，QR Code落單，衛生爆燈。服務5分： 侍應生快手快腳，好有禮貌，上菜同收碟都爽手，滿分。食物5分：1)    三寶牛肉麵有牛腱，牛筋，牛肋條，各兩三件，牛筋非常軟淋，牛肋條好入味又唔韌，台灣粗麵非常煙韌，索哂D牛肉湯，份量十足，加八蚊配個溏心蛋，再加八蚊要埋個濃味百頁豆腐，再加多八蚊配個凍檸檬紅茶，非常飽肚。（$９５）2)    滷肉燙青菜好爽好新鮮，台灣A菜上面有Ｄ肥豬肉粒，非常嘢味。3)    阿宏蔥油拌麵好香，麵條有𡁻口，唔會好油，加八蚊有隻溏心蛋。另加十五蚊可以跟個小黑糖珍珠奶茶，香滑甜美，珍珠夠Q彈，抵玩！4)    炸澳洲和牛牛筋丸爽口又彈牙，鮮濃嘢味，一定要食。5)    鹹酥雞脆卜卜，而且唔油膩，仲好夠味。抵食5分：每個麵可以加配咁多項目，每樣幾蚊雞，性價比非常高，非常抵食！

今日收工朋友帶我黎到天后既呢間 六両三 係台灣菜呀😋 淨係門口都已經好有台灣既味道～ 坐低就scan code 全自助落單 圖文並茂 勁方便 好多選擇呀😋 睇完揀好就落單嚕～ 先黎跟主食既飲品～ 白桃烏龍 +$10 成個茶包有好濃既烏龍茶味 再加上淡淡白桃味 好清香😌 小黑糖珍珠奶茶 +$15揀左烏龍茶底同埋無糖 飲開無糖既我覺得呢間既珍珠甜度岩岩好 煙韌度都係 大推呢杯👍🏻 麻辣乾拌麵 $48呢個辣得好過癮呀🤩 揀左粗麵 每條麵都掛到汁 好正😋 滷肉飯 $32呢個都係必點😋 滷肉肥瘦均勻 米飯軟硬適中 撈埋一齊勁好食！再追加左隻溏心蛋$8 都係好好食🥹 牛肉麵 $77一上枱果下真係超香😍 湯濃牛肉紋路靚又有牛味 粗麵彈牙 好好食！都追加左隻溏心蛋$8 炸黃金地瓜條 $33熱辣辣又酥脆酥脆 真係炸緊蕃薯🍠 炸粉唔多 很好👍🏻 鹹酥雞 $38炸得好香脆 呢個揀左辣 調味調得岩岩好 辣辣地更加有台灣既感覺😌 桂蜜躺雪山 +$28最後梗係要食個甜品啦😬 芋圓煙韌 仙草滑捋捋 紅豆煮得綿密甜甜的 加埋有桂花味嘅雪糕一齊食～ 整體來講 呢間六両三 環境舒適 店員態度好好 食物質素高 真係比到

你問我愛你有多深？我夠膽講我對你既愛就如滔滔江水，連綿不絕，又有如黃河犯濫，一發不可收拾…又何止六両三呢？不過呢碗「六両三」麵，佢既份量就絕對足秤，呢D咪誠意囉！👇🏻📌主 食 - ▪️ 蕃 茄 紅 燒 豬 頸 肉 麵 - $86▫️ 台灣野一定走唔甩主食加小食，呢碗「蕃茄紅燒豬頸肉麵」麵底用台灣粗麵食落特別彈牙煙韌，蕃茄湯底夠哂濃味；附送既豬頸肉燒到岩岩好，外脆內軟，完全唔乾身，勁爽口，好好食。▪️ 麻 辣 乾 拌 麵 - $60▫️ 如果鍾意食辣可以一試「麻辣乾拌麵」，麵條同樣用台灣粗麵，吸收哂辣汁精華，辣得夠勁，過足口癮；而野飲可以加配，我同朋友分別試左杯荔枝烏冬、無糖白桃烏龍，清香解膩，絕配。▪️ 滷 肉 飯 - $32 ▫️ 台灣野唔嗌「滷肉飯」不如唔好食，滷肉夠哂肥肚，但唔會好膩，油香十足，成個飯底都沾滿濃郁醬汁，食落鹹甜適中，食到停唔到口呀！📌小 食 - ▪️ 鹹 酥 雞 - $38▪️ 炸 澎 湖 花 枝 丸 - $35▫️ 而小食分別試左「鹹酥雞」、「炸澎湖花枝丸」，前者即叫即炸，食落口感爽脆，唔會太鹹岩岩好；後者花枝丸相當彈牙，配搭沙律醬份外惹味，呢個一定要嗌。📌甜 品 -▪️ 桂 蜜