咖啡弄 (已結業)

鹽酥雞非常之香口惹味！配搭呢個九層塔葉、生蒜頭、夾埋一齊食，感覺非常之清新，不油膩，幫鹽酥雞增香。紅豆綠茶雪糕鬆餅,我食一件已經好飽！如果叫兩個雪糕就好一點！因一舊雪糕只足夠配搭兩舊鬆餅！寶島鳳梨冰沙！睇杯嘢就知幾咁有氣勢！成塊菠蘿頭插左喺個杯邊度！唔飲得都睇得下！當然呢個沙冰味道非常之好飲！味道非常真實！略嫌沙冰價錢貴一點！不過真材實料都值得一試👍🏻👍🏻鬆餅配搭非常之多選擇！價錢相當合理！

一直同女友都想去 但抽唔到時間 今日終於有時間過去試下喇我地訂左六點半 去到唔太多人 可能未到晚飲時間 唔洗等就可以入坐餐點我個人認為唔太多選擇可以食太多數都係甜點或咖啡居多 暖食只有三文治 小食 及小量飯可以選擇 所以我就揀唔到 叫女友幫手喇最後揀左總匯三文治 咖哩黑豚飯 鹽酥雞 同冰香草咖啡 及冰維也納咖啡以我同女友大食黎講 份量十足 味道都幾好 可能比較少人 所以上菜時間都好快只有黑豚飯比較鹹 其他都相當滿意 環境都OK還有只可以比現金 要禁定錢上去 否則好尷尬

星期五晚銅鑼灣到處晚餐都多人，間間餐廳排隊都要10個以上。經過咖啡弄，輪侯人數5個號碼，之前亦聽聞很出名，於是一試。5個號碼也等了多於半小時。。。食物 款式不多， 大多數甜品。 最後叫咗一款三文治一款小食同一個麵，3人分享。 即使叫咗咁多嘢食都仲要最低消費每人一杯飲品。3杯唔同category 的飲品:Strawberry Au Lait ~ 不錯唔記得咩咖啡~姐夫叫的，不知道味道生果茶~重百香果味沒太多茶味，似fruit punch食物方面，叫了小食鹽酥雞，唔錯，是當晚最好食的一款pizza toast~厚方飽上舖茄醬及火腿，外貌一般但味道不錯海鮮喇沙，外表非常多海鮮，不錯。但麵底是公仔麵非常失望。

晚餐後會合了剛下班的朋友在銅鑼灣小聚片刻。我們到咖啡弄坐一下，因為也到了晚上八時多，本來以為不用等，但原來也一樣的要排隊，還好30分鐘左右就可以入座比以前是要快很多了。招牌的熱鮮果茶濃濃的熱情果味，一點酸酸的配上橙香，幫助消化剛才的晚餐鹽酥雞很香，炸粉不厚。份量剛好做小吃送飲品玫瑰花茶，第一次試，很香的玫塊味。味道清新忘記了名字像是柑桔柚子果茶之類

今天相約友人來這家咖啡弄吃下午茶，很幸運的我們不需要等位但要坐share table，反正不用等我們也選擇了馬上入座。打開餐牌，他們有很多不同選擇的咖啡，我看到一款是特製芝麻冰咖啡，芝麻控的我馬上點了這杯咖啡，超好喝呢～～～ 奶油都是他們自家制的，比一般咖啡店的奶油香，滑 一口一口的吃着還伴着一夥一夥的芝麻粒～～～ 天啊太好吃了這個奶油 而朋友點的則是海鹽焦糖latte店員們都有解釋要建議我們要一口cream 一口咖啡的喝，不要混合在一起，不然味道會變，挺貼心的 點主食的時候原本我朋友想吃麵條的，但原來他們的主食是麵包和三文治，所以我們只叫了一客鹽酥雞和一客多士。鹽酥雞沒有太大驚喜，不過我喜歡他們家的鹽下得均勻，沒有一口很鹹，一口沒味道至於這個馬鈴薯蝦沙律多士配柚子醬沙律也挺好吃，蝦沙律做得不太酸，味道是有一點芹菜的味道，而那個柚子醬沒我想像酸，還有一點牛油味道呢，挺特別的

是日係boxing day，已經連續幾日係咁食野，今日唔想再食咁多野，但係正正因為係聖誕佳節，又唔甘心去茶餐廳食個頹飯，所以就決定黎咖啡弄食野，呢到light得黎又幾特別，又飽肚。上一次去咖啡弄都差唔多一年前啦，果次係去尖沙咀分店，今次因為去完會展冬季購物節，所以就黎左銅鑼灣分店。咖啡弄雖然開業已有一段時間，但係依然要排大長龍，同以往一樣，每人都一定要叫一杯飲品，話知你食物叫左幾多樣都好啦，呢個感覺真係麻麻，因為餐飲呢家野，除非真係個餐包埋，否則要另外叫，真係覺得好唔抵，仲要飲完野又食唔到咁多野。雖然係好無益，不過不得不讚呢到既鹽酥雞真係整得好好味呀。BBQ 豬排三文治都算幾大份，豬排仲要係厚切，食落好有口感，配埋蛋沙律，真係幾開胃。雖然「咖啡弄」呢間餐廳規矩係要令人叫一杯飲品，但係正正因為咁我先有機會品嚐呢杯有好多棉花糖既熱朱古力，真係好有童年回憶，飲完真係好鬼飽。同行朋友叫左特調手工咖啡，混合曼特寧與巴西咖啡豆，搭配特製鮮奶油，味道相當香濃，可惜配咖啡既曲奇餅牛油味過重，換D牛油味輕少少既會更加好。

咖啡弄喺香港開咗咁耐，今次終於做好要排隊嘅心理準備，決定去一試台灣風味淨係要搵店舖位置，都用咗我唔少時間，Google map好似唔係準確標明，事關位置唔算開揚。最後終於入啱座大廈，大廈係舊式的。入到去先見到有個牌，箭咀寫住咖啡弄喺上面。所以就行上一樓，當時1點，喺門出面未見人龍，得1、2個人等緊。我同友人就即刻入去攞飛。見到店內已經滿哂人，侍應都開始忙，但仍然用親切嘅方式問我地幾位同埋叫我地耐心等候。等唔係問題，但要喺店外狹窄嘅位置停留愈來愈多嘅人，感覺有啲辛苦。加上除咗咖啡弄外，旁邊仲有幾間店舖，不時有人出入，經常要側身讓來讓去，有啲麻煩等咗差唔多20分鐘，終於有得入去 原本要坐大枱同人一齊撘枱，之後見冇幾耐另外一張二人枱空咗，就問待應可唔可以轉位，對方好好態度，即刻好快幫我哋安排先終於可以坐得舒服啲！食物種類好多，我哋都睇咗一陣先決定到嗌咩。最後嗌咗個1）總𣾀三文治、2）鹽酥雞、3）草莓waffle 、4) oreo沙冰、5) 菠蘿沙冰。------------------------------味道：1）三文治幾足料，肉質幾唔會過硬過lum，夾埋個照燒汁，唔洗擔心三文治乾巴巴。