古早台居

营业中

休息中

今日返工淨係返朝早半日，收工後同朋友黎左旺角呢個商場既food court食lunch😙見成個food court呢間餐廳最多人圍住，價錢又抵，一於試下😆我叫咗鹽酥雞肉燥飯配大甲芋泥鮮奶，朋友叫咗酥炸豬扒麵飲宇治抹茶鮮奶～我既鹽酥雞份量非常多😯 外層炸到超級脆但一啲都唔油膩👍👍 裏面雞肉非常嫩滑juicy！😋但面頭略嫌欠缺左啲椒鹽粉，好彩有跟我熱愛既泰式雞醬，所以對我黎講唔成問題😂滷肉鹹甜味適中，不過由於太多飯，所以如果有多啲滷肉送飯就好啦🤣大甲芋泥鮮奶(後面)賣相好有藝術感👍芋香味突出，入口順滑，唔會太甜，跟餐半價幾抵飲👏朋友既炸豬扒同樣非常大塊兼炸得出色！😍無乜肥膏但肉質嫰滑完全唔鞋口💯麵條彈牙，湯底偏甜但唔算濃郁，紅白蘿蔔煮到夠晒淋～朋友就覺得杯飲品既抹茶味如果再濃啲就更加好😀整體黎講都係快靚正之選，性價比唔錯👍👏

係T.O.P行完街唔想諗食咩，所以就落左呢度既food court 食野，選擇左呢間台灣野食🥰都好耐冇食過鹽酥雞滷肉飯，所以一定要食呢個😋😋配埋香芋奶茶，滿足我想食台灣野既慾望～呢個鹽酥雞炸得好好食，好脆炸粉好少，都幾正宗😋🥰 之後朋友係叫左個紅燒豬軟骨麵～餸同麵係分開上～幾好，碗麵好大份，豬軟骨都好大件，有3件肉質唔會太過爛，厚實，有咬口～呢個叫左青蘋果綠茶飲～😋簡簡單單又一餐，food court食野真係幾方便🥰

最近先知，旺角TOP地庫原來有foodcourt。foodcourt黎講，呢間味道都算ok，價錢相宜。✨味道62分，環境63分，服務63分。.🔸紅燒豬軟骨肉燥拌麵($51)豬軟骨幾入味，咬落拌麵麵質都唔會太稔，另外跟左碗湯汁比你有需要可以落少少撈。.🔸鹽酥雞肉燥飯($46)鹽酥雞唔錯，炸得脆，炸皮薄又香口，肉質稔。飯撈肉燥都好好送飯，味道ok。.🔸黑糖珍珠奶茶(+$16)茶味夠，但好甜，可以嗌少甜。.🔸手作紫薯鮮奶(+$18)超甜😆紫薯有淡淡既香味，整體還好。

坐地鐵B1出口可以直接到達這T.O.P，地面入電梯落兩層左轉，方便易搵。平日夜晚6:30到達，food court還有約3分一座位，全場裝潢簇新，冷氣超夠凍。綜觀場內這間店都相對多人幫襯。預設了兩個餐：鹽酥雞肉燥飯配凍飲手作紫薯鮮奶、附炸澎湖花枝丸；紅燒豬軟骨麵配熱珍珠奶茶。鹽酥雞飯大大碗，飯多、雞件蓋滿飯面，基本上等於二人份，比較驚喜是兩杯飲品，紫薯奶香滑不死甜，大大杯，能嚼到紫薯蓉又不膩，我不口渴也瞬間喝掉整杯；珍奶有濃烈我至愛的伯爵茶香味。食物對得起這價錢。