川味亭

营业中

休息中

今日黎到尖沙咀接朋友收工，見到附近有間新開既川式串燒，見佢標榜係全生燒，就決定試下！餐廳唔算大，位置唔多，但勝在裝修企理，通風同冷氣都好夠，唔洗擔心成身都係油煙味，坐得夠舒服！✨蒜蓉燒扇貝、蒜蓉燒鮑魚兩隻都幾新鮮，而且夠厚肉。扇貝同鮑魚都好貼心咁去左唔食得既位置，扇貝好大隻，食落去肉汁爆發！鮑魚夠彈牙，而且燒到啱啱好唔會過熟。✨燒白鱔、鹽燒三文魚頭燒白鱔真係好好食呀～白鱔上面搽左少少醬汁，燒得魚皮脆卜卜，帶有焦香，而白鱔本身夠厚肉，入口啖啖肉仲充滿油脂！鹽燒三文魚頭仲連埋魚餃位，好抵食，外層同樣燒得夠脆，用左少少鹽調味，加埋檸檬汁簡簡單單已經好好食。✨豬頸肉、肥牛金菇卷、雞軟骨、鮮雞皮呢啲串燒我地叫左少辣，食落口唔算好辣，但落左好多辣粉同孜然粉，夠哂惹味！燒雞皮真係燒到勁脆，逼哂啲油出黎，唔會覺得好heavy！豬頸肉夠大塊，非常juicy！肥牛金菇卷同雞軟骨都唔錯！✨茄子、尖椒、韭菜、金菇燒茄子係原條上架！燒到連個頭既位置都夠哂熟，上面灑左辣粉同孜然粉，加埋蒜蓉醬，又香又滑！尖椒燒到軟身，唔會好辣，仲帶有少少甜味。韭菜燒既時候搽左啲油，所以食落唔會乾爭爭，仲相當滑溜！金菇係用錫紙盒上，

今日嚟尖東呢邊食串燒，呢間餐廳喺地鐵站P3出口一出就見到，非常方便～Menu選擇非常多，特別係海鮮類，仲有車仔麵🍜扇貝 $68/2隻😍扇貝幾大粒，好鮮甜，口感彈牙，洗得好乾淨完全冇晒沙，配上蒜蓉最佳配搭～🦐鹽燒大海蝦 $38/2隻外殼好香脆，脆到連殼都可以食埋，肉質鮮美，爽口彈牙～🦑魷魚鬚 $28加咗少少辣粉好香好惹味，好爽口又唔會好韌～🐟鹽燒三文魚頭 $68好大份，三文魚頭燒到好香，外皮香脆，脆到連軟骨位都可以食埋🤩魚油味香濃，魚肉好嫩滑~蒜蓉燒鮑魚 $68/2隻鮑魚幾厚身幾大隻，好爽口鮮味，蒜蓉可以提升鮑魚鮮味～🦪蒜蓉大生蠔 $68/2隻生蠔好大隻好飽滿，肥美多汁🤤，好鮮味～鹽燒多春魚6條 $38燒到好香脆，好多春，味道甘香雞軟骨 $15燒到金黃色好香脆又不油膩，脆卜卜好有咬口～🍆蒜蓉原條茄子 $38原條茄子開邊燒，大條到個碟都放唔晒，茄子好淋，加上香蔥同金蒜好惹味，唔會太鹹又唔會太油膩，推薦👍🏻🧀日式芝士年糕 $35/2件咬落去爆出香濃芝士軟心，鹹香芝士配上少少甜煙煙韌韌的年糕～🍍有機菠蘿 $18菠蘿已經切件方便食用，表面焦糖焦香形成脆皮，焦香配上新鮮爽脆嘅菠蘿，酸甜開胃，爆汁J