スーパー丼 (駱克道) (已結業)

搭車成日都會經過呢間丼飯，好幾次都有人排隊，今日經過咁樣唔使排隊入去試吓！餐牌上嘅選擇都幾多，唔單止的魚生飯仲有小食等等餐廳入面嘅位置就唔算好多，但係都幾舒服《海膽、吞拿魚蓉，三文魚籽丼》$188幾款魚生都唔錯，而且份量都幾多，啖啖都有好多魚生拌飯👍🏻每一個餐都會跟麵豉湯，唔算太鹹~《炸豆腐》$18原價要$38 ，但係當日有優惠加$18就可以要一款小食！炸豆腐非常推薦，外脆但入面好似豆腐花咁滑，而且豆咪香濃👍🏻《特選燒鰻魚丼》$88朋友就叫左呢個丼，都有幾多舊鰻魚，都算肥美冇骨，燒得幾香～《鹽燒雞翼》$38全部雞翼都開左邊，方便食，肉質都keep到滑，唔會燒得太過火！

今日行到噤上吓見有d肚餓，就食個下午茶先見呢間店開左噤耐未幫襯過，噤啱經過一於入去坐低尋食吓先睇餐牌唔止得一兩樣選擇，有唔同既刺身丼，還有廚師精選丼，如唔食生嘢，都有幾款熟食丼選擇，我就選左個廚師精選丼、一款小食和飲品。特上北海道丼，個丼有（帆立貝、海膽、三文魚籽、吞拿魚腩蓉和油甘魚）五款配料，原來丼還有個麵豉湯跟，個湯味道剛剛好唔係勁鹹，睇個丼賣相已好吸睛入口更加美味，需然帆立貝唔係king size，但都唔係太細粒，味道鮮甜海膽入囗冇腥味好creamy三文魚籽粒粒晶瑩透剔鹹鹹哋吞拿魚腩蓉啖啖肉甘甜美味油甘魚肥美可囗鹽燒雞翼，外皮脆咯咯，內裏熱辣辣，肉嫩味美櫻花梳打，日本飲品一向有保整，入口清新甜美。終於都可以試到呢間，因為都聽過幾多人話好食，今次終於親身證實左係唔差

Lunch和同事一起食飯，同事想食日本野但又唔想太貴！所以最後見到superdon價錢合理，食物質數和評論都唔錯，所以我地就去試下la~。餐廳的裝修以簡約為主，墻身潔白，餐具及臺凳使用木為主！感覺環境清新令人放鬆。餐廳的黑版更有每日推介。我們點了角切魚生丼和玉子生薑豚肉丼，這裏的丼飯係即刻整的！上菜時熱辣辣，未食已經覺得暖胃。玉子生薑豚肉丼：生薑豚肉配上溫泉蛋感覺很豐富，生薑風味濃郁！豚肉熟成剛剛好，醬汁的味道滲淺淺生薑味。最後用溫泉蛋撈係飯裏面令到整個丼飯更有層次感。同事的角切魚生丼材料豐富，包括有牛油果，希靈魚，三文魚，螺，魷魚及吞拿魚。魚生全部都好鮮甜，每一啖飯的口感都好豐富。餐廳優惠+18蚊有芝士年糕！年糕軟糯，芝士使用了水牛芝士，雖然無拉絲效果！但芝味濃郁。餐廳的芝麻雞翼和鹽燒雞翼一樣都好出色，絕對比得上居酒屋的質數，而且價錢不貴！芝麻雞翼：香脆惹味，餐廳燒的時候落左少少七味粉，食落去有少少辣辣地。鹽燒雞翼：同事最愛，味道沒有芝麻雞翼那般濃味！更能食得出鷄肉的本身的味道，外皮依然香脆。最後買單只係$297蚊真係好抵食！！性價比很高，值得光顧。

放工晚餐時間，八點半去銅鑼灣superdon食個丼物。門面辨識度高，珍珠白牆身，光猛簡潔。丼物選擇分三大類，肉、野菜丼，刺身丼和廚師精選。17 款之多，選擇困難症即時揀廚師精選，選了特上北海道丼，男朋友就揀左我都非常鍾意嘅醬燒廣島蠔丼。小食餐牌雖然選擇不多，只得6款小食和3款沙律，但是款款都是港人至愛，有鹽燒雞翼、芝士年糕、餃子和豆腐等等。當中，也點了一份鹽燒雞翼小食開心分享。特上北海道丼到啦～有味噌汁同沙律配菜。刺身爆滿，6款刺身：帆立貝，三文魚籽、海膽、吞拿魚腩蓉和油甘魚，鋪得豐盛，流晒口水。其中帆立貝、吞拿魚腩蓉和油甘魚新鮮，入口軟腍。丼下嘅飯，原來加左seasoning topping，很喜歡。醬燒廣島蠔，附上好多好多菜。廣島蠔係細size，有8件，件件充滿燒汁醬，燒到入晒味。搶了男友幾件蠔食～哈哈，因為好惹味啊。我喜歡原汁原味入口，唔點豉油。跟特上北海道丼一樣，也有味噌汁。最後，我嘅鹽燒雞翼都到啦。一串三隻，非常香噴噴。皮脆香口，鹽燒味豐富，肉質又非常軟滑，唔黏骨頭，吃得輕鬆唔失禮。下次可以再點多串，滿足口癮。

