肥仔黎 (已結業)

一間專賣鹽水雞嘅餐廳，係我食過最好味的鹽水雞！前排裝修停咗兩個星期，見佢社交網站公布重開，當然要立刻朝聖。鹽水雞只有兩個時段可以買，下午1點和6點，下午6點通常要排隊，至少等半個鐘。今次下午1點到，冇乜人，唔使等。半隻鹽水雞加一款配菜77元，加$10送多款配菜，埋單$87。食物用特色袋包裝，有手抽位，好cute。鹽水雞：雞肉好嫩，有淡淡微辣和蒜蓉味，又滑又惹味，越食越停唔到口，平時唔食雞皮都忍唔住連皮食。 配菜：配菜有秋葵和百頁豆腐，秋葵爽口、新鮮，點醬汁食味道好夾，好fresh。百頁豆腐吸收了醬汁，質感新奇又好味。

肥仔黎既鹽水雞已經食過幾次，今次係中午一點排隊等開門～有時晚上會摸門釘，因為他們賣完便會關門，想試的朋友要注意。今次點了兩隻雞加不同配菜，還有兩盒鴨血和兩盒滷肉飯。他們家的鹽水雞必點多蒜，調味非常惹味，就像在台灣吃到似的。由於鹽水雞是冷盤，更加講求雞肉是否嫩滑，他們家的雞肉很入味，而且不會太柴，分量足夠。今次點餐的時候見到有麻辣鴨血，鴨血內裏嫩滑，咬落去有口感，不會太散，而且非常非常入味，麻辣湯底不會搶喉，一個人都能吃完一碗。滷肉飯方面，滷肉都算入味，若果能再加多一點肥肉會更好，便更能帶出滷肉的香味～

星期六下午5點半左右已經好多人排緊隊，但為咗食唯有排隊😂見到好多人都經過問仲有無得買，5點九左右服務員會問要鹽水雞咩餐有3個餐選1號餐$45獨享餐=自私餐（可選雞全翼/雞胸/雞腿）再加3款配菜，2號餐$74半隻雞但可選1款配菜如再想加配菜要加$10，3號餐$132一隻雞，有辣道可選，選好會俾一張黃色紙，大約6點正佢就開始一個咁俾錢埋單，俾完錢佢就會俾個牌仔等叫號碼攞餐，整過過程大約一個鐘頭多D。評分：上癮程度：⭐️⭐️⭐️⭐️（唔使排咁耐，我會再食）美味程度：⭐️⭐️⭐️⭐️（叫左小辣，都好辣🙈）外貌程度：⭐️⭐️⭐️⭐️(包裝靚）價錢低食：⭐️⭐️⭐️⭐️

無得去旅行，好懷念台灣嘅鹽水雞！元朗國竟然有間鹽水雞專門店！一於買返屋企品嘗吓😋由於今日肥仔黎話得返2號餐，半隻雞加一款配菜，無所謂啦！半隻雞啱哂食緊減醣餐嘅我😋配菜揀咗杏鮑菇！揀唔辣！要蒜要葱！我等咗十五分鐘左右就有得攞啦！打開保鮮袋，汁料夠多，而且每件雞都掛滿汁，真係撈得好均勻！咬落每件雞都好爽脆，無骨！雖然無骨，但有兩三件有少少碎骨！小心食！葱蒜味夠香，食到停唔口😋😋😋😋😋杏鮑菇份量唔多，四五舊左右！味道不過不失啦！