鮨一日本料理 (大壩街)

营业中

休息中

今次同朋友去到荃灣諗緊食乜 行行下見到有間日本野好似唔錯 見入面都多人食 就去試下♡秋刀魚刺身 $138秋刀魚刺身係店員大力推薦既期間限定 咁店員推介得應該都係招牌黎 上到檯擺盤做得好靚 起左肉既秋刀魚就好似條龍咁捲起 刺身食落唔會腥都幾鮮味 如果真係怕腥 佢配搭左個薑蔥醬油都幾夾♡炸秋刀魚骨頭先食完既刺身店家會收番個骨架去做一個炸魚骨既小食 好酥脆好好食 真係成條魚都食晒 一d都唔浪費♡深海池魚王刺身（半份） $128師傅都切到幾薄 油脂感非常厚入口又夠爽 佢會跟一個佢地自製既酸汁 我覺得點完之後油脂個個膩既感覺會降低左同時又令件魚個層次感多左♡特上十貫目 $318有十款唔同既壽司 師傅握壽司飯既緊實程度掌握得好好 有中拖、大拖、赤身、海膽、三文魚籽、帶子、甜蝦等 每件都好好食♡魷魚壽司 $44魷魚壽司係我最鐘意食既野 呢到個魷魚處理到好爽脆♡辣酒煮蜆 $65呢個煮蜆真心癲 如果唔係我食飽一定再叫多份 佢個湯酒香味好充足 而且帶有d辣味 我飲左成兩碗 d蜆肥美到咬落去個蜆既鮮味直頭想爆出黎咁 呢個黎呢到真係必點♡鹽燒三文魚鮫 $48個面燒到焦焦地食落個皮勁脆口 魚肉緊實得黎帶到個油香

好抵食既日本料理晚餐😋😋 放工去荃灣廣場附近買野，順便覓食， 見到門口招牌寫住激安壽司好吸睛😍😍好彩仲有一張枱，就同朋友去試下， 總結係性價比高，會再encore, 我地點咗以下菜式，全部都好滿意，特別係刺身類好新鮮，價錢仲要唔貴😍1. 特上十貫目 💰318有拖羅，海膽，三文魚籽，池魚，帆立貝，海蝦，等等。。。。 海膽好鮮無臭味，拖羅夠肥美， 其他魚我本身一般，但呢度勝在新鮮，所以我都有食😋2. 膠原鯛薄切 💰98 本身無諗住叫魚生，但店員話是日推介，價錢相宜咁就試下。果然無介紹錯，師父刀功好薄薄一片配埋佢地秘製既柚子蘿白醬油，好fresh ,份量夠大碟，最重要食咗都唔怕肥😜3. 超抵食手握三文魚壽司 💰6 /炙燒三文魚壽司 💰8無睇咗，真係6/8 蚊件🫣, 仲要係新鮮好味，希望佢唔好咁快無咗個優惠😆😆我地每人每款試一件🤩🤩4. 活赤貝刺身 💰52 相對呢個無咁抵食😆但朋友鐘意食，我食咗一片，覺得同賣相一樣夠新鮮 ,好爽👍🏻其他留晒比朋友仔品嘗😂5. 蟹肉牛油果凱撒沙律 💰78 呢個我極力推介，真心無叫錯，足料份量，蟹籽下面仲有一大舊既蟹肉mix 牛油果，同個沙律醬好match , 開

👵🏻長輩生日飯局，4個大人去咗荃灣大霸街鮨一。閒日訂咗位1830，時間尚早，入到去我哋係第二檯客，到我哋8點幾埋單走時就坐滿晒人。因為主角麻麻哋食生嘢🍣，所以主要係叫熟食，少少生嘢。雖然一路食就一路多人，但係上菜速度都算幾快。期間有人入嚟問有冇千層海膽飯，睇嚟應該係名物，可惜幾位長輩唔食我都冇機會食🥲。幾位長輩食量唔太多，所以我哋唔算嗌得好多嘢食，同埋都冇叫啲貴嘢同刺身，最緊埋單唔洗$800。以下揀幾樣我覺得好好食講多少少，其他唔係唔好食，只係正常發揮就唔詳細講啦。蟹肉牛油果沙律🦀🥑🥗睇相見唔到，但其實好多蟹肉喺蟹籽下面😍，又起初見唔到有牛油果，問咗原來係打碎撈埋落啲蟹肉度，我呢啲唔鍾意牛油果嘅人食晒都唔知👍🏼。鹽燒黑豚肉串🐖一串有四件，有肥肉但燒得夠乾身，唔會食到成口油，重點係食落口又唔會覺得好乾好鞋，調味好正，我冇食舊肥膏但忍唔住吮咗啲味😝。鹽燒三文魚鮫 & 鹽燒油甘魚鮫🐟上檯時，店員同我哋講師傅切得細件咗，所以會收返我哋平啲😅，都幾誠實。錦繡刺身丼定食🍱跟沙律、前菜同麵鼓湯，刺身有三文魚腩、帶子、劍魚、鯛魚、八爪魚、蟹子、仲有熟蝦同蟹柳，個人唔鍾意個蟹柳，好膠，唔加仲好。火炙三文