團購了「丼飯之王」現金券，還不限兌換量👏🏼光顧銅鑼灣店，地點近港鐵，但門面低調，不太起眼特上北海道丼😍($198)，除了三文魚籽不是我杯茶外，帆立貝、海膽、吞拿魚腩蓉、油甘魚，都是我的飛佛這個丼魚生新鮮，海膽香而滑口，帆立貝有檸片相伴，更添味美，唯一的瑕疵，就是吞拿魚蓉裏有丁點兒的根，既然是丁點兒，可接受呢😏日式餃子🥟($38)，吃時有餃子香😍，真好；因最近吃過某拉麵的餃子，完全冇餃子的香味鹽燒雞翼($38)，上桌時，有撲鼻的燒烤味，但雞皮只得一邊燒得焦香，吃沒有焦香那邊時，便覺肥膩，加上調味料不太夠，味道偏淡，加多一點調味料會更好由於是簡約小店，坐位當然不多，我倆被安排坐4人枱搭位😟，我隨即提出轉坐bar位，bar枱的櫈算寬躺，最讚的是，櫈與櫈有一定的空間，比坊間某些食肆的bar位已不錯價格或許有點兒偏貴，但沒辦法，現今的食材和鋪租都貴；但魚生若能厚一點，或份量多一點就更好😁最後要讚的，是女店員們有禮，且主動幫忙，當我坐上bar櫈時，將我的bar櫈推前

昨晚同友人再次去SOGO血拼，血拼完梗係好肚餓啦！所以去左食番個日已經好想食既日式餐廳，店內不是十分大，店員安排左半卡位比我坐，睇完menu後就叫左個特上北海道海鮮丼，加$20有前菜同味噌湯，另加燒雞泡魚乾同鹽燒雞翼，等左一陣主角黎啦！賣相好掂！😋😋😋，海鮮丼分別有大拖羅，油甘魚，帆立貝，海膽同三文魚籽，真係見到都流晒口水！拖羅入口即溶既感覺，油甘魚帆立貝味道鮮甜，海膽冇腥味，撈埋日本飯食超😋，我至愛既三文魚🍣籽係口爆脆既感覺好棒👍佢用既wasabi 完全唔會攻鼻，日本🇯🇵正宗既wasabi 就係咁啦。另外燒雞泡魚乾都好味道，燒完唔會太乾身，仲有燒魚汁濕潤香甜既味道！而鹽燒雞翼落左檸檬🍋汁，雞翼味道更上一層樓！+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

早排去左日本, 依然對日本既野食念念不忘..呢日去左銅鑼灣行街, 咁岩見到呢間食日本野 - Superdon, 門面好清新, 見到有bar 枱, 望落好似coffee shop由於我地5點半就到左, 所以唔多人, 好舒服我好鍾意入面個裝潢, 好簡約好日系,好似真係去左日本咁~!坐低左一陣, 店員就遞上左熱既玄米茶.角切雜錦魚生丼有三文魚, 吞拿魚, 油甘魚, 帆立貝, 青瓜平時食開都係三文魚丼, 今次就想試多d種類~本身仲以為會唔夠飽, 但原來份量好多, 魚生又夠新鮮特選燒鰻魚丼d鰻魚好厚, 燒得岩岩好, 好香好入味, 超級好送飯!不過蛋絲既數量同menu有d出入前菜: 味噌湯, 沙律其中個丼轉左做set, 加$20就有味噌湯同沙律當然唔少得小食~鹽燒雞翼作為雞翼控既朋友, 見到雞翼就好難忍口!雞翼既皮仲燒到脆脆地炸軟殼蟹外皮好脆, 炸粉唔算厚, 食到濃濃既蟹味餐廳仲好貼心將隻軟殼蟹切成4份, 方便客人食餐廳環境真係唔錯, 好舒服~ 尤其適合鍾意簡約style既我店員都好nice, 服務態度好好餐廳入面仲有廁所, 仲幾乾淨

經過銅鑼灣駱克道好多次，經常見到呢間食日本丼飯嘅餐廳好多人，一路都想去試下。今次終於有機會去一探究竟。佢大門口都幾光猛，見到有一排吧枱位。今日被安排去坐入面，地方都幾闊落，坐得舒服，我當日五點幾去食，所以仲未係好多人。個個飯都好吸引咁，我最後要咗一個鰻魚丼，一個貝類嘅丼，鹽燒雞翼。野食一陣就送到嚟。鹽燒雞翼加咗d檸檬汁，味道好有趣，好好味，鹽燒嘅咸加上檸檬嘅酸呢個係貝類嘅丼，有帆立貝，北寄貝，赤貝，仲有d配料牛蒡，薑，醃黃嘅蘿蔔，仲有兩粒蒜。D貝都好新鮮，帆立貝直情好似入口溶化一樣，赤貝亦鮮味十足，配料方面值得一提嗰兩粒蒜，無咗蒜辛辣嘅味道，但醃得好好味。最後仲有個鰻魚飯，鰻魚大大塊，下面有d蛋絲，送到上嚟見佢平平無其，點知呢個鰻魚原來異常咁好食，魚肉好厚身，口感綿滑又香口，係個飯稍為乾咗少少唔夠多燒汁。佢仲有啤酒可以叫，但我好少飲酒。佢個冷氣亦好體貼咁擋住個吹風位唔會吹到d人客好凍。