聚興家

营业中

休息中

朋友生日睇嚟呢度食飯見到聽到comment都話唔錯, 一行九人, 分兩枱,食咗好多嘢,出品大致唔錯.食咗一條接近兩斤重嘅黑瓜子, 一斤中蝦,一隻鹽焗雞,幾碟炒菜蔬,咕嚕肉.椒鹽鮮魷除咗有一碟小炸皇鹹到我要吐之外, 其他都幾好味,價錢應該係出面靚靚飯店嘅價,錢偏！貴紅酒選擇有的, 最平二百蚊有找但品質很一般,最後我們在外面買, 付50元開瓶費一支,感覺好很多.不得不提他們的服務態度很好, 我們倆枱人, 他把有些餸都分開兩碟上, 十分窩心, 單尾送贈的哈密瓜也很甜和鬆脆

老公常常跟老闆食好西，覺得這裡很讚，故襯奶奶三月生日，便來吃飯了。這裡地方不大，故不訂位的話是不可能walk-in的，熟客可能另計。想試的東西有好多，耐何只得4個人，仲要大家戰鬥力不佳，故最後點了6款老公覺得必試的(其實6碟都很多)，先上桌的是鹽焗雞，雞肉都算滑，醃得入味，不錯。接住有生炒骨，這個則一般，個人認為可以不試。再來是椒鹽鮮魷，上桌時已聞到好香，雖然調味有點不夠(可能我太重口味)，加點喼汁同吃就可提味，我也一件接一件吃過不停呢！跟住全場望住我們碟餸，就係豉椒牛肉煎米粉，賣相真係好吸睛，不過味道卻跟我預期有點出入，煎米粉雖然香脆，但應仍有米粉一條條的口感，但這裡做法像炸米粉，即像平時有 “雀巢”的餸咁，入口粉粉的，所以有點失望，還好配牛肉汁吃味道仍不錯的。油鹽水煮花甲是我幾喜歡的一個海鮮菜式，估唔到有咁多翠玉瓜，早知唔駛點最後一碟菜啦！講番花甲，不腥、冇砂，油鹽水調味不錯，用來送煎米粉很搭配。最後一碟炒芥蘭就沒有評語了，這裡定價貴，合唔合理就見仁見智吧，可以一試的，但不要期望有好好服務或舒適環境用餐。

因住在附近都經常經過這間食店，但一直都無機會光顧，而去年得知獲得米芝蓮推介，今日足之有機會一試，但一試後非常失望，名不符實，價錢貴味道一般又較鹹。18:20入座，起第一碟菜，就話有人等緊我們張枱，19:00已催我們埋單，慘過食快餐。一送上半隻鹽焗雞，我們都驚訝，咁細隻？似得1/4隻喎，肉質都算滑，但太少了，價錢還要$198。咕嚕雞好酸，汁又稀，不好吃鹹魚煎肉餅，煎得算香口，味道還可以椒鹽鮮魷好鹹滑蛋蝦仁煎米餅，都幾大碟，煎得香口，不過要2百幾稍貴呢

這裏會限時交枱、這裡要搭枱。但個個熟客都自動讓坐及準時交枱。我想香港人為食好嘢，耐性和包容力就像撒亞人一樣即時倍升！地方不大，大大小小的枱不多個八張，所以如果不枱如輪轉，在租金高企的香港，餐廳經營確實有困難。說到食，說句誇張「味味好、碟碟清」。鹽焗雞雞味豐富，肉滑緊緻。這裏的鹽焗雞連雞胸肉都滑滑的，實在好食！最精彩是酸菜魚，酸菜魚連魚湯菜底上碟，碟頭大大，一家五人，食到停唔到口，湯菜全清！石班鮮嫩，火候的拿捏準確，實在拜服！豉油蝦也是上品，豉油配襯得宜所以不失鮮蝦的Q彈美味！精彩這裡服務粗中有細！客人中老外不少，有一客人衣著華美和這裡的市井味雙映成趣